തല ചായ്ക്കാൻ ഒരിടം

Thala Chaikkan Oridam | Author : Nafu

 

2012 ജൂലൈ മാസം…

ഞാൻ സൗദിയിൽ വന്നിട്ട് രണ്ടു കൊല്ലം…

കാര്യമായി ഒരു പണിയും ഇല്ല…

എന്റെ സ്പോൺസർ എനിക്ക് ഒരു വാഹനം എടുത്തുതന്നു…

നമ്മുടെ ദബ്ബാബ്… (ദോസ്ത് )

എനിക്ക് ആണെങ്കിൽ അതിൽ ചെയ്യേണ്ട ഒരു പണിയും അറിയില്ല…

ഞാൻ കുറച്ചു ദിവസം സുബ്ഹിക്ക് തന്നെ ജിദ്ദയിലെ പച്ചക്കറി മാർക്കറ്റിൽ പോവും…

അവിടുന്ന് ഒരു ട്രിപ്പ്‌ കിട്ടും…

എറിയാൽ ഒരു നൽപ്പത് റിയാലിന്റെ ഓട്ടം കിട്ടും…

ചിലപ്പോൾ ഒന്നും കിട്ടില്ല പെട്രോൾ പൈസ പോലും…

ആരോടും കടം ചോദിക്കാനും വയ്യ…

സ്പോൺസർ ക് തന്നെ വണ്ടി വാടക മാസം 2000 റിയാൽ വേണമായിരുന്നു
..
അത് തന്നെ ഓരോരുത്തരോടും കടം വേടിച്ചിട്ടാണ് കൊടുക്കുന്നത്…

അന്ന് ജിദ്ദ റൂവൈസിൽ ആയിരുന്നു റൂം…

വാടക 500 റിയാൽ…

ആകെ തട്ടി ഒപ്പിച്ചു പോവുന്ന കാലം…

വണ്ടി എടുത്തിട്ട് രണ്ടാമത്തെ അടവായി സ്പോൺസർ ക്…

കയ്യിൽ ആണെങ്കിൽ 1000 റിയാൽ മാത്രം…

റൂമിന്റെ വാടകയും ആയി…

ഞാനും വേറെ ഒരുത്തനും ഉണ്ട് റൂമിൽ…

അവനും പണി ഇല്ലാത്തത് കൊണ്ട്… വാടക കൊടുക്കാൻ പൈസ ഇല്ല…

അവൻ ഇക്കയുടെ റൂമിലേക്കു മാറി…

എനിക്ക് കാര്യമായി ബന്ധമുള്ള അളിയൻ ആണെങ്കിൽ നാട്ടിലും…

വാടക കൊടുക്കാൻ നിവർത്തി ഇല്ലാതെ ഞാൻ റൂം മാറുക യാണെന്ന് പറഞ്ഞ് അവിടെ നിന്നും ഇറങ്ങി…

കുറച്ചു അപ്പുറത്തു മലപ്പുറത്തുള്ള ഒരാളുടെ വെള്ളം നിറച്ചു കൊടുക്കുന്ന കമ്പനിയുണ്ട് …

അവിടെ ഒരു പാർക്കിങ് സ്പേസ് ഉണ്ട്, കടക്കു പിറകിൽ ആയി…

എല്ലാവരും കട പൂട്ടിപോയാൽ..

രാത്രി പന്ത്രണ്ടു മണിക്ക് ശേഷം ഞാൻ അവിടെ വണ്ടി സൈഡ് ആക്കി അതിൽ തന്നെ കിടന്നുറങ്ങും…

ആരെങ്കിലും വരുന്നതിന് മുമ്പേ ഞാൻ വണ്ടി എടുത്തു പോവുകയും ചെയ്യും….

ഭക്ഷണം കഴിക്കാൻ ഉള്ള പൈസ മാത്രമേ ചിലപ്പോൾ ഓടിയാൽ കിട്ടുക യുള്ളൂ…

എനിക്ക് ആണെങ്കിൽ വഴിയും,