രാക്ഷസൻ 7

Author : Führer

[ Previous Part ]  
ചോരയില്‍ കുളിച്ചു കിടക്കുന്ന അയ്യപ്പന്റെ മേലേയ്ക്കു വിക്രമിന്റെ ജീവന്‍ വെടിഞ്ഞ ശരീരം വീണു. ശവശരീരം ശരീരത്തിലേക്കു വീണതോടെ അസഹനീയത തോന്നിയ അയ്യപ്പൻ വിക്രമിന്റെ ശരീരം തന്റെ മേല്‍നിന്നു കുടഞ്ഞു നിലത്തിട്ടു.

 

അവന്‍ വെടിയുതിര്‍ത്ത ദിശയിലേക്കു നോക്കി.
പാതി മുഖം മറച്ചു തന്നെ ഇവിടേക്കു പിടിച്ചുകെട്ടി കൊണ്ടു വന്നവന്‍ നില്‍ക്കുന്നതു കണ്ട് അയ്യപ്പന്‍ നിലത്തു നിന്നു ആയാസപ്പെട്ടു എഴുനേറ്റു.

നിനക്ക് എന്തിന്റെ കേടാടാ നാറി. അവന്‍ ദേഷ്യത്തോടെ അലറി. മുഖത്ത് വിക്രമിന്റെ രക്തം ഒഴുകുന്നത് അവന് അസഹനീയമായിരുന്നു.

എന്റെ കെട്ടഴിച്ചു മാറ്റെടാ. അയ്യപ്പന്‍ വീണ്ടും അലറി.

അയ്യപ്പന്‍ വാക്കുകള്‍ പൂര്‍ത്തിയാക്കിയപ്പോഴേക്കും അയാൾ മുഖം മറച്ച ഭാഗം അഴിച്ചു മാറ്റിയിരുന്നു.

നിനക്കെന്നെ മനസിലായിരുന്നോ.. അമര്‍ അത്ഭുതത്തോടെ  അയ്യപ്പനോടു ചോദിച്ചു.

ആളെ കൊല്ലാന്‍ ഇറങ്ങിയാലും അത്തറും പൂശി നടന്നോളും ശവം. അയ്യപ്പൻ പിറുപിറുത്തു.

എടാ എന്റെ കെട്ടഴിച്ചു മാറ്റുന്നുണ്ടോ.
എന്നാലും നിനക്ക് എങ്ങനെ എന്നെ മനസിലായടാ.

ഓര്‍മ്മവെച്ച നാള്‍മുതല്‍ ഒരുമിച്ചുണ്ടായിരുന്ന എന്നോടോ ബാലാ നിന്റെ മുഖംമൂടിക്കളി.
അല്ല നീ എങ്ങിനെ ഇവിടെ എത്തി.
കൈയിലെ കെട്ടഴിച്ചു മാറ്റുന്ന അമറിനോട് അയ്യപ്പന്‍ ചോദിച്ചു.

 

കൈയ്യിലെ കെട്ടഴിച്ച ശേഷം കാലിലെയും കെട്ട് അഴിച്ചു മാറ്റി.

നൊന്തോടാ നാറീ.അയ്യപ്പനെ കെട്ടിപ്പിച്ചുകൊണ്ടു അമര്‍ ചോദിച്ചു.

ഒന്ന് പോടാ നാറീ.. നീ എങ്ങനെ ഇവിടെ വന്നെന്നു പറ. അയ്യപ്പന്‍ ആകാംഷയോടെ ചോദിച്ചു.