ശിവശക്തി 11 [ പ്രണയരാജ] 341

അവളുടെ കയ്യിൽ മടക്കി വെച്ച ചുവന്ന പട്ടുതുണികൾ ഉണ്ടായിരുന്നു. ആ പട്ടു തുണികൾ അയാൾ വാങ്ങി, ഉപാസനാമൂർത്തിക്കു കാൽ ചുവട്ടിൽ നിരത്തിവെച്ചു.
കുങ്കുമവും, ശവനാറി പുഷ്പവും ആ പട്ടുകൾക്കു മുകളിൽ വിതറിയ ശേഷം കന്യകമാരുടെ രക്ത തുള്ളികൾ കൊണ്ട് പട്ടിനെ ഈറനണിയിച്ചു. ഉഗ്രമന്ത്രോച്ഛാരണ ശേഷം അയാൾ പട്ടുമായി കന്യകമാരുടെ മൃതശരീരം ലക്ഷ്യം വെച്ചു നടന്നു നീങ്ങി.
പിളർത്തി വെച്ച കന്യകയുടെ വയറിനുള്ളിൽ മെത്തയെന്ന പോലെ അയാൾ അവരുടെ ഉദരം ഒരുക്കി. ശേഷം അഞ്ചലയെ നോക്കി പുഞ്ചിരി തൂകിയതും ,അഞ്ചല കവാടത്തിലേക്കു നോക്കി, ഒരു തരം ശബ്ദമുണ്ടാക്കി.
ഒൻപത് നവജാത ശിശുക്കളെയുമായി ഒൻപത് അടിയാളുകൾ വന്നു. അഞ്ചു ദിനത്തിൽ കൂടുതൽ പ്രായം വരാത്ത ആ പൈതലുകളുമായി അവർ കാലരഞ്ജനരികിൽ വന്നു നിന്നു. അയാൾ ആ കുഞ്ഞുങ്ങളെ നോക്കി നിന്നു.
ജഗ്ഗമ്മാ…… നാം പൂജ തുടങ്ങട്ടെ…….
കാലരഞ്ജൻ്റെ ഭക്തിയിൽ സന്തുഷ്ടയായി തൻ്റെ സമ്മതം അറിയിക്കാനെന്നവണ്ണം ഹോമകുണ്ഡത്തിലെ അഗ്നി ആകാശം നോക്കി ഉയർന്നു കത്തി. അതു ശാന്തമായതും കാലരഞ്ജൻ്റെ അട്ടഹാസം അവിടെയാകെ മുഴങ്ങി.
അടുത്ത നിമിഷം അയാൾ അഞ്ചലയെ നോക്കിയതും അവൾ കുഞ്ഞിനെ എടുത്ത്, ആ കന്യകയുടെ ഉദരത്തിനുള്ളിൽ വെച്ച പട്ടിൽ കിടത്തി, അങ്ങനെ ഒൻപത് കുഞ്ഞുങ്ങളെയും കിടത്തിയ ശേഷം കാലരഞ്ജനെ നോക്കി നിന്നു അഞ്ചല.
കാലരഞ്ജൻ കന്യകമാരുടെ മൃതശരീരത്തിനടുത്തെത്തി, അവരുടെ ഉദരത്തിൽ കിടക്കുന്ന കുഞ്ഞിൻ്റെ നെറ്റിയിൽ കന്യകയുടെ രക്തത്താൽ തിലകം ചാർത്തി. ശേഷം അഞ്ചലയെ നോക്കി പുഞ്ചിരിച്ചു.
ഒരു നിമിഷം കൊണ്ട്, അഞ്ചലയുടെ മുഖത്ത് വികൃതമായ ചേഷ്ടകളുണർന്നു. കൈയിൽ പപ്പായ ചെടിയുടെ തണ്ടും പിടിച്ച് അവൾ മൃതശരിരത്തിനരികിൽ ചെന്നു. മൃതശരീരത്തിൻ്റെ ഉദരഭാഗത്ത് പ്രത്യേക രീതിയിൽ പപ്പായ തണ്ടു വെച്ചു കൊണ്ട് അഞ്ചല മൃതശരീരത്തിൻ്റെ ഉദര മാംസങ്ങൾ  തുന്നി ചേർത്തു, അങ്ങനെ അവശേഷിക്കുന്ന എട്ടു മൃതശരീരവും ചെയ്തു.
