സ്ഫടികശില്പം [അപ്പൂസ്] 2167

അച്ഛൻ പട്ടാളത്തീന്ന് റിട്ടയർ ആയി വന്നിട്ട് പതിനഞ്ചു വർഷായിട്ടും ഇന്നും ആർമിയിലാണെന്നാണ് വിചാരം.. നാട്ടുകാരും അമ്മയും ചേച്ചിയും ഞാനും ഒക്കെ പാക്കിസ്താൻകാരും.. പിന്നെ എന്നെ സറണ്ടർ ചെയ്ത പാകിസ്ഥാൻകാരൻ ആയി കാണുന്നത്കൊണ്ട് വെടിയില്ല… പുച്ഛം കലർന്ന ഒരു ചിരി മാത്രം കിട്ടും ആണ്ടിനും സങ്കരാന്തിക്കും.

അമ്മ എല്ലാ വീട്ടിലെയും പോലെ… കരച്ചിൽ ആണ് മെയിൻ ആയുധം…

പിന്നെ ചേച്ചി നന്ദിത… ഞങ്ങ ടോം ആൻഡ് ജെറി പോലെ ആണ്.. എപ്പോ കണ്ടാലും പരസ്പരം കടിച്ചു കീറാൻ നടക്കും.. എന്നാലോ കാണാതെ ഇരിക്കാനും പറ്റില്ല.. കല്യാണം ഉറപ്പിച്ചിട്ടുണ്ട് കക്ഷിയുടെ..

ഇനി കാര്യത്തിലേക്ക് വരാം

രണ്ടു പെഗ്ഗ്ടിച്ചു വർഷകുട്ടീടെ വിളീം കാത്തു കിടന്നു ഞാനങ് ഉറങ്ങിപ്പോയി…. കക്ഷിയാണേൽ അമ്മയുടെ അസുഖം കൂടിയത് കൊണ്ട് അല്പം ബിസി ആണ്..

ഏറെ കഴിഞ്ഞു അവളുടെ കാൾ വന്ന അതേ ടൈമി ചേച്ചിയുടെ എൻട്രി… ഭാവി ഭർത്താവിനെ വിളിക്കാൻ വൈഫൈ വേണമത്രേ..

എന്റെ കരയുന്ന ഫോണും അതിൽ കാണുന്ന വർഷകുട്ടി എന്ന പേരും ആളെ അല്പം സംശയത്തോടെ എങ്കിലും ആ കാൾ അറ്റൻഡ് ചെയ്യിപ്പിച്ചു…

ആളാരാണെന്ന് കൺഫേം ചെയ്തു ചേച്ചി എന്നെ വിളിച്ചു ചേച്ചി ഫോൺ തന്നു…

നന്ദിതെച്ചി  ഉള്ളോണ്ട് തന്നെ കുറഞ്ഞില്ലേൽ അമ്മയെ നാളെ ഹോസ്പിറ്റലിൽ കൊണ്ടുപോണം എന്നു പറഞ്ഞു അധികം സംസാരിക്കാതെ ഫോൺ കട്ട്‌ ചെയ്തു…

അപ്പോളേക്കും നന്ദിതെച്ചി എന്റെ അരികിൽ കിടന്നു കഴിഞ്ഞു…

“ഡാ എന്താ നിങ്ങ തമ്മീന്നു??”

“അത് ഞങ്ങ വെറുതെ…”

“എന്നെ വിളിക്കാതെ ഈ നേരത്ത് നിന്നെ വിളിക്കണത് നിങ്ങ ഫ്രണ്ട്സ് ആയോണ്ടാന്ന് പറയാൻ നിക്കല്ലേ…”

“അല്ലേച്ചീ.. ഞങ്ങ…”

“ഞങ്ങൾടെ എടേൽ ഏറ്റോം ഹാപ്പി ആയി തോന്നാറു അവളാടാ… പക്ഷെ ഒക്കെ അഭിനയാ… ഏറ്റോം കരയണതു അവളാ.. നിയായിട്ട്  അതിനെ ഇനീം കരയിക്കല്ലേ…”

“ഇല്ലേച്ചീ… ഞാൻ സീരിയസാ…”

“എന്ത്  സീരിയസാന്ന്?? അച്ഛനോട് പറയാനുള്ള ധൈര്യം ഉണ്ടാ നിനക്ക്??? അന്നട്ടാ കല്യാണം…”

“ഞാങ്കെട്ടും ചേച്ചീ… അച്ഛൻ  സമ്മതിച്ചില്ലേലും ഞാനും കെട്ടും അവളെ…”

അങ്ങനെ പറഞ്ഞെങ്കിലും  അതെങ്ങനെ എന്ന് എനിക്കറിയില്ല.. അച്ഛനെ എനിക്ക് പേടി തന്നെയാണ്.. എനിക്ക് മാത്രമല്ല എല്ലാർക്കും.. ചേച്ചിയുടെ ഉള്ളിലുണ്ടായിരുന്ന ചെറിയ ഇഷ്ടം അച്ഛനോട് പറയാൻ പോലും ചേച്ചിക്ക് ധൈര്യം വന്നിട്ടില്ല.. അത്കൊണ്ട് അച്ഛൻ പറഞ്ഞയാളെ കെട്ടാൻ പോവാണ് കക്ഷി..

“മ്മ്.. എനിക്കറിയാം ഇഷ്ടപ്പെട്ടട്ടു വേണ്ടാന്ന് വയ്ക്കാനുള്ള പാട്… അത് വിട്… നിനക്ക് അറിയോ അവള്ടെ അമ്മേടെ അസുഖേന്താന്ന്??”

“മ്മ് മാനസികാരോഗം..”

“അതേ.. ഭ്രാന്ത്… എന്താ ഉറപ്പ് അവള്ക്ക് ഇത് വരില്യാന്ന്?? എന്റെ മോന്റെ ലൈഫ് അവൾക്ക് വേണ്ടി കളയണോടാ??”

“എന്റെയേച്ചീ കല്യാണം കഴിഞ്ഞട്ടു എനിക്കെന്തേലും പറ്റി തളർന്നു കെട്ന്നാ പെണ്ണ്  നോക്കണ്ടേ?? അത് പോലെ ഞാൻ തിരിച്ചും… അത്രേം കരുതിയാ മതി…”

“മ്മ് എന്തായാലും വേഷമിക്കാണ്ട് രുന്നാ മതി അവളും നീയും..”