The Mythic Murders Part 2 : Chapter 1 [ Vishnu ] 72

 

ആശുപത്രിയിൽ എത്തിയ ഉടൻ അവർ അവളെയും കൊണ്ടു അത്യാഹിത വിഭാഗത്തിലേക്ക് ചെന്നു…ധ്യാനിനും സിദ്ധാർത്തിനും നിസ്സഹായരായി പുറത്തു നിൽക്കാൻ മാത്രമാണ് കഴിഞ്ഞത്..

 

ധ്യാൻ അവിടെയുള്ളൊരു കസേരയിൽ ഇരുന്നു..അവന്റെ മനസ്സ് ആകെ തകർന്നു പോയിരുന്നു..ഉള്ളിൽ വല്ലാത്തൊരു കുറ്റബോധം ഉണ്ടാകാൻ തുടങ്ങി..അത് അവനെ പാതിയെ പതിയെ കാർന്നു തിന്നുകയായിരുന്നു..

 

“നന്ദനയുടെ കൂടെ വന്നവർ..”

 

അത് കേട്ടപ്പോൾ ആണ് ധ്യാൻ ഞെട്ടി എഴുന്നേറ്റത്..

 

“എന്താ സിസ്റ്റർ…”

 

ധ്യാൻ അവരുടെ അടുത്തേക്ക് പെട്ടെന്ന് തന്നെ ചെന്നു..

 

“നന്ദനയുടെ..”

 

“ചേട്ടൻ ആണ്..”,

 

അത് കേട്ട സിസ്റ്റർ ധ്യാനിനെ സൂക്ഷിച്ചു നോക്കി..

 

“ബിപി കൂടിയതാണ്..വേറെ പ്രശ്നമൊന്നും ഇല്ല..ആള് പ്രെഗ്നൻറ് ആയിരുന്നു അല്ലെ..”

 

“കുട്ടിക്ക് എന്തെങ്കിലും…”

 

“പ്രശ്നമൊന്നും ഇല്ല..ഇപ്പോൾ സെഡേഷനിൽ ആണ്..മുറിയിലേക്ക് ഇപ്പോൾ മാറ്റും..”

 

 

അതും പറഞ്ഞു അവർ അകത്തേക്ക് നടന്നു..അത് കേട്ടപ്പോൾ ആണ് ധ്യാനിന് ശ്വാസം വീണത്..

 

കുറച്ചു കഴിഞ്ഞതും അവർ അവളെ മുറിയിലേക്ക് മാറ്റി..ധ്യാൻ മുറിയിലേക്ക് കയറിയെങ്കിലും സിദ്ധാർഥ് കയറിയില്ല..

 

ധ്യാൻ കയറിയപ്പോൾ കണ്ടത് സെഡേഷനിൽ മയങ്ങുന്ന നന്ദുവിനെ ആയിരുന്നു..അവൻ അവളുടെ അടുത്തുള്ളൊരു കസേരയിൽ ഇരുന്നു..

 

അവന്റെ മനസ്സു ആകെ കലുഷിതമായിരുന്നു..എന്നും ഇനി എന്തു ചെയ്യണം എന്ന് പെട്ടെന്ന് തീരുമാനിക്കാൻ പറ്റുന്ന ധ്യാനിന് ഇപ്പോൾ ഒന്നും തീരുമാനിക്കാൻ പറ്റുന്നില്ലായിരുന്നു..

 

അവൻ അവളുടെ വലതുകൈയ്യിൽ അവന്റെ കൈ കോർത്തുപിടിച്ചു..അവന്റെ കണ്ണിൽ നിന്നും വെള്ളം വരുന്നുണ്ടായിരുന്നു..

എന്നാൽ അവൻ അറിഞ്ഞില്ല നന്ദന ഉണർന്നിരുന്ന കാര്യം…

 

_________

 

പുറത്തു നിന്നിരുന്ന സിദ്ധാർഥ് ആകെ കണ്ഫ്യൂഷനിൽ ആയിരുന്നു..അവനു എവിടെയാണ് തെറ്റിയത് എന്നു മനസ്സിലാക്കാൻ പറ്റുന്നുണ്ടായിരുന്നില്ല..

 

അപ്പോഴാണ് അവിടെ പുറത്തുള്ള ടിവിയിൽ നിന്നുമുള്ള വാർത്തയുടെ ശബ്ദം അവൻ കേട്ടത്..അവൻ ആ വാർത്ത ശ്രദ്ധിച്ചു..ആഭ്യന്തര മന്ത്രി ജെയിംസ് അഗസ്റ്റിന്റെ വാർത്ത സമ്മേളനം ആണ്..

 

അവൻ അത് കാണാൻ തുടങ്ങി..

 

_______

 

“സർ കൊച്ചിയെ കഴിഞ്ഞ 2 ആഴ്ചകൾ ആയി ഭീതിയുടെ മുൾമുനയിൽ നിർത്തിയ 2 ക്രിമിനലുകളെയാണ് പൊലീസിന് ജീവനോടെ പിടിക്കാൻ പറ്റാതെ പോയത്..

ഇത് പോലീസിന്റെ വീഴ്ച അല്ലെ..”

 

റിപോർട്ടറുടെ ചോദ്യം കേട്ട മന്ത്രി ചിരിച്ചു..

 

“നിങ്ങൾ ഒരു കാര്യം മനസ്സിലാക്കണം..ഈ സംഭവം അന്വേഷിക്കാൻ ഒരു പ്രിത്യേക സമിതിയെ നിയോഗിച്ചിട്ടുണ്ട്..ആ സമിതിയുടെ റിപ്പോർട്ട് കിട്ടിയാൽ ഉടൻ തീരുമാനങ്ങൾ ഉണ്ടാകും..