RIVALS – 3 [Pysdi] 281

ആമി പറഞ്ഞത് ശെരിയായിരുന്നു അവൾ എന്നെ പറ്റി അവളുടെ കൂടെയുള്ളവളോട് എന്തൊക്കെയോ പറയുന്നുണ്ട് ഇടക്ക് ചിരിക്കുന്നുമുണ്ട്…. ആ അതെന്തേലുമാകട്ടെ അപ്പോയെക്കും ടേബിളിന് മുമ്പിലെത്തിയ ചിക്കനിൽ ശ്രെദ്ധ കേന്ദ്രീകരിച്ചു… എന്നാലും ഇടക്കൊക്കെ അവളുടെ കണ്ണുകളിലേക്ക് നോട്ടം പോയി…

കഴിച്ചു പകുതിയായി ആമിയെ നോക്കുമ്പോഴാണ് പ്ലേറ്റിൽ എല്ലു മാത്രം ബാക്കിയാക്കി എന്നെ നോക്കിയിരിക്കുന്നത് കാണുന്നത്…. സംഗതി മനസ്സിലായപ്പോൾ ഞാനെന്റെ പ്ലേറ്റ് അവൾക്കു മുൻപിലേക്ക് നീട്ടി…. “അല്ലേലും നീ സൂപ്പറാണ് ” കയ്യിലുണ്ടായിരുന്ന കെച്ചപ്പ് എന്റെ കവിളിൽ പുരട്ടിയാണ് കുരിപ്പ് നന്ദി പ്രകാശിപ്പിച്ചത്…… വേണ്ടായിരുന്നു?… ഒന്ന് ഇടംകണ്ണിട്ട് പിശാചിനെ നോക്കിയപ്പോഴാണ് ആ സാധനം ഞങ്ങളെ തന്നെനോക്കി ഇരിപ്പാണെന്ന് മനസ്സിലായത്…. പിന്നെ അധികനേരം അവിടെ ചെലവഴിക്കാതെ നേരെ വീട്ടിലോട്ടു വിട്ടു…… വീട്ടിലെത്തിയപ്പോൾ കാണുന്നത് ഉപ്പയുമായി കത്തി വെച്ചിരിക്കുന്ന ശ്രീയെയാണ്… വെറും മൂന്ന് കൊല്ലത്തെ പരിചയമേവുള്ളുവെങ്കിലും എന്നെപ്പോലെ തന്നെയാണ് ഉപ്പാക് അവനും.

ഉപ്പ ഈയിടെ വാങ്ങിയ പുത്തൻ താറിലാണ് ഞങ്ങൾ പോകുന്നത്… ആമിയും ഷാനുവും അവരുടെ റൂമിലും ശ്രീ എന്റെ കൂടെ എന്റെ റൂമിലുമാണ് കിടന്നത്….

“എടാ നീ അവരോടൊന്നും ഷെറിനെ പറ്റി പറയുന്നില്ലേ ” ഷെറിനെ ഇന്ന് കണ്ട കാര്യം ശ്രീയോട് പറഞ്ഞപ്പോഴാണ് ഈ ചോദ്യം അവനെടുത്തിട്ടത്…. ‘ഇനിയും ഞാനിത് പറയാതെ വേറെ വഴിയിലൂടെയെങ്ങാനുമാണ് അവളുമാരറിഞ്ഞതെങ്കിൽ എന്നെയെപ്പോ യമപുരിക്കയാക്കുമെന്ന് ചോദിച്ചാൽ മതി ’…… തമാശരുപേനയാണ് ഞാനത് പറഞ്ഞതെങ്കിലും ഇതുവരെ ഞാൻ അവരിൽനിന്ന് എന്റെ ഒരുകാര്യവും മറച്ചുവെചിട്ടില്ല…. ഈ ട്രിപ്പിൽ തന്നെ ക്യാമ്പിൽ നടന്ന മുഴുവൻ കാര്യങ്ങളും അവരോട് പറയണം എന്ന് ഞാൻ മനസ്സിലുറപ്പിച്ചിരുന്നു.