പാപമോക്ഷം [ജ്വാല] 1321

നീളമുള്ള മൂക്കും, കണ്ണും ചെറിയ ചുണ്ടുകൾക്ക് മുകളിൽ നേർത്ത രോമങ്ങൾ ഒരു ശാലീന സുന്ദരി.
അവളുടെ കണ്ണുകളും എന്റെ കണ്ണും ഒരു നിമിഷം കൂട്ടി മുട്ടി. അവൾ തിരിഞ്ഞ് അമ്പലത്തിലേക്ക് കയറി പോയി.

നീ, ആരെയാണ് നോക്കുന്നത്?
വിവേക് തട്ടി വിളിച്ചു.
ഹേയ് ഒരു പരിചയം പോലെ.
വൈകിട്ട് റൂമിൽ എല്ലാരും ചേർന്നു പാർട്ടി നടത്തി,
ആദ്യമായി ഞാൻ മദ്യത്തിന്റെ രുചി അറിഞ്ഞു, സന്യാസിമാരുടെയും, അന്തേവാസികളുടെയും ഇടയിൽ നിന്നുള്ള സ്വാതന്ത്ര്യം ശരിക്കും ആഘോഷിച്ചു.

വിവേക് പതിഞ്ഞ ശബ്ദത്തിൽ പാടി തുങ്ങി
“പെണ്ണാളേ, പെണ്ണാളേ കരിമീൻ കണ്ണാളേ ” മറ്റുള്ളവർ താളം പിടിച്ചു.
രാത്രി വൈകി ഞങ്ങൾ എപ്പോഴോ ഉറങ്ങി.
സന്തോഷവും, സമാധാനവും നിറഞ്ഞ ദിവസങ്ങൾ ശമ്പളം കിട്ടുമ്പോൾ ഒരു ചെറിയ ഓഹരി എന്നെ വളർത്തിയ ഓർഫനേജിന് അയച്ചു കൊടുക്കാനും മറന്നില്ല.

അഭി എന്താ പരിപാടി? നമുക്ക് വൈകിട്ട് ഒരു സ്ഥലം വരെ പോകണം എന്റെ കൂടെ വരുന്നോ?
പോകാം ,

വിടി റെയിൽവേ സ്റ്റേഷനിൽ നിന്നും ലോക്കൽ ട്രെയിനിൽ കയറി മൂന്നാമത്തെ സ്റ്റോപ്പിൽ ഇറങ്ങി വിവേക് സ്പീഡിൽ നടക്കുകയാണ്,

നീ എങ്ങോട്ടാ വിവേക്?
ഭയക്കാതെ നീ വാ, “സാൻട്രോസ് റോഡ് ” എന്ന സ്ഥലത്തിന്റെ പേര് കണ്ടു.

വിവേക് ചുറ്റും നോക്കുന്നുണ്ട്.
ഇടുങ്ങിയ റോഡിലൂടെ ഞങ്ങൾ നടക്കുകയാണ്,

വിവേക് ഒരു വിളി കെട്ട് പിന്തിരിഞ്ഞു നോക്കി. ഷർട്ട് ഇൻസേർട്ട് ഒക്കെ ചെയ്ത് ആരും ഒന്നുകൂടി നോക്കുന്ന സ്റ്റൈൽ ഉള്ള ഒരു ചെറുപ്പക്കാരൻ.

അഭി ഇത് വിനയ് പരസ്പരം പരിചയപ്പെട്ടു. നമുക്ക് അങ്ങോട്ടിരിക്കാം കുറച്ച് ദൂരെ കൈ ചൂണ്ടി കാണിച്ചു ഞങ്ങൾ ലക്ഷ്യ സ്ഥാനത്തേക്ക് നടന്നു.

ഇംഗ്ളീഷിലും പിന്നെ മറാട്ടിയിലും എഴുതിയ പേര് ഞാൻ വായിച്ചു “ദീപക് ബാർ “.

തിരക്കുകൾ ആയി തുടങ്ങിയിട്ടേ ഉള്ളൂ, ഇരുട്ട് മൂടിയ ബാറിന്റെ ഉള്ളിലേക്ക് നടന്നു, കാതടിപ്പിക്കുന്ന താള മേളങ്ങൾ മിന്നി തിളങ്ങുന്ന ബൾബുകൾ ഇട്ട ഫ്ലോറിൽ മുട്ട് വരെ സ്‌ക്കെർട്ടിട്ട പെൺകുട്ടി ഡാൻസ് കളിക്കുന്നു. ചിലർ അവൾക്കായി നോട്ട് മാല അർപ്പിക്കുന്നു,
എന്റെ ആദ്യ അനുഭവങ്ങൾ ആയിരുന്നു ഇതെല്ലാം.
വിനയ് ഞങ്ങളെ ഒരു ടേബിളിൽ ഇരുത്തി, അപ്പുറം മാറി നിന്ന പെൺകുട്ടിയെ വിളിച്ചു. ഒരു നിമിഷം എന്റെ ശ്വാസം നിലച്ചു പോയി ഓർഡർ എടുക്കാൻ വന്നവൾ അന്ന് അമ്പലത്തിൽ വച്ചു കണ്ട പെൺകുട്ടി ആയിരുന്നു.

ഞങ്ങളുടെ കണ്ണുകൾ വീണ്ടും കൂട്ടി മുട്ടി അവൾ ഒന്ന് പുഞ്ചിരിച്ചു.

വിനയ് വോഡ്ക ഓർഡർ ചെയ്തു,
ഏഴെട്ടു നിമിഷങ്ങൾ ക്കിടയിൽ വോഡ്ക എത്തി.
എന്റെ കണ്ണുകൾ ഫ്ലോറിൽ ആയിരുന്നു ശരീരത്തിന്റെ പിൻവശം നെറ്റ് പോലെ വസ്ത്രം അണിഞ്ഞ പെൺകുട്ടി ആണിപ്പോൾ ഫ്ലോറിൽ, പാട്ടുകൾ മാറി മാറി വരുന്നുണ്ട്.

വിവേകും വിനയും എന്തോ കാര്യമായി ചർച്ചയിൽ ആണ്.

മദ്യം കൊണ്ട് തന്ന പെൺകുട്ടി തൊട്ടടുത്ത് നിൽക്കുന്നുണ്ട്. അവളുടെ വേഷം ഇപ്പോഴും സാരിയും ബ്ലൗസും തന്നെ.