പാപമോക്ഷം [ജ്വാല] 1320

അവളെ ഞാൻ ചതിച്ചോ?
അവളെ മറന്നു കളഞ്ഞ കുറ്റബോധം എന്റെ ഉള്ളിൽ നീറി പുകയാൻ തുടങ്ങി.
സത്യം ആരോട് ചോദിക്കാൻ?
ചോദിക്കാൻ ഉള്ള സക്കീർഭായ് മണ്ണോടു മണ്ണായി.ബോംബയിൽ ആരും രേണുവിനെ കണ്ടിട്ടും ഇല്ല. എന്റെ തോന്നലാണോ?

മനസ്സിന്റെ ഉള്ളിൽ വല്ലാത്ത നീറ്റൽ, മദ്യത്തിനും, മയക്കുമരുന്നിനും അതിനെ തണുപ്പിക്കാൻ കഴിയുന്നില്ല.ദിവസം കഴിയുന്തോറും
കുറ്റബോധം മനസ്സിനെയും ശരീരത്തിനെയിം കീഴടക്കാൻ തുടങ്ങിയപ്പോൾ ഞാൻ വിവേകിനോട് പറഞ്ഞിട്ട് ബോംബെ വിട്ടു.

എന്റെ യാത്ര തുടങ്ങിയിട്ട് ഒരു വർഷം കഴിയുന്നു. ഇന്ത്യ മുഴുവൻ സഞ്ചരിച്ചു, പുണ്യ സ്ഥലങ്ങളിൽ എല്ലാം കറങ്ങി, മനസ്സ് നൊന്തു പ്രാർത്ഥിച്ചു എനിക്ക് സമാധാനം എങ്ങും നിന്ന് കിട്ടിയില്ല.
അവസാനം ആണ് ഹരിദ്വാർ. ഇവിടെ അവളെ വീണ്ടും കണ്ടിരിക്കുന്നു.

കൈയിൽ കരുതിയിരുന്ന മദ്യവും തീർന്നു, ഞാൻ എപ്പോഴോ ഉറക്കത്തിലേക്ക് വീണു.

നേരം നന്നേ പുലർന്നു കഴിഞ്ഞാണ് ഉണർന്നത്. കാലിയായ കുപ്പിയും മറ്റും എടുത്ത് മേശ വൃത്തിയാക്കി.

തണുത്ത വെള്ളം കുടിച്ചു, ശരീരത്തിന് ഒരുന്മേഷം കിട്ടി.

കുളി ഒക്കെ കഴിഞ്ഞ് മാനസ ദേവിയെ കാണണം എന്റെ ദുഃഖങ്ങൾ പറയണം,

ഹരിദ്വാറിൽ നിന്ന് മൂന്നു കിലോമീറ്റർ ദൂരമുണ്ട് ഇങ്ങോട്ടേക്ക്

സിദ്ധപീഠ ട്രയാംഗിളിന് മുകളിലാണ് 52 ശക്തിപീഠങ്ങളിലൊന്നായ ഈ ക്ഷേത്രം, കേബിള്‍ കാര്‍ വഴി സഞ്ചാരികള്‍ക്ക് മാനസദേവി ക്ഷേത്രത്തിലെത്താം എന്ന് ഒരു ടൂറിസ്റ്റ് ഗൈഡ് വിശദീകരിച്ചു കൊടുക്കുന്നത് കുറച്ച് നേരം കേട്ടു നിന്നു,

പിന്നെ അവരെ അനുഗമിച്ചു ഞാനും മാനസദേവിയുടെ മുന്നിലെത്തി, ഞാൻ ആ പഴയ അഭി ആകുകയായിരുന്നു,

വിവേകാനന്ദ ഓർഫനേജിലെ ജീവിതം മുതൽ ഇന്ന് വരെയുള്ള ജീവിതത്തിന്റെ ഏറ്റകുറച്ചിലുകൾ എണ്ണി എണ്ണി പറഞ്ഞു മാപ്പാക്കാൻ ആ സവിധത്തിൽ കരഞ്ഞു പറഞ്ഞു.
എല്ലാം കഴിഞ്ഞപ്പോൾ മനസ്സിന് നല്ല ആശ്വാസം. തിരികെ ഹോട്ടലിലേക്ക് ഗംഗയുടെ തീരത്ത് കൂടെ നടന്നു,

ചിതാഭസ്മം നിമഞ്ജനം ചെയ്യാനെത്തിയവരുടെ തിരക്ക്. ഞാൻ മുന്നോട്ട് നടന്നു.

ഗംഗയിലെ വെള്ളത്തിൽ നിന്ന് ഒരാൾ മുങ്ങി പൊങ്ങി വന്ന് എന്റെ മുന്നിൽ വന്ന് നിന്നു പരസ്പരം കണ്ണുകൾ ഉടക്കി.

രേണു,
എന്റെ ചുണ്ടുകൾ മന്ത്രിച്ചു.
അഭിജിത്ത് എന്നെ മറന്നിട്ടില്ല അല്ലേ ?
പാപ മോക്ഷം തേടി ഇറങ്ങിയതാവും അല്ലേ?
നിനക്ക് ഒരിക്കലും കിട്ടില്ല, എന്റെ ശാപം നിന്റെ ഒപ്പം എന്നുമുണ്ട്.

ഞാൻ എന്ത് ചെയ്‌തെന്ന രേണു നീ പറയുന്നത്?

ഒന്നുമറിയാത്ത പാവം, അതും പറഞ്ഞു അവൾ മുന്നോട്ട് നടന്നു അവൾക്കു പിന്നിലായി ഞാനും,

ആശുപത്രിയിലെ ലാബ് ടെക്‌നീഷ്യൻ ആയി ജോലി എന്ന് പറഞ്ഞിട്ട് എന്നെ സെക്സ് റാക്കറ്റിനു വിറ്റില്ലെ? നീയും നിന്റെ സക്കീർ ഭായും.