ഒൻപത് കന്യകമാരുടെ മൃതശരീരത്തിൽ ഉദരത്തിൽ ജീവനുള്ള ഒൻപത് നവജാത ശിശുക്കൾ . കാലരഞ്ജൻ കുങ്കുമമെടുത്ത്, തുന്നിച്ചേർത്ത ഉദരഭാഗങ്ങളിൽ വിതറി ശേഷം അഞ്ചലയെ നോക്കി, നിർദ്ദേശം നൽകിയ ശേഷം അയാൾ പൂജകൾ തുടർന്നു.
കാലരഞ്ജൻ്റെ മന്ത്രോച്ഛാരണങ്ങൾ ഉയർന്നു കേക്കാം, ഈ സമയം അഞ്ചല കുങ്കുമം വെള്ളവും ചേർത്ത് കുഴച്ച് പരുവമാക്കിയെടുക്കുകയാണ്. കാലരഞ്ജൻ ഹോമകുണ്ഡത്തിലേക്ക് അവസാന ആഹൂതിയും അർപ്പിച്ച ശേഷം മൃതശരീരങ്ങൾക്ക് അരികിലേക്കു വന്നു.
ജഗ്ഗമ്മാ….. വാ……..
ഞാനാ…. വിളിക്കുന്നെ…..
വാ….. ശക്തിദായക ബലി തയ്യാറായി….
ജഗ്ഗമ്മാ….. വാ……
കാലരഞ്ജൻ്റെ ക്ഷണം ജഗ്ഗമ്മ സ്വീകരിച്ചതിൻ്റെ തെളിവായി, മൃതശരീരത്തിനരികിലെ മരപ്പാവ കറുത്ത പ്രകാശത്തിൽ തിളങ്ങി നിന്നു.
വന്നല്ലേ… എനിക്കറിയാം…. വരുമെന്ന്…
ശക്തി പകരാനായി എല്ലാം തയ്യാറാണമ്മേ,….
അമ്മയ്ക്കിന്ന് ഭോജനം, ഇഷ്ട ഭോജനം
അതും പറഞ്ഞ് കാലരഞ്ജൻ  അഞ്ചലയെ നോക്കിയതും അവൾ അയാൾക്കരികിലേക്ക് താലവുമായി വന്നു. അയാൾ അതിൽ നിന്നും കുഴച്ചു പരുവമായ കുങ്കുമം കയ്യിലെടുത്ത് മന്ത്രോച്ഛരണം നടത്തിയ ശേഷം പപ്പായ തണ്ടിൻ്റെ അഗ്രഭാഗം ലേപനം ചെയ്തു കൊണ്ട് അടച്ചു കളഞ്ഞു.
അമ്മേ….. ജഗ്ഗമ്മേ… സ്വീകരിച്ചാലും
അതും പറഞ്ഞു കൊണ്ട് കന്യകയുടെ രക്തമെടുത്ത് ആ മൃതശരീരത്തിൽ തമിച്ചതും. മരപ്പാവയിൽ നിന്നും ഒരു കറുത്ത വട്ടം പതിയെ പുറത്തേക്കു വന്നു. അത് മൃതശരീരത്തിൻ്റെ ഉദരഭാഗത്തു നിന്ന ശേഷം പെട്ടെന്ന് ഉദരത്തിനകത്തേക്കു കടന്നു.
നിമിഷനേരങ്ങൾ കൊണ്ട് ആ മൃതശരീരത്തിൻ്റെ ഉദരഭാഗത്തുണ്ടാവുന്ന ചലനങ്ങളിൽ നിന്നും മനസിലാക്കാം പ്രാണനായി പിടയുന്ന നവജാത ശിശുക്കളെ.
പെട്ടെന്ന് ഒരു കന്യകയുടെ ഉദരം തുരന്ന് ഒരു കുഞ്ഞു കൈ പുറത്തേക്കു വന്നു. ആരോ ഉള്ളിലേക്കു വലിക്കുന്നതു പോലെ ആ കുഞ്ഞു കൈ പതിയെ പതിയെ ഉദരത്തിലേക്കു തന്നെ താണു പോയി.