രുദ്ര [രാവണാസുരൻ] 182

എന്റെ പെങ്ങളെ ബസ്സിൽ കൂട്ട മാനഭംഗത്തിന് ഇരയാക്കിയവർ.എന്റെ മനസ്സിൽ ഒരൊറ്റ ലക്ഷ്യം
നാളത്തെ സൂര്യോദയം കണികാണേണ്ടത് അവർക്ക് എന്റെ പെങ്ങളെ ഇല്ലാതാക്കിയവർക്ക് ഭാരതാംമ്പയുടെ പുത്രിമാരിൽ ഒരുവൾ സംഹാര രൂപയായ ഈ രുദ്ര നൽകുന്ന ശിക്ഷയായിരിക്കണം.
ഇനി ഇരുട്ടിൽ പോലും ഒരു പെണ്ണിന്റെ മടിക്കുത്തഴിക്കാൻ അവളെ കമകണ്ണുകളോടെ നോക്കുന്ന ഏതൊരുവനും ഭയക്കണം. എന്റെ സഹോദരിമാരെ തൊട്ട ഓരോരുത്തനെയും കൊല്ലും ഞാൻ വേദന എന്താണെന്ന് അറിയിച്ചു തന്നെ കൊല്ലും.ഒരു പെണ്ണിന് അവളുടെ ജീവനേക്കാൾ അവൾ വിലകല്പിക്കുന്ന മാനം പറിച്ചെടുത്തൽ അവൾ അനുഭവിക്കുന്ന മരണത്തേക്കാൾ ഭീകരമായ വേദന അതറിയിച്ചു തന്നെ കൊല്ലും ????മോളെ നിന്നോട് അറിയാതെ പ്ലാൻ എന്താണെന്ന് ചോദിച്ചു പോയതാ ഈ മുത്തശ്ശൻ ഇനി അടിയൻ ഈ തെറ്റ് ആവർത്തിക്കില്ല.അതേയ് പകുതി മമ്മുട്ടിയുടെ ആ പഴയ സിനിമയിൽ നിന്ന് എടുത്തത് ബാക്കി പകുതി എവിടുന്ന് അടിച്ചു മാറ്റിയതാ

മുത്തശ്ശാ വന്നുവന്ന് മുത്തശ്ശനും എന്നെ ട്രോളാൻ തുടങ്ങിയോ ?.

ഹഹഹ മുത്തശ്ശൻ എന്റെ കുട്ടിയെ ചുമ്മാ കളിയാക്കിയതല്ലേ. പോയകാര്യം തീർത്തിട്ട് പെട്ടന്ന് വാ രണ്ടു ദിവസത്തിൽ ഇവിടെ ഉത്സവത്തിന് കൊടിയേറും ഞാനും നിന്റെ മുത്തശ്ശിയും നിങ്ങളെ രണ്ടിനെയും ഇവിടെ കാത്തിരിക്കുവാണെന്ന് മറക്കരുത്.

ഇല്ല മുത്തശ്ശാ ഇന്ന്കൊണ്ട് ഇവിടുത്തെ പണി കഴിയും.നാളെത്തന്നെ ഞങ്ങൾ ഇവിടുന്ന് തിരിക്കും.ശരി മുത്തശ്ശാ വയ്ക്കുവാ ഇനിയും ഈ ഫോൺ വിളി തുടർന്നാൽ മിക്കവാറും നാളെ ഞാനും വാർത്തയാകും.പറയാനുള്ള വഴക്ക് ഓർത്തു വച്ചോ ഞാൻ നേരിട്ട് വന്നു കൈപ്പാട്ടിക്കോളാം വയ്ക്കുവാ.

കുറച്ചു ദൂരെ നിന്ന് ഒരു വണ്ടി വരുന്നുണ്ട് അവർ തന്നെ എന്റെ ഇരകൾ.ഇരകളെ വേട്ടയാടാൻ വിശപ്പോടെ കാത്തിരിക്കുന്ന സിംഹത്തെ സൂചിപ്പിക്കുന്നതായിരുന്നു അവളുടെ ഭാവം.അവരുടെ വണ്ടി അടുത്തെത്തി അവൾ തന്റെ enfield അവർക്ക് കാണാൻ പാകത്തിന് മുന്നോട്ട് കുതിപ്പിച്ചു.അവരിൽ പുതിയ ഇരയെ കിട്ടിയ സന്തോഷം ഉണ്ടാക്കാൻ വേണ്ടി അവർ തന്നെ പിന്തുടരാൻ വേണ്ടി അവൾ കൊരുത്തിട്ട ചൂണ്ട.അതിൽ അവർ കുടുങ്ങി അവർ അവളുടെ പിന്നാലെ തന്നെ വണ്ടി പായിച്ചു.അവൾ മുൻകൂട്ടി തയാറാക്കിയ പദ്ധതി പ്രകാരം തന്നെ നീങ്ങി.ആൾവാസം ഇല്ലാത്ത പ്രദേശത്തേക്ക് തന്നെ ബുള്ളറ്റ് പായിച്ചു.അവർ പണി എളുപ്പമാകും എന്ന ചിന്തയിൽ അവളെ പിന്തുടർന്നു.അവൾ ആരോ തന്നെ പിന്തുടരുന്നത് മനസ്സിലാക്കിയ സ്ത്രീ സഹജമായ പേടിവരുത്തുന്നതായി അവരെ ബോധിപ്പിച്ചു വണ്ടിയുടെ speed കൂട്ടി ഒരു വളവു തിരിഞ്ഞ് വേഗത്തിൽ മുന്നോട്ട് പോയി.അവർ ആ വളവ് തിരിഞ്ഞെത്തിയപ്പോഴേക്കും മുന്നിൽ enfield ഇല്ല. അവർ കുറച്ചു കൂടെ മുന്നോട്ട് പോയി വണ്ടി നിർത്തി.നാലുപേരും വണ്ടിയിൽ നിന്ന് ഇറങ്ങി അവിടെ മുഴുവനും തിരയാൻ തുടങ്ങി.

വോ യഹാ ഹി ഹോഗാ (അവൾ ഇവിടെ തന്നെ കാണും )അവരിൽ ഒരാൾ പറഞ്ഞു

[എനിക്കും നിങ്ങൾക്കും എളുപ്പത്തിന് മലയാളത്തിൽ പറയാം ?.എന്തിനാ വെറുതെ risk എടുക്കുന്നെ ]

അവർ അവിടെയൊക്കെ തിരഞ്ഞു കൂട്ടത്തിൽ ഒരുവൻ എല്ലാവരെയും വിളിച്ചു
എല്ലാവരും അവന്റടുത്തേക്ക് പോയി

ടാ അവളുടെ വണ്ടി ദാ ഇവിടെ ഉണ്ട്
നമ്മളെ കണ്ടു പേടിച്ചൊളിക്കുന്നതിനിടയിൽ
വണ്ടി പുല്ലിനിടയിൽ ഒളിപ്പിച്ചു എന്നാൽ താക്കോൽ off ചെയ്യാൻ മറന്നു. അവരിൽ ഒരുവൻ ബാക്കിയുള്ളവരോടായി പറഞ്ഞു