രാക്ഷസൻ 3 [FÜHRER] 324

ഏന്തിനാടി നീ എന്നെ ഇപ്പോ ഇടിച്ചത്. അവന്‍ പരിഭവത്തോടെ വയറുതടവി ചോദിച്ചു.

അതേ, ഞാന്‍ പറഞ്ഞതു മറക്കാതിരിക്കാനാ.. മൊഴി അവനെ തന്റെ ഉള്ള പല്ലെല്ലാം കാണിച്ചു ഇളിച്ചു.

അവളുടെ ചെവിക്കു അലോക് പിടിക്കാന്‍ പോയതും അവള്‍ ഓടി മാറി തന്റെ കൂട്ടുകാരുടെ അടുത്തെത്തി.

ഏട്ടാ ഇതാ എന്റെ പുതിയ ഫ്രണ്ടസ്. ഇതു മായ, കൃഷ്ണ, പിന്നെ ആലീസ്.. അവള്‍ ഓരോരുത്തരെയും അവനു പരിചയപ്പെടുത്തി… ആലീസ് അപ്പോഴും അവനെ നോക്കാനാവാതെ  മുഖം കുനിച്ചു നിന്നു. അവന് അവളുടെ പേടി കണ്ടു ചിരി വന്നു.

അവളെ നേക്കി ഹായ് പറഞ്ഞ ശേഷം

മൊഴിയോട് പിന്നെ കാണാമെന്നു യാത്രപറഞ്ഞു അവനും കൂടെയുള്ളവരും മുകളിലേക്കു കയറിപ്പോയി.

ആരാടി പുള്ളിക്കാരന്‍.. കൃഷ്ണ അലോകിനെ നോക്കി ചോദിച്ചു.

അതാണ് അലോകേട്ടന്‍, ഈ കോളജ് പുള്ളീടെയാ.. കോളജ് മാത്രമല്ല ആത്രേയ ഗ്രൂപ്പും എല്ലാം അലോകേട്ടന്റെയും സഹോദരങ്ങളുടെയുമാ.. എന്റെ അച്ഛന്‍ ആണ് അവരുടെ അക്കൗണ്ട്‌സ് മാനേജര്‍..

മായയും കൃഷ്ണയും അവന്‍ പോയ വഴി ഒന്നു കൂടെ നോക്കി. ഓഹ് എന്നാ ലുക്കാടീ അങ്ങേര്..കണ്ടാ പറയുമോ ഇത്രയും വല്യ  മുതലാളിയാന്ന്. കൃഷ്ണ പറഞ്ഞതും മൊഴി അവളെ ഒന്നു തുറിച്ചു നോക്കി.

ഏട്ടനെ ആരും മുതലാളിയായി കരുതില്ല, നമ്മളില്‍ ഒരാള്‍ അതാ ഏട്ടന്‍.

എന്റെ പൊന്നേ, ഏട്ടനെ പറഞ്ഞപ്പോള്‍ പെണ്ണിന്റെ മുഖം മാറിയ കണ്ടില്ലേ.. കൃഷ്ണ ചിരിയോടെ പറഞ്ഞു.

അപ്പോളാണ് അവള്‍ ആലീസ് ഒന്നും മിണ്ടാതെ നില്‍ക്കുന്നത് കണ്ടത്.

അല്ലടീ.. നിനക്ക് എങ്ങനാ പുള്ളിയേ പരിചയം. നീയും ഏതാണ്ടൊക്കെ പറയുന്നുണ്ടായിരുന്നല്ലോ. മായ സംശയത്തോടെ ചോദിച്ചു.

അപ്പോഴാണ് അവര്‍ അവളുടെ വിളറി വെളുത്ത മുഖം ശ്രദ്ധിക്കുന്നത്.