താമര മോതിരം 8 [Dragon] 345

ഉഗ്ര രൂപിയായ, കാലത്തിൻറെ അധിപനായ, (അഥവാ കാലത്തിൻറെ ദൈവം) ശിവ ഭഗവാനെ, ദണ്ട പാണിയായ കാല ഭൈരവ രൂപത്തിൽ ഈ ദിവസ്സം ഉപാ സന ചെയ്തു ആരാധിച്ചാൽ എല്ലാ വി ധ കഷ്ട നഷ്ടങ്ങളിൽ നിന്നും മോചനവും, ദുഷ്ട ശക്തികളിൽ നിന്നുള്ള ദൃഷ്ടിയും ദുഷ്ട കണ്ണും ഇല്ലാതെയും ജീവിതം ഔശ ര്യപൂർണ്ണമായിരിക്കുമെന്നും വിശ്വാ സ്സം. വ്രതമെടുത്ത്, രാത്രിയിൽ ഉണർന്നി രിക്കുകയും, ഭോലെ നാഥ് സ്തോത്രവും, ഭജനയും പാടുകയും, ശംഖു വിളി കളും, ശിവ പാർവ തി പൂജയും ഭൈരവ ഉല്പത്തി കഥകൾ കേൾക്കുകയും ചെയ്യണമെന്നത് വിശ്വാസ്സം.

അതി കാലത്ത് ഉണർന്നു പുണ്ണ്യ നദികളിൽ സ്നാനം ചെയ്തു പിതൃ തർപ്പണം ചെയ്യുകയും, ഭൈരവ ഭഗവാൻറെ വാഹനമായ നായക്ക് ഭക്ഷണം കൊടുക്കുക യും ചെയ്യുകയെന്നുള്ളതും ഈ ദിവസ്സത്തിലെ ആചാരങ്ങളാണ്. ശുദ്ധമായ മന സ്സോടു കൂടി കാല ഭൈരവ പൂജ ചെയ്യുന്നവർക്ക് രോഗ ശാന്തിയടക്കമുള്ള ഫല പ്രാപ്തി നിഷ്ചയമെന്നു വിശ്വാസ്സം.

ഗുരു പറഞ്ഞതു മുഴുവൻ കേട്ടിരിക്കുകയായിരുന്നു പൂജാരി – ഒടുവിലായി ഗുരു പറഞ്ഞു ഇവിടത്തെ വിഗ്രഹത്തിനു ഒരു പ്രതേകത ഉണ്ട് അത് കാലത്തിന്റെ ഒരു സമയത്തു് തെളിയുകയും ചെയ്യും .അതുവരെ ഈ വിവരം ആരോടും പറയാതെ സൂക്ഷിക്കണം .

പക്ഷെ ഇപ്പോൾ നമ്മൾക്ക് വലിയൊരു ആപത്തു ഞാൻ കാണുന്നു – നമ്മുടെ ക്ഷേത്രത്തിനു ക്ഷയം സംഭവിക്കുന്ന തരത്തിൽ ഉള്ള എന്തോ ഒന്ന്.അതിൽ നിന്നും രക്ഷ നേടാൻ സാക്ഷാൽ ശങ്കരൻ തന്നെ നമുക്ക് തുണയാകട്ടെ.

എന്താണ് ആപത്തെന്ന് ഗുരുവിനോട് ചോദിച്ചു പൂജാരി –

അറിയില്ല എന്ന മറുപടിയാണ് പറഞ്ഞതു ഗുരു.

<<<<<<<<<<൦ >>>>>>>>>>>

രാവിലെതന്നെ കണ്ണൻ സഞ്ജുവിൽനിന്നും ദേവുവിൽ നിന്നും കളിയാക്കൽ വാങ്ങി കൂട്ടുകയാണ് – ഇന്നലെ നടന്ന സംഭവങ്ങൾ വച്ചു അവർ കണ്ണനെ കളിയാക്കി കൊണ്ടിരിക്കുകയാണ് – എല്ലാം കേട്ട് ഒന്നും തിരികെ പറയാതെ ഇരിക്കുകയാണ് കണ്ണൻ – ഇവരോട് ഇപ്പോൾ ഒന്നും പറഞ്ഞിട്ട് കാര്യം ഇല്ല എന്ന് അറിയാവുന്നതു കൊണ്ടും രണ്ടിനും നാവിനു എല്ലില്ല എന്നറിയാവുന്നതു കൊണ്ടും ഒന്നും തിരികെ പറയാൻ നിന്നില്ല കണ്ണൻ.

സഞ്ജുവിന്റെ മുഖം വാദി ഇരിക്കുന്നതു കണ്ട ദേവു കാര്യം തിരക്കി –

അമ്മയെ കണ്ടിട്ട് കുറച്ചായി എന്നും ഒരാഴ്ച മുന്നേ വീട്ടിൽ നിന്ന് ഇറങ്ങിയത് ആണെന്ന് പറഞ്ഞു അവരോടു – ഇന്ന് ഒന്ന് വീടുവരെ പോയിട്ട് വന്നാൽ കൊള്ളാമായിരുന്നു എന്നും പറഞ്ഞു – ദേവുവും കണ്ണനും ഒപ്പം കൂടാം എന്ന് പറഞ്ഞപ്പോൾ – ദേവുവിന്റെ ആരോഗ്യപ്രശ്നങ്ങളും മറ്റും മനസ്സിൽ ഉള്ളത് കൊണ്ട് അത് പിന്നൊരു ദിവസം ആകട്ടെ എന്ന് പറഞ്ഞു സഞ്ജു – പിന്നെ സമയം കളയാതെ വീട്ടിലേക്കു തിരിക്കാൻ തയ്യാറായി.

ഏറെ വൈകാതെ വീട്ടിലേക്കു തന്റെ ബൈക്കിൽ പുറപ്പെടുകയും ചെയ്തു.മൂന്നു നാലു മണിക്കൂർ വേണം വീട് പിടിക്കാൻ അതിനാൽ സാമാന്യം നല്ല വേഗത്തിൽ ആണ് സഞ്ജു വണ്ടി ഓടിച്ചതു – ഒരു പതിനഞ്ചു കിലോമീറ്റർ ആയപ്പോഴേക്കും തന്റെ വണ്ടിയുടെ പുറകിൽ ആരോ വരുന്നുണ്ട് എന്ന് സഞ്ജുവിന് മനസിലായി.

ഒരു കറുത്ത കളർ സ്കോർപിയ കാർ കുറച്ചു നേരമായി തന്റെ പുറകിൽ തന്നെ ഉണ്ട് – ആ വണ്ടി മുന്നിൽ കയറി പോകാനായി സഞ്ജു ബൈക്ക് വേഗത കുറച്ചു വണ്ടി വശത്തേക്ക് മാറ്റി – എന്നാൽ സഞ്ജുവിന്റെ വണ്ടിയോടൊപ്പം ആ വണ്ടിയും വേഗത കുറയ്ക്കുകയാണ് ഉണ്ടായതു.പേടി തോന്നിയെങ്കിലും തനിക്കു ഒരു ശത്രുക്കൾ ഇല്ല എന്നൊരു വിശ്വാസം കൊണ്ട് സഞ്ജു വണ്ടി വേഗത കുറച്ചു ഒരു വശത്തുകൂടി ഓടിക്കുവാൻ തുടങ്ങി – സഞ്ജുവിന്റെ വണ്ടിയുടെ കൂടെ ആ കറുത്ത സ്കോര്പിയോയും.