പാപമോക്ഷം [ജ്വാല] 1321

അഭി എനിക്കൊന്ന് നാട്ടിൽ പോകണം അച്ഛനോടും, അമ്മയോടും യാത്ര പറയണം,

നീ പോയി വാ അപ്പോഴേക്കും എല്ലാം ഞാൻ ശരിയാക്കി വയ്ക്കാം.

രണ്ടാഴ്ചക്കുള്ളിൽ അവളുടെ വിസയും മറ്റു കാര്യങ്ങളും ശരിയായി.
പോകുന്നതിനു മുൻപ് ഞാൻ അവളെയും കൂടി മഹാലക്ഷ്മി അമ്പലത്തിൽ ഒരിക്കൽ കൂടി പോയി ഞാൻ വാങ്ങിയ താലി മാല അവളുടെ കഴുത്തിൽ അണിയിച്ചു.
ദേവി സാക്ഷിയായി നീ എന്റെ ഭാര്യയാണ്.
അവളുടെ സന്തോഷത്തിന് അതിരില്ലായിരുന്നു.
സന്തോഷപൂർവ്വം അവളെ ഞാൻ യാത്രയാക്കി.

മാസങ്ങൾ കടന്നു പോയി,, രേണുവിനെക്കുറിച്ച് യാതൊരു വിവരവും ഇല്ല, സക്കീർ ഭായി പറഞ്ഞത് അവൾ ജോലിക്ക് കയറി സന്തോഷമായി ഇരിക്കുന്നു എന്നാണ്.

പിന്നെയും പല സ്ത്രീകൾ കടന്നു വന്നു ജീവിതത്തിൽ മെല്ലെ മെല്ലെ രേണു എന്നിൽ നിന്നു മാഞ്ഞു പോയി. പലരും വന്നു പോകുന്നു ബോംബെ എല്ലാവർക്കും ഇടത്താവളം മാത്രം അവൾക്കും ഞാൻ അങ്ങനെ ആയിരിക്കാം.

സക്കീർ ഭായിയുടെ അപ്രതീക്ഷിതമായുള്ള മരണം വീണ്ടും ഞാൻ തെരുവിലേക്ക് ഇറങ്ങി. മരിക്കുന്നതിന് തലേദിവസം ഞാനുമായി കുറെ നേരം മദ്യപിച്ചു പോകാൻ നേരം കൈകളിൽ ഒരു കവർ എടുത്തു തന്നു, ഇത് നിന്റെ കൈയിൽ വയ്ക്കൂ ഞാൻ പിന്നെ വാങ്ങിക്കാം പിന്നെ പറഞ്ഞു മതിയായാടാ ഈ ശാപങ്ങൾ എല്ലാം എങ്ങനെ തീർക്കും.

പിന്നെ ആടി ആടി പോകുന്നത് ഞാൻ നോക്കി നിന്നു, ഒരിക്കലും പതറാത്ത മനുഷ്യൻ ആണ്.എന്ത് പറ്റി ആവോ ഇന്ന്,

അപ്രതീക്ഷിതമായി വിവേക് എന്റെ മുന്നിൽ വന്നു പെട്ടത്.
വിവേക്,
അഭി നീയോ?
നീ ഇപ്പോൾ എവിടെയാ? എന്താ ചെയ്യുന്നേ?
അവൻ ഇപ്പോൾ ഇലക്ട്രിക്ക് ജോലി ഒക്കെ സബ് കോണ്ടാക്ട് എടുത്ത് നടത്തുകയാണ്.

അഭി നിന്റെ കൈയിൽ കുറച്ച് പൈസ ഉണ്ടെങ്കിൽ നമുക്കൊരുമിച്ചു ഈ കോണ്ടാക്ട് കമ്പനി നടത്താം നല്ല ലാഭം ആണ്.

പഴയത് പോലെ ലാഭം ഫിഫ്റ്റി ഫിഫ്റ്റി. ഒരു കണ്ണ് ഇറുക്കി ചിരിച്ചിട്ട്
പൈസ നിന്റെ കൈവശം ഉണ്ടെങ്കിൽ വിളിക്കാൻ പറഞ്ഞിട്ട് അവൻ പോയി.

ഇത് നല്ലൊരു ഓഫർ ആണ്, പുതിയ ഒരു വഴിത്തിരിവ്. കൈകളിൽ ഉള്ള പണവും ബാങ്കിലുള്ളതും ഒക്കെ കൂട്ടി കിഴിച്ചിട്ടും അവൻ പറഞ്ഞ തുക എത്തുന്നില്ല. എങ്ങനെ പൈസ ഉണ്ടാക്കും എന്ന ചിന്തയിൽ ഞാൻ കിടക്കുകയായിരുന്നു.

അപ്പോഴാണ് സക്കീർ ഭായി തന്ന കവർ ഓർമ വരുന്നത്, ചാടി എഴുന്നേറ്റു ആ കവർ പൊളിച്ചു നോക്കി അതിൽ രണ്ട് ലക്ഷത്തോളം രൂപ ഉണ്ടായിരുന്നു.
ഹോ !!! എന്റെ വിഷമം ദൈവം കേട്ടു.
വിവേകും ചേർന്നു കമ്പനി തുടങ്ങി തുടക്കം ഒന്ന് പതറിയെങ്കിലും പിന്നെ ഒരു കയറ്റം ആയിരുന്നു.

ഏകദേശം രണ്ട് വർഷങ്ങൾ കഴിഞ്ഞു, പഴയ അലഞ്ഞു തിരിഞ്ഞു നടന്ന അനാഥനായ അഭജിത്ത് അല്ല ഇപ്പോൾ തിരക്കുള്ള കമ്പനിയുടെ പാർട്ടണർ. എന്തിനും ഏതിനും സഹായികൾ ജീവിതം ആസ്വദിച്ചു കൊണ്ടേയിരുന്നു.

വലിയ ഒരു കോണ്ടാക്ട് കിട്ടിയ സന്തോഷത്തിൽ ഞാനും, വിവേകും കമ്പനി തൊഴിലാളികൾക്ക് ഒരു പാർട്ടി നടത്തി ഭക്ഷണവും, മദ്യവും ഒക്കെ ആയി ഒരു വമ്പൻ പാർട്ടി.