ഒരു ബോബൻ പ്രണയം 14

ആദ്യരാത്രി തന്നെ എല്ലാം പങ്ക് വെച്ച കൂട്ടത്തില്‍ ഹൃദയം മുഴുവന്‍ അവളുടെ മുന്നില്‍ തുറന്ന് വെച്ചു പോയി ..കൂട്ടത്തില്‍ പ്രേമകഥകളും..
അതിന്റെ ധാർമികരോഷം…
പഴേ ലൈനിനെ കണ്ടപ്പോള്‍ കണ്ടപ്പോള്‍ കവാത്ത് മറന്നു ….
ആരോപണം സത്യം …
എന്തായാലും പിറ്റേന്ന് നേരം പുലർന്നപ്പോ ദേഷ്യം അടങ്ങീട്ടുണ്ട് …
പ്രാതലെടുത്ത് നിരത്തിയപ്പോ അടുത്ത ഡയലോഗ് കേട്ടു …
ബോബൻ്റെ സിനിമ ടിവിയില്‍ ഉണ്ടിന്ന് …
പറച്ചില്‍ കേട്ടാല്‍ തോന്നും ആദ്യമായി കാണാന്‍ പോണതാ സിനിമ എന്ന് …
എന്തായാലും മനസ്സീ തോന്നീത് വിളമ്പീല്ല…
അപ്പോഴുണ്ട് ഉപ്പ