പാപമോക്ഷം [ജ്വാല] 1320

ഞാനും വിവേകും ഒരു കുപ്പി പൊട്ടിച്ച് കഴിക്കാൻ തുടങ്ങി.

ഡാ വിവേകേ നിന്റെ പഴയ പാട്ട് ഒന്ന് പാട് ,
അവൻ ചിരിച്ചു കൊണ്ട് പാടാൻ തുടങ്ങി “പെണ്ണാളേ, പെണ്ണാളേ കരിമീൻ കണ്ണാളേ ”
ഞങ്ങൾ രാവ് ഇരുട്ടി വെളുക്കുന്നത് വരെ ആഘോഷിച്ചു.
ഒടുവിൽ അവൻ എന്റെ ഫ്‌ളാറ്റിന് മുന്നിൽ ഇറക്കിയിട്ട് പോയി. കാലുകൾ നിലത്ത് ഉറയ്ക്കുന്നില്ല,

ഞാൻ പിടിച്ചു പിടിച്ചു സ്റ്റെപ്പുകൾ കയറാൻ തുടങ്ങുകയായിരുന്നു പെട്ടന്നാണ് ഒരു നിഴൽ രൂപം എന്റെ അടുക്കലേക്ക് വന്നത്.

ജീൻസും ഷർട്ടും ധരിച്ച രൂപം എന്റെ മുന്നിൽ വന്നു നിന്നു. മുഖം ഒരു കർചീഫ് കൊണ്ട് മറച്ചിരുന്നു.

ഞാൻ മുന്നിൽ വന്ന രൂപത്തെ നോക്കി, ആ ആൾ മുഖം മറച്ചിരുന്ന കർചീഫ് മാറ്റി ഒരു നിമിഷം ഞാൻ അത്ഭുതസ്തംഭനായി എന്റെ ആഹ്ലാദത്തിനു സെക്കന്റുകളുടെ ആയുസ്സേ ഉണ്ടായിരുന്നുള്ളൂ…

കൈകളിൽ ഇരുന്ന ചെറിയ ബാഗിൽ നിന്ന് തിളങ്ങുന്ന കത്തി എന്റെ വയറിനു നേരെ പാഞ്ഞു വരുന്നത് ഒരു ഞെട്ടലോടെ കണ്ടു.

കുത്തിയ കത്തി വീണ്ടും ഊരി കുത്താൻ തുനിയവേ ഞാൻ ഒരു ഞരക്കത്തോടെ താഴേക്ക് വീണു. ആ രൂപം കുനിഞ്ഞു എന്റെ മുഖത്തിനു അടുത്തേയ്ക്ക് കൊണ്ട് വന്നു എന്നിട്ട് വന്യമായ സ്വരത്തിൽ പറഞ്ഞു

നിനക്ക് എന്നെ വിൽക്കണം അല്ലേ?
നിന്റെ മരണം എന്റെ കൈകളിലൂടെയാണ് , ചതിയാ നിനക്ക് മാപ്പില്ല.

കത്തി ഒരിക്കൽ കൂടി ഉയർന്നു പെട്ടന്നാരോ നടന്നു വരുന്ന ശബ്ദം മുഴങ്ങി എന്റെ മുഖത്ത് കാർക്കിച്ചു തുപ്പി ആ രൂപം ഇരുട്ടിൽ മറഞ്ഞു.

എന്റെ ചുണ്ടുകൾ മന്ത്രിച്ചു രേണു…

ഓർമ വരുമ്പോൾ ഏതോ ആശുപത്രിയിൽ ആണ്, കൈകളിലൂടെ ഡ്രിപ്പ് കയറുന്നുണ്ട്, വയറിൽ ഒരു വലിയ കെട്ടും,

അഭി ഞാൻ കണ്ണ് തുറന്നു നോക്കി വിവേക് ആരാ നിന്നെ ഇത് ചെയ്തത്?

അറിയില്ല, ഇരുട്ടിലൂടെ ഒരു രൂപം മാത്രമേ ഞാൻ കണ്ടത്.

ദൈവം രക്ഷിച്ചു മുറിവ് ആഴത്തിൽ ഇല്ല.
രണ്ട് ദിവസം ഇവിടെ കിടക്കേണ്ടി വരും,
ഞാൻ ഒന്ന് മയക്കത്തിൽ ആയിരുന്നു, അവൾ പറഞ്ഞ വാക്കുകൾ ഒന്ന് കൂടി ഓർത്തെടുത്തു,

നിനക്ക് എന്നെ “വിൽക്കണം അല്ലേ?
ചതിയാ നിനക്ക് മാപ്പില്ല ”
ആ വാക്കുകൾ എന്റെ ചെവിയിൽ ഒരു അഗ്നിപർവ്വതം പോലെ മുഴങ്ങുന്നു.

പെട്ടന്ന് പരിചിതമായ ഒരു ഗന്ധം അനുഭവപ്പെട്ടു കണ്ണ് തുറക്കുമ്പോൾ രേണു എന്റെ അടുത്ത് നിൽക്കുകയാണ് അപ്പോഴും അവളുടെ വേഷം ജീൻസും ഷർട്ടും തന്നെ ആയിരുന്നു.

ഞാൻ തിരികെ വരില്ലെന്ന് നീ വിചാരിച്ചോ? എന്നെ ചതിച്ച നിന്നെ കൊല്ലാനാണ് വന്നത്.
ഒരിക്കൽ ഞാൻ വിശ്വസിച്ചു നിന്റെ കൂടെ കൂടിയത് കൊണ്ടാകാം …..

ഞാൻ നിനക്ക് ഈ ജീവൻ ഭിക്ഷ തരുവാണ് ഇനി ഒരിക്കൽ കൂടി എന്റെ കണ്മുന്നിൽ വന്നു പോകരുത് വന്നാൽ ഞാൻ കൊല്ലും നിന്നെ”

എന്റെ ചെവിയിൽ അവൾ പറഞ്ഞു. ഞാൻ മറുപടി പറയാൻ ചുണ്ടുകൾ തുറക്കുമ്പോഴേക്കും അവൾ റൂം വിട്ട് പോയിരുന്നു.

ഈശ്വരാ ഞാൻ ചെയ്ത തെറ്റ് എന്താണ്?