പാപമോക്ഷം [ജ്വാല] 1320

എന്റെ ശരീരത്തിൽ എത്രയോ ആൾക്കാർ കയറി നിരങ്ങിയിട്ടും ഞാൻ ഇപ്പോഴും പിടിച്ചു നിൽക്കുന്നില്ലേ?
അത് നിന്നോട് പക വീട്ടണമെന്ന വാശിയിൽ ആയിരുന്നു.

അഭി നീ കാണിച്ചു തന്ന വഴി പിന്നീട് എന്റെ ജീവിതമാർഗം ആയി.
ഇപ്പോൾ നിന്നെ പോലെ ഞാനും അനാഥയാണ്.

അഭി നിനക്ക് ഒരു കഥ കേൾക്കണോ?
പണ്ട് , പണ്ട് ഒരു ഗുരുജിയും ശിഷ്യന്മാരും ഉണ്ടായിരുന്നു അവർ ഈ ഗംഗയുടെ സമീപം എത്തി അപ്പോൾ ഒരു ശിഷ്യൻ ചോദിച്ചു.,

ഗുരോ ഗംഗയിൽ മുങ്ങുമ്പോൾ ഈ പാപങ്ങൾ എവിടെ പോകും?
ഗുരു ചിരിച്ചു കൊണ്ട് ശിഷ്യനോട് പറഞ്ഞു ഗംഗയിൽ മുങ്ങുന്ന ഒരാളുടെ പാപം ഈ മരത്തിൽ കയറി ഇരിക്കും,

അവൻ ഗംഗയിൽ നിന്നു തിരികെ കയറിയാൽ അത് വീണ്ടും അവന്റെ ശരീരത്തിൽ പ്രവേശിക്കും അത് പോലെയാണ് അഭി നീയും…

ഗംഗയിൽ മുങ്ങി നിവർന്നാൽ നിന്റെ പാപം പോകില്ല,

ഞങ്ങൾ ഇപ്പോൾ നടന്നു ഒരു ചെങ്കുത്തായ സ്ഥലത്ത് എത്തി. താഴെ ഗംഗ കലി പൂണ്ടു ആർത്ത് ഉല്ലസിക്കുകയാണ്.

അവൾ തിരിഞ്ഞ് എന്റെ മുഖത്തിനോട് അവളുടെ മുഖം അടുപ്പിച്ചിട്ട് പറഞ്ഞു.

അഭി എന്റെ നാശത്തിന്റെ തുടക്കം നിന്നിലൂടെയാണ്, അത് ഇപ്പോൾ പൂർണമായി എനിക്ക് “എയ്ഡ്‌സ് “ആണ്.

നീ എനിക്ക് വാങ്ങി തന്ന സമ്മാനം. അവൾ പൊട്ടിച്ചിരിച്ചു.

ആ വാക്കുകളുടെ ഞെട്ടലിൽ നിന്ന് ഞാൻ മോചിതനാകുംമുമ്പ് അവളുടെ വാക്കുകൾ ഞാൻ കേട്ടു” ഇനി ഒരിക്കൽ കൂടി എന്റെ കണ്മുന്നിൽ വന്നു പോകരുത് എന്ന് വന്നാൽ കൊന്ന് കളയും ” ഓർമയില്ലേ അഭി…

പെട്ടന്നാണവൾ എന്നെ കടന്നു പിടിച്ചത് നിനക്ക് ഞാൻ പാപമോക്ഷം നൽകാം അവൾ ഗംഗയിലേക്ക് എന്നെയും കൊണ്ട് കുതിച്ചു ചാടി.

ഗംഗ ഞങ്ങളെ സ്വീകരിക്കാൻ ഇരു കൈകളും നീട്ടി തയ്യാറായി നിന്നു…