The Mythic Murders Part 2 : Chapter 1 [ Vishnu ] 72

 

അതുകൊണ്ടുതന്നെ അന്വേഷണവിധേയമായി ഈ കേസ് ഇതുവരെ അന്വേഷിച്ച അസിസ്റ്റന്റ് കമ്മീഷണർ ഓഫ് പോലീസ് പ്രിയ തോമസ് നെ റിപ്പോർട്ട് കിട്ടുന്നത് വരെ സസ്‌പെൻഡ് ചെയ്തിട്ടുണ്ട്.. പുതിയ അസിസ്റ്റന്റ് കമ്മീഷണർ നാളെ മുതൽ ജോയിൻ ചെയ്യും..ഒപ്പം കേസ് അന്വേഷണവും ഏറ്റെടുക്കും..”

 

“മരിച്ച അഭിയും ശരത് ചന്ദ്രനും ആണ് കൊലയാളികൾ എന്നു നിങ്ങൾക്ക് കണ്ടെത്താൻ കഴിയുന്ന തെളിവുകൾ കിട്ടിയോ..”

 

“മരിച്ച പോലീസ് ഓഫീസർ ജയിന്റെ വീട്ടിൽ നിന്നും കിട്ടിയ ബ്ലഡ് അഭിയുടേതാണ്.. ഒപ്പം അവസാനം കിട്ടിയ ബോഡികളിൽ നിന്നും കിട്ടിയ മുടിയും അഭിയുടേതാണ്..

 

പിന്നെ ശരത് ചന്ദ്രന്റെ വീട്ടിൽ നിന്നും ഈ ബോഡികൾ കടത്താൻ ഉപയോഗിച്ച വാൻ കണ്ടെത്തിയിട്ടുണ്ട്….

 

അതുകൊണ്ട് തന്നെ ഇവർ തന്നെയാണ് പ്രതികൾ എന്ന കാര്യത്തിൽ പോലീസ് ഫോഴ്‌സിന് സംശയം ഇല്ല..അവർ ആണ് ചെയ്തത് എന്നു തെളിയിക്കുന്ന വ്യക്തമായ തെളിവുകൾ നമ്മുടെ കയ്യിൽ ഉണ്ട്…അന്വേഷിച്ച പോലീസ് ഓഫീസർസിന്റെ ഭാഗത്തു നിന്നും സംഭവിച്ച പിഴവുകൾ അന്വേഷിക്കാൻ ആണ് പുതിയ അസിസ്റ്റന്റ് കമ്മീഷണർ അടങ്ങിയ സംഘത്തെ നിയോഗിച്ചിട്ടുള്ളത്..കൊച്ചി സീരിയൽ കില്ലിങ് കേസ് ക്ലോസ് ചെയ്തിരിക്കുന്നു…”

 

അത് കേട്ട സിദ്ധാർത്തിനു വലിയ ഞെട്ടൽ സമ്മാനിച്ചില്ല..തെളിവുകൾ അവർക്ക് എതിരായത് കൊണ്ടുതന്നെ ഇനി ഈ കേസ് അവർ അവരിൽ അവസാനിപ്പിക്കും എന്നു അവനു നേരത്തേ തോന്നിയിരുന്നു..

 

ആ വാർത്ത ഉള്ളിൽ ഉള്ള ധ്യാനും കേട്ടിരുന്നു..അവൻ തല കുനിച്ചു ഇരിക്കുക മാത്രമേ ചെയ്തുള്ളു..

 

“അഭി..അഭി അത് ചെയ്യില്ല..”

 

അത് കേട്ട ധ്യാൻ നന്ദുവിനെ നോക്കി..അവൾ അവനെ നോക്കി ഇരിക്കുകയായിരുന്നു…കണ്ണിൽ നിന്നും വെള്ളം വരുന്നുണ്ടായിരുന്നു.. അവൾ ഉണർന്നിരിക്കുകയായിരുന്നു എന്ന കാര്യം അവനു മനസ്സിലായി..

 

അവൻ അവളുടെ കയ്യിൽ മുറുക്കി പിടിച്ചു തല താഴ്ത്തി ഇരുന്നു..അവൻ നിസ്സഹായൻ ആയിരുന്നു..

 

 

അവിടെ ഒരു വലിയ നിശബ്ദത തളം കെട്ടി നിന്നു..കുറെ സമയത്തിന് ശേഷം ഡോക്ടർ വന്നു ചെക്ക് ചെയ്തു അടുത്ത ദിവസം ഡിസ്ചാർജ് ചെയ്യാം എന്ന് പറഞ്ഞു അവിടെ നിന്നും പോയി..

 

അവൻ അവളുടെ അടുത്തു വന്നിരുന്നു..അവൾ മുകളിലേക്ക് നോക്കി കിടക്കുക മാത്രമാണ് ചെയ്തത്.. അവളുടെ കണ്ണിൽ നിന്നും വെള്ളം ഒലിച്ചിറങ്ങുന്നുണ്ടായിരുന്നു..

 

 

“ഇനി ഞാൻ എവിടെപോകുമെടാ…എനിക്ക് ആരും ഇല്ല..അവനു പോകുമ്പോ എന്നെക്കൂടി കൊണ്ടുപോയികൂടെ…”

 

അത് പൂർത്തിയാക്കാൻ ധ്യാൻ സമ്മതിച്ചില്ല..അവൻ അവളുടെ വായ പൊത്തിയിരുന്നു..അവൻ അങ്ങനെ പറയരുത് എന്ന രീതിയിൽ തലയാട്ടി..