പാപമോക്ഷം [ജ്വാല] 1320

ഞാൻ എന്ത് പറയണം എന്ന് അറിയില്ലായിരുന്നു, അവൾ കുളി കഴിഞ്ഞു വരുന്നത് വരെ ഞാൻ അവിടെ ഇരുന്നു.
അഭി എന്താ നിനക്ക് പറ്റിയത്?

അവൾ എന്റെ അടുക്കൽ വന്നിരുന്നു. ഞാൻ അവളെ പിടിച്ചു എന്റെ മടിയിലേക്ക് കിടത്തി പിന്നെ എന്റെ മുഖം അവളുടെ മുഖത്തിനു സമാന്തരമാക്കി നിർത്തി എന്നിട്ട് ചോദിച്ചു,

രേണു എന്തിനാ എന്നെ ഇങ്ങനെ സ്നെഹിക്കുന്നത്?

മഹാലക്ഷ്മി അമ്പലത്തിൽ വച്ചു നിന്നെ കണ്ടപ്പോഴേ എന്റെ മനസ്സിൽ കുടിയേറിയതാ,
എനിക്ക് നിന്നെ സ്നേഹിക്കാൻ ഉള്ള അവകാശമുണ്ടോ എന്ന് പോലും ഞാൻ ഓർത്തില്ല.
അവളുടെ ശബ്ദം ഇടറിയിരുന്നു.

എന്റെ ചുണ്ടുകൾ അവളുടെ ചുണ്ടുകളിൽ അമർത്തി ചുംബിച്ചു ആരിൽ നിന്നൊരു തുടക്കം എന്നാഗ്രഹിച്ചതു പോലെ അതിർ വരമ്പുകൾ പിഴുതെറിഞ്ഞു, ആര് ജയിക്കും എന്നപോലെ ഇരു മെയ്യുകളും പടവീട്ടി ഒന്നായി ചേർന്നു, നഗ്നമായ ശരീരത്തിൽ നിന്ന് വിയർപ്പു തുള്ളികളെ അകറ്റി കളയാൻ ഫാനിന്റെ കാറ്റിനു പോലും കഴിഞ്ഞില്ല,

ആവേശങ്ങൾ കെട്ടടങ്ങി എപ്പോഴോ ഇരുവരും ശരീരവും മനസും ഒന്നായി നിദ്രാദേവിയുടെ കൈകളിൽ അമർന്നു…

പകൽ അലഞ്ഞു നടന്നു രാത്രിയിൽ അവളുടെ ശരീരത്തിന്റെ ചൂടും പറ്റി കഴിഞ്ഞു കൂടുന്നതിന്റെ ഇടയിലാണ് സക്കീർ ഭായിയെ പരിചയപ്പെടുന്നത്.

ബോംബയിലെ ഇടുങ്ങിയ ഗല്ലിയിലെ ഒരു എയർ ട്രാവൽസ് ആണ് പുള്ളിയുടെ സാമ്രാജ്യം. എല്ലാ രണ്ടാം നമ്പർ ബിസിനസുകളും അവിടെ നടത്തുന്നു.

പാസ്പോർട്ട്, ലൈസൻസ്, യൂണിവേഴ്സിറ്റി സർട്ടിഫിക്കറ്റുകൾ തുടങ്ങി എന്ത്‌ ഉടായിപ്പ് പരിപാടിക്കും സമീപിക്കാം,

സക്കീർ ഭായിയുടെ കൂടിയ ശേഷം ആണ്, ഞാൻ പല തരികിട ബിസിനസുകളും കാണുന്നത്. ആവശ്യക്കാർ ഏറെയുണ്ട് താനും.

അന്ന് വൈകിട്ട് റൂമിൽ എത്തിയപ്പോൾ രേണു എന്റെ കഴുത്തിലൂടെ കൈ ഇട്ട് കെട്ടി പിടിച്ചു പിന്നെ അവളുടെ നീളമേറിയ മൂക്ക് കൊണ്ട് എന്റെ മൂക്കിന്മേൽ മുട്ടിച്ചു പിന്നെ എന്റെ കൈ പിടിച്ചു അവളുടെ വയറ്റിൽ വച്ചു പതുക്കെ അവൾ പറഞ്ഞു,
അഭി ഒരു അച്ഛൻ ആകാൻ പോകുന്നു. ഒരു ഞെട്ടലോടെ ആണ് ഞാൻ ഇത് കേട്ടത്,

രേണു നീ എന്താ പറഞ്ഞത്?
നമുക്ക് ഇപ്പോൾ ഒരു കുട്ടി വേണോ? നമ്മുടെ വിവാഹം കൂടി കഴിയാതെ… ആൾക്കാർ എന്താ പറയുക?

നമുക്കിത് അബോർട്ട് ചെയ്യാം,
എന്റെ നിർബന്ധം സഹിക്കാതെ അവൾ അബോർഷന് സമ്മതിച്ചു.
കുറച്ച് ദിവസങ്ങൾ അവൾ തീരെ ദുഖിത ആയിരുന്നു പിന്നെ സാധാരണ നിലയിലേക്ക് എത്തി.

സക്കീർ ഭായ് പുതിയ ബിസിനസ് മേഖലയിലേക്ക് കൈ വച്ചു ,
രണ്ടാം നമ്പർ ബിസിനെസിനെക്കാട്ടിലും റിസ്ക്ക് കുറവ് വരുമാനവും കൂടുതൽ,

ദുബൈയിലേക്ക് വേശ്യാവൃത്തിക്ക് പെൺകുട്ടികളെ കയറ്റുക.കേരളത്തിൽ നിന്നു മാത്രമല്ല ഇന്ത്യയുടെ വിവിധ ഭാഗങ്ങളിൽ നിന്നു പെൺകുട്ടികളെ വീട്ടു ജോലിക്ക് എന്ന പേരും പറഞ്ഞു കൊണ്ട് വരും.