രാക്ഷസൻ 3 [FÜHRER] 324

ചോരയൊലിക്കുന്ന കാല്‍മുട്ടും താങ്ങി പരിഭ്രമിച്ചു ചുറ്റും നോക്കിയ സുരേന്ദ്രന്‍ കണ്ടത് ഊരിപ്പിടിച്ച വാളുമായി നില്‍ക്കുന്ന അലോകിനെയാണ്.. അവന്റെ നില്‍പ്പുകണ്ട് ഒന്നു പതറിയെങ്കിലും മനോ ദൈര്യം വീണ്ടെടുത്ത് സുരേന്ദ്രന്‍ ആക്രോശിച്ചു.

ടാ നരന്തു ചെക്കാ… തന്തയ്ക്കും തള്ളയ്ക്കുമൊപ്പം നിന്നെ പറഞ്ഞയയക്കാത്തത് എന്റെ തെറ്റ്.

നീ എന്തു കരുതി. ഈ കോപ്പും പിടിച്ചോണ്ടു വന്ന് എന്നെയങ്ങ് ഒലത്തിക്കളമാമെന്നോ…. ഈ സുരേന്ദ്രനെ നിനക്കു ശരിക്കും അറിയില്ല. അയാള്‍ ദേഷ്യത്തോടെ അലറി പറഞ്ഞതും അലോക് വീണ്ടും അയാളുടെ മുറിവേറ്റ കാലിലേക്കു വെട്ടി. വീണ്ടും വീണ്ടും അയാളുടെ വലതു കാല്‍ രണ്ടായി വേര്‍പെടുന്നവരെ അവൻ വെട്ടി. അവന്റെ ശരീരത്തില്‍ നിറയെ സുരേന്ദ്രന്റെ രക്തം പടര്‍ന്നു. വേദനകൊണ്ടു സുരേന്ദ്രന്‍ അലറികരഞ്ഞു.

പുറത്തെ ബഹളം കേട്ടെത്തിയ സുരേന്ദ്രന്റെ ഭാര്യയും മകളും ഈ രംഗം കണ്ടു നടുങ്ങി നിന്നു.

അയ്യോ. ഏട്ടാ… അലറിവിളിച്ചെത്തിയ ഭാര്യയക്കു നേരെ അലോക് വാള്‍ ചൂണ്ടി.

അനിലചിറ്റേ അടുത്തുവരുത്. ഇയാളാ എന്റെ അച്ഛനെയും അമ്മേയേയും കൊന്നേ.. ഇയാളെ ഞാനും കൊല്ലും. ഞാന്‍ കൊല്ലും ഇയാളെ..

അലോക് പറഞ്ഞതു കേട്ട് അവര്‍ കരച്ചിലോടെ അവിടെ നിന്നു. അവന്റെ വാക്കുകള്‍ കേട്ടു അവര്‍ സ്തബ്ദരായിരുന്നു. തന്റെ ഭര്‍ത്താവാണ് അതു ചെയ്തതെന്നതു അവള്‍ താങ്ങാനായില്ല.

മോനേ വേണ്ടെടാ.. ഒന്നും ചെയ്യല്ലേടാ.. വിമല കഞ്ഞു പറഞ്ഞുതും അലോക്

സുരേന്ദ്രന്റെ അടിവയറ്റിലേക്ക് ആഞ്ഞു വെട്ടി.

എന്റെ അചേ്ഛയും അമ്മയെയും കൊന്നപ്പോ അവര്‍ക്കു വേദനിച്ചതിന്റെ നൂറിരട്ടി  നിനക്കു വേദനിക്കണം.  അവന്‍ ഒരോന്നു പുലമ്പികൊണ്ടിരുന്നു. വേദനകൊണ്ടു പുളഞ്ഞ സുരേന്ദ്രന്റെ നെഞ്ചില്‍ അവന്റെ പക തീരുവോളം വെട്ടി നുറുക്കി. അയാള്‍  മരിച്ചുവെന്ന് ഉറപ്പായതും അവന്‍ അവിടെ നിന്നു തിരികെ നടന്നു.