റെഡ് ഹാൻഡ് Part 1

Author : Chithra S K

ധനുമാസത്തിലെ മഞ്ഞുവീഴുന്ന അർദ്ധരാത്രി. വീഴുന്ന മഞ്ഞുവീഴ്ച്ചയെ കീറിമുറിച്ചുകൊണ്ട് കേരളസർക്കാരിന്റെ ആനവണ്ടി കടന്നുപോവുന്നു.

” സർ… സർ ”

ആരോ തോളിൽതട്ടുന്നത് അറിഞ്ഞാണ് ഇൻസ്‌പെക്ടർ ജസ്റ്റിൻ എഴുന്നേൽക്കുന്നത്. കണ്ണുകൾ തുറന്നു നോക്കി. കണ്ടക്ടർ നന്ദുവാണ്.

” എത്തിയോ… നന്ദു ” അയാൾ ചോദിച്ചു.

“ദാ… അടുത്തസ്റ്റോപ്പാണ് സാറിന്റെ ”

അയാൾ തന്റെ വാച്ചില്ലേക്ക് നോക്കി. സമയം പന്ത്രണ്ടു കഴിഞ്ഞു.

” താനീ സർ വിളി നിർത്താമോ നന്ദു. ഒന്നുമില്ലെങ്കിലും നമ്മൾ ഒരുമിച്ചു കളിച്ചുവളർന്നതലേ. ”

അതിനു മറുപടിയായി ഒന്നു ചിരിക്കുക മാത്രമാണ് നന്ദു ചെയ്തത്.

” പെങ്ങൾക്കിപ്പോൾ എങ്ങനെ ഉണ്ട് നന്ദു ”

അതു കേട്ടപ്പോൾ നന്ദുവിന്റെ കണ്ണിൽ നിന്നും കണ്ണീർ പൊടിഞ്ഞുവോ. പൊടിയും എങ്ങനെ പൊടിയാതിരിക്കും. അതറിഞ്ഞിട്ട് തന്നെ ജസ്റ്റിൻ അവന്റെ തോളിൽ കൈ അമർത്തി.

” വിഷമിക്കുവാൻ പറഞ്ഞതല്ല നന്ദു… എന്റെ പ്രാർത്ഥന എപ്പോഴും കൂടെയുണ്ടാവും. ”

അപ്പോഴേക്കും ജസ്റ്റിന്റെ സ്ഥലത്ത് ബസ് നിർത്തിയിരുന്നു. ഇറങ്ങുമ്പോളും അവന്റെ മുഖത്തേക്ക് ജസ്റ്റിൻ നോക്കി. പുറത്തേക്ക് ആ സങ്കടം കാണുന്നിലെങ്കിലും അവന്റെ ഉള്ളിൽ ആ സങ്കടം അലയടിക്കുന്നത് കാണാം. എങ്ങനെ സങ്കടപെടാതിരിക്കും, ഒരേയൊരു പെങ്ങൾ അന്നത്തെ അർദ്ധരാത്രി വഴിയോരത്ത് ഒതുക്കിയിരുന്ന ബസിൽവച്ച് ബലാത്സംഗത്തിന് ഇരയായതും, ഏതോ ഒരു നിരപരാധിയായ ബംഗാളിയെ അന്വേഷണോദ്യോഗസ്ഥർക്ക് പ്രതിയായി ഇട്ടു കൊടുത്തതും എല്ലാം അവൻ എങ്ങനെ മറക്കുവാൻ ആണ്.

മൊബൈലിന്റെ റിങ്ടോൺ കേട്ടാണ് ജസ്റ്റിൻ സ്വബോധത്തിലേക്ക് എത്തി ചേർന്നത്. ജസ്റ്റിൻ മൊബൈൽ എടുത്തുനോക്കി.