സ്ഫടികശില്പം [അപ്പൂസ്] 2167

“ഈ ഗുളിക ഭക്ഷണം കഴിഞ്ഞിട്ട് കൊടുക്കാനുള്ളതാ.. കടിക്കാൻ പറ്റാത്തോണ്ട് വല്ല ജ്യൂസൊ കഞ്ഞിവെള്ളോ കൊടുത്താലും മതി….”

“കഞ്ഞി വെള്ളം മതി.. അവനല്ലേലും കഞ്ഞി വെള്ളം ഭയങ്കര ഇഷ്ടാ അല്ല്യോടാ കഞ്ഞി…. വെള്ളേ….”

ആ അവസാനം പറഞ്ഞ കഞ്ഞി അല്പം നീട്ടി പിടിച്ചാണ് ഞാൻ ചോദിച്ചത്..

“എനിക്കും തോന്നി.. നിന്റെ കൂട്ടുകാർക്കൊക്കെ കഞ്ഞിയോട് ഭയങ്കര താല്പര്യം കാണുംന്നു.. അതോണ്ടല്ലേ നിന്നോട് കൂട്ട്…”

ആ നഴ്സിന്റെ ഭാഗ്യം അതും പറഞ്ഞു പുറത്തു പോയത്.. അല്ലാരുന്നേ!!!!

ആ കൊച്ചു കണ്ണിൽ നിന്ന് മറയുന്നത് വരേ  അളവെടുത്തു ഞാനും… എതിർവശത്തു തിരിഞ്ഞു കിടന്നുകൊണ്ടും  തല  നൂറ്റി എൺപത് ഡിഗ്രി തിരിച്ചു നുമ്മ നന്പനും… അത് ഊഹിച്ചാകും  കക്ഷി ഒന്നു പിന്തിരിഞ്ഞു നോക്കിയാണ് പോയതും..

അവന്റെ ബെഡിന്റെ ഇടയിൽ നിന്ന് അവന്റെ തന്നെ പേഴ്സ് അടിച്ചു മാറ്റി സ്റ്റീൽ പാത്രവുമെടുത്തു  ഞാൻ തിരിഞ്ഞു..

“എന്തിനാടാ കഞ്ഞിവെള്ളം വാങ്ങാൻ പേഴ്സ്??”

“നിനക്കല്ലേ  കഞ്ഞിവെള്ളം ഗർഭം… എനിക്ക് പൊറോട്ടയും ബീഫുമാണ്  ഗർഭം…”

വലിയ വിശപ്പ് ഇല്ലാത്തത് കൊണ്ടു വളരെ ലൈറ്റ് ആയി കഴിക്കാൻ  മൂന്നു പൊറോട്ടയും ബീഫ് ഫ്രൈയും എനിക്കും കഞ്ഞിവെള്ളം അവനുമായി വാങ്ങി..

“ചേട്ടാ ഒരു പൈനാപ്പിൽ ജ്യൂസ് പാഴ്സൽ കൂടി തന്നേക്ക്…”

കാല് മടക്കി ടോയ്‌ലെറ്റിൽ ഇരിക്കാൻ  ബുദ്ധിമുട്ടുള്ള ചങ്കിനു കൊടുക്കാൻ ഇതിലും നല്ല  ഫുഡ് വേറെ ഇല്ല ബ്രോസ്…

തിരിച്ചു റൂമിലെത്തി പൊറോട്ടയും ബീഫ് ഫ്രൈയും  തുറന്ന് ഒരു മിനിറ്റ് വച്ചു കഴിഞ്ഞാണ് കഞ്ഞിവെള്ളം ചെക്കന് കൊടുക്കുന്നേ…

ബീഫ് ഫ്രൈ യുടെ മണം കാരണം തൊള്ളയെക്കാൾ വലുതായിട്ടുണ്ട് അവൻറെ മൂക്ക്…

“കൊരങ്ങന് വേണാ??”

ഒരുനിമിഷത്തേക്ക് കിലുക്കത്തിലെ രേവതി എന്നിൽ ആവേശിച്ച് ഒരു കഷ്ണം പൊറോട്ടയിൽ  രണ്ടു കഷ്ണം ബീഫ് ഫ്രൈ കൂടി  ചേർത്ത്  നീട്ടി.. രണ്ടു പല്ല് പോയ വേദനയിലും ആശാനൊന്ന് വായ് തുറന്നു…

പക്ഷെ രണ്ടു പല്ല് പോയി കിടക്കുന്ന  ചങ്കിനു ബീഫും പൊറോട്ടയും കൊടുക്കാൻ മാത്രം ദുഷ്ടനല്ലല്ലോ ഞാൻ..

ആ തുറന്ന വായിലേക്ക് കഞ്ഞിവെള്ളം ഒഴിച്ച് കൊടുക്കുന്നതിനൊപ്പം ആന കയറിയ കരിമ്പിൻ തോട്ടം പോലെയായി  എന്റെ  ബീഫും പൊറോട്ടയും..

അതിൽ നോക്കി കൊതി ഇറക്കി കൊണ്ടിരുന്ന നൻപന് ആ പൈനാപ്പിൽ  ജ്യൂസ് കൂടി വായ്ക്കരി ഇട്ടു കൊടുത്തു ഹാപ്പിയാക്കി  ഞാനൊന്ന് കറങ്ങാൻ ഇറങ്ങി..

കൈ കഴുകാനാ….അല്ലാതെ ആ തരുണീ മണീനെ കാണാനൊന്നും അല്ലാട്ടോ…