സ്ഫടികശില്പം [അപ്പൂസ്] 2165

എന്നാലും പോവുന്ന വഴിക്ക് നൈസ് ആയി ഒരുപാട് ലെഫ്റ്റും അടുത്ത റൈറ്റും കട്ട് ചെയ്തപ്പോ എങ്ങനെയെന്നു അറിയില്ല നഴ്സ്മാരുടെ ഡ്യൂട്ടി റൂമിന്റെ മുൻപിലെത്തി…

തലയിട്ട് ഒന്നു നോക്കിയേ ഒള്ളു… ഭദ്രകാളി പോലൊരു താടക… എൻറെ മുഖം കണ്ടത് കൊണ്ടാണോന്നൊരു സംശയം മോസ്ക്കിറ്റൊ ബാറ്റ് കയ്യിലെടുത്ത് പിടിച്ചാണ് വരവ്….

പിന്നെ അവിടെ നിന്നില്ല.. കക്ഷിക്കെങ്ങാൻ മൂളി പറക്കുന്ന എന്നെ കണ്ടു കൊതുക് ആയി തോന്നിയാലോ….. അല്ലേലും ഇതിലും ബെസ്റ്റ് നന്പന്റെ തിരുമോന്ത തന്ന്യാ…

തിരിച്ചു ചെന്നു കേറുമ്പോ  ദേ തേടിയ വള്ളി  റൂമീ വന്നു കത്തി വയ്ക്കുന്നു… അശ്വിൻ തെണ്ടി ആണേ ചന്തി മുതൽ കാൽമുട്ട് വരെ  പെയിന്റ് പോയ ഭാഗം ബെഡിൽ തട്ടി വേദന എടുക്കുന്നത് പോലും പ്രശ്നമാക്കാതെ അതിനെ നോക്കി  കണ്ണുകൊണ്ട് മില്ലിമീറ്റർ ആക്കുറസിയിൽ അളവെടുക്കുന്നുണ്ട്.

“ച്യാച്ചീ ഇവന്റേന്ന് ചോര കൊറേ പോയ്‌ട്ടുണ്ടാ??”

“ഏയ്‌… തൊലി കൊറേ പോയിട്ട്ണ്ട്.. എന്നാലും പ്രശ്നല്യ.. കണ്ടാമൃഗത്തെക്കാൾ കട്ട്യോള്ളതല്ലേ..”

“എന്നിട്ടു എന്തിനാടാ നീയാ  നേഴ്സിന്റെ ചോര മുഴുവൻ ഊറ്റണെ??”

ഉറപ്പാണ് നഴ്സ് കേൾക്കാതിരിക്കാൻ ചുണ്ട് അനക്കികൊണ്ട് അവനെന്നെ പറഞ്ഞത് കാരണം എന്റെ അച്ഛൻ തുമ്മിയിട്ടുണ്ടെന്നു.

“ഓ പ്രശ്നല്യാടാ.. അല്ലേലും കൊറേ കൊതുക് ഉണ്ട് ഈ ഏരിയേലു…. ഭയങ്കര ശല്യാവുമ്പോ കൊതുകിനെപ്പിടി ബാറ്റ് ഇടുത്തൊരു വീശു…യേത്??”

K  & K ഓട്ടോ മൊബൈൽസിലെ ജഗതി പോലെ.. അതിലും ഭീകരമായി ഞാൻ വാ പൊളിച്ചു നിൽക്കുമ്പോ തരുണീമണി  ദേ ചങ്കിനെ നോക്കി പുരികം ഉയർത്തുന്നു..

ഇനി ഞാനൊന്ന് കൈ കഴുകാൻ പോയ സമയം കൊണ്ടു ഇവനെങ്ങാൻ വളച്ചോ  പെൺകൊച്ചിനെ?? അവനാണെ പണ്ടേ മുതൽ സാരിവിസേടെ ആളാ….

“ഇത്രേം പരിജയം ആയിട്ടും പേര്  പറയാത്തത് കഷ്ടാട്ടോ സിസ്റ്ററെ…”

അപ്പോളും ഇര ഇട്ട് കൊണ്ടിരിക്കുന്നേ ഒള്ളൂ അവൻ… കൊത്തിയിട്ടില്ല..

ഹോ.. എന്റെ ശ്വാസം നേരെ വീണു..അല്ലേലും ഞാൻ നശിച്ചാലും പ്രശ്നല്യ.. നീ  രക്ഷപെടാൻ പാടില്യാന്നു കരുതിയില്ലേ ഞാനെങ്ങനെ ടിപ്പിക്കൽ മല്ലു ആവും??

അവിടെ എനിക്കും ലൈൻ വലിക്കാൻ ഗ്യാപ്പ് വച്ചുകൊണ്ട് എന്നെ നോക്കി ഒരു പുഞ്ചിരി എയർ വഴി അയച്ചു തന്നു നുമ്മ തരുണീമണി ഇറങ്ങി പോയി….

ഞാനാ നൻപന്റെ കട്ടിലിനടുത്ത് ചെന്നിരുന്നതും അവന്റെ കുണ്ടി എന്റെ മുഖത്തിന്റെ നേരെ തിരിച്ചു പ്രതിഷ്‌ഠിച്ചു കൊണ്ടു തിരിഞ്ഞു കിടന്നു..

“ഊളെ പവിത്രേനെ..”

ചക്കപഴത്തീ ആർക്കുന്ന മണിയനീച്ചക്ക് കാണില്ല അത്രക്ക് ആവേശം.. അവനൊരു നിമിഷം കൊണ്ടു കുണ്ടിയെക്കാൾ ഭീകരമായ അവന്റെ തിരുമോന്ത എന്റെ നേരെ തിരിച്ചു.. അതിനേക്കാൾ അപഹാസ്യമായ സുന്ദരൻ മുഖം എനിക്കുള്ളത് കൊണ്ടു ഒന്നും പറയാൻ നിന്നില്ല…

“പവിത്ര??”

അമേരിക്ക കൊറിയയിൽ ആറ്റം ബോംബ് ഇട്ടു എന്ന് കേട്ടാൽ നോമിന്റെ തന്തപിടിയുടെ മുഖത്ത് കാണില്ല ഇത്രേം ആവേശം.

“പവിത്ര പെറ്റു.. രണ്ടു പട്ടികുട്ടീം രണ്ടു പൂ… അല്ലേ അത് വേണ്ട…പൂച്ചകുട്ടീം… എന്താ ആവേശം??”

“എന്നാ ആ പട്ടിക്കുട്ടി നിന്റന്നെ ആവും..തിരുമോന്ത കണ്ടാ അറിഞ്ഞൂടെ??? പൂച്ച കുട്ടീടെ കാര്യം ആലോയ്ച്ചാ മതി…നീ കളിക്കാണ്ട് പറഞ്ഞു തൊലക്ക് മലരേ….”

“എന്നാ ഒരൂ@% കൊട്…. അവളെ വളക്കാൻ നടക്കുന്ന കാര്യാ പറയാൻ വന്നേ മലരേ…”