ഷെല്ലി 2

Shelly Part 2 | Author : Adhithi

[ Previous Part ]

 

“”എടാ നീ വിട്ടോ ഞാൻ ഈ റെക്കോർഡ് ഒന്ന് സൈൻ വാങ്ങി വരാം “”

ക്ലാസ്സ്‌ കഴിഞ്ഞപ്പോൾ ഞാൻ ജൂഡിനോട് പറഞ്ഞു .

“”നിനക്ക് എന്ന് മുതലാ ഇത്രക്ക് ആത്മാർത്ഥ ഒക്കെ തുടങ്ങിയെ സത്യം പറയെടാ എന്താ പരിപാടി “”

അവൻ വിശ്വാസം വരാതെ എന്നേ ഒന്ന് നോക്കി .

“”എന്റെ ***%%**# നാളേം ഇത് താങ്ങി പിടിച്ചു വരാൻ വയ്യാത്തത് കൊണ്ടാണ് “”

ഇവന്റെ ഓരോ ചിന്തകളെ .

കോപ്പ് ഇനി സ്റ്റെയർകേസ് ഒക്കെ കയറി അങ് മുകളിൽ എത്തണം . ഇവന്മാർക്ക് സ്റ്റാഫ്‌റൂം ഒക്കെ താഴെ വച്ചാൽ പോരെ .

എന്തായാലും കേറി ഇറങ്ങി വന്നപ്പോഴേക്കും പണി കിട്ടി , നല്ല മഴ .

മഴ മാറുന്നത് വരെ ഇനി ഇവിടെ നിൽക്കണം അല്ലെങ്കിൽ പിന്നെ നനഞ്ഞൊട്ടി പോവണം . ഇതിപ്പോ പാർക്കിങ്ങിൽ എങ്കിലും എത്തിയിരുന്നേൽ അവടെ ഏതെങ്കിലും ഒരുത്തനെ കമ്പനിക്ക് കിട്ടിയേനെ

‘”സാറെന്താ ഇന്ന് പോണില്ലേ “”

ബാക്കിൽ നിന്നുള്ള ചോദ്യം കേട്ട് ഞാൻ തിരിഞ്ഞു നോക്കി .

ഷെല്ലിയാണല്ലോ കൂടെ ഉള്ളതൊക്കെ ഹോസ്റ്റൽ ടീം ആയിരിക്കണം .

“”ദേ കണ്ടില്ലേ മഴ പണി തന്നു ”

ഞാൻ ഇത്തിരി മഴ വെള്ളം കയ്യിൽ ആക്കിക്കൊണ്ട് പറഞ്ഞു .

ഷെല്ലി എന്തോ ആലോചിച്ച ശേഷം കൂടെ ഉണ്ടായിരുന്നവരോട് പൊയ്ക്കോളാൻ പറഞ്ഞു എന്റെ അടുത്തേക്ക് വന്നു .

“”””വാ ഞാൻ കൊണ്ട് പോയി വിടാം “”””

അവൾ കയ്യിൽ ഉണ്ടായിരുന്ന കുട നിവർത്തി എന്നെ വിളിച്ചു

പാർക്കിങ്ങിൽ എങ്കിലും പോയി ഇരിക്കാലോ

“””മ്മ് ശരി പോവാം “”””

എന്നും പറഞ്ഞു ഞാൻ അവളുടെ കൂടെ കയറി

നടന്നു തുടങ്ങിയപ്പോഴാണ് വേറെ പ്രശ്നം . എന്റെ ഇടത്തെ കയ്യും അവളുടെ വലത്തേ കയ്യും കുടയുടെ പുറത്താണ് ..

രണ്ടാളുടെയും കൈകൾ നനയുന്നുണ്ട് .

“””അതേയ് നന്ദു നീ ആ കയ്യെടുത് എന്റെ തോളത്തു വച്ചേ , അല്ലെങ്കിൽ രണ്ടാളും നനയും “””

ഷെല്ലി എന്നേ നോക്കി പറഞ്ഞു ..

“””ഏയ് അതൊക്കെ മോശമല്ലേ ,ആൾക്കാർ എന്ത് വിചാരിക്കും “””

അവളെ ചേർത്ത് പിടിച്ച് നടന്നാൽ മഴ നനയില്ല , എന്നാലും ചെറിയ ഒരു നാണക്കേട് എനിക്ക് തോന്നാതിരുന്നില്ല .,,

“”””പിന്നേ മറ്റുള്ളവരെ ബോധിപ്പിക്കാനല്ലേ നമ്മൾ ജീവിക്കുന്നെ ,,

മറ്റുള്ളവർ എന്ത് വിചാരിക്കും എന്നൊന്നും കരുതി ജീവിക്കാൻ പാടില്ല …

എനിക്ക് നിന്റെ അത്ര ഉയരം ഉണ്ടേൽ ഞാൻ കൈ വച്ചേനെ “”””””

ഷെല്ലി ഒരു ഉപദേശിയെ പോലെ തലയാട്ടിക്കൊണ്ട് പറഞ്ഞു .

അവൾ പറഞ്ഞതും ശരിയാണല്ലോ അവൾക്കതൊരു പ്രശനം അല്ലെങ്കിൽ ബാക്കി ഉള്ളവർ എന്ത് സദാചാരം പറഞ്ഞാലും എനിക്കെന്താ ..

ഇതാരാ മുതൽ ചില നേരത്തെ ഇങ്ങനത്തെ സംസാരം ഒക്കെ കേൾക്കുമ്പോൾ വെല്യേ സംഭവം ആണെന്ന് തോന്നും ..