രാക്ഷസൻ 6 [FÜHRER] 341

സൂര്യന്‍ ചെങ്കടലില്‍ ചാടി ആത്മഹത്യ ചെയ്യുമ്പോള്‍ നിന്നെയും കൂട്ടിനയക്കാം സഹോദരാ. ഇതായിരുന്നു ആ ഫോണ്‍കോളിന്റെ സന്ദേശം. തിരിച്ചെന്തെങ്കിലും പറയും മുന്നേ അയാള്‍ കോള്‍ കട്ട് ചെയ്തിരുന്നു. ആ ദേഷ്യത്തില്‍ റാണ തന്റെ ഫോണ്‍ വലിച്ചെറിയുകയായിരുന്നു.

എത്രയാലോചിച്ചിട്ടും ആരാണ് അതെന്നു കണ്ടുപിടിക്കാന്‍ മാത്രം റാണയ്ക്കു കഴിഞ്ഞില്ല. വിക്രമിനോടു പോലും ഈ സന്ദേശത്തെ കുറിച്ചു പറയാന്‍ അയാള്‍ക്ക് അപകര്‍ഷതാബോധത്താല്‍ സാധിച്ചില്ല…

കാര്‍ ഓഫീസിന്റെ ഗേറ്റു കടന്നതും സെക്യൂരിറ്റി അയാളെ തടഞ്ഞു നിര്‍ത്തി.

കോപം കൊണ്ടു വിറച്ച റാണ ഡോര്‍ വലിച്ചു തുറന്നു പുറത്തേക്കിറങ്ങിയതും സെക്യൂരിറ്റിയെ അടിച്ചു താഴെയിട്ടു.

എന്റെ എച്ചില്‍ തിന്നുകൊഴുത്ത നിനക്കൊക്കെ എന്നെ തടയാന്‍ മാത്രം ദൈര്യമോ.. സെക്യൂരിറ്റി ഭയന്ന മുഖത്തോടെ റാണയെ നോക്കി.

എന്നെ ഒന്നും ചെയ്യല്ലേ സാബ്,
പുതിയ മുതലാളിയുടെ ഉത്തരവാണു സാറിനെ ഇവിടേക്കു കടത്തിവിടെരുതെന്ന്.

നേര്‍ത്ത ശബ്ദത്തില്‍ സെക്യൂരിറ്റി പറയുന്നതു കേട്ട റാണ ഞെട്ടി. എങ്കിലും അതു മുഖത്തു പ്രകടമാക്കാതെ സെക്യൂരിറ്റിയുടെ നെഞ്ചില്‍ ചവിട്ടി.

ഡാ ഈ കാണുന്നതെല്ലാം റാണയുടെ സ്വത്താണ് ആര്‍ക്കും അതു റാണ തീറെഴുതിയിട്ടില്ല.

സാര്‍ കേടതി ഉത്തരവുമായി ഒരാള്‍ വരികയായിരുന്നു. ഇപ്പോള്‍ തന്നെ പല സ്റ്റാഫുകളെയും പരിച്ചിവിട്ടുകഴിഞ്ഞു.

അതു കേട്ടു റാണ അമ്പരന്നു പോയി. താന്‍ അറിയാതെ എന്തൊക്കെയോ ഇവിടെ നടക്കുന്നുണ്ടെന്ന് റാണയ്ക്കു തോന്നി. ആരോ കരുതിക്കൂട്ടി തന്നെ ആക്രമിക്കാന്‍ പദ്ധതിയിടുകയാണെന്നു തിരിച്ചറിഞ്ഞതും റാണ ദേഷ്യംകൊണ്ടു വിറച്ചു.

എവിടെയാടാ അവന്‍.. റാണ അലറി.. അതുകേട്ട സെക്യൂരിറ്റി അയാള്‍ അകത്തുണ്ടെന്നു ചൂണ്ടിക്കാട്ടി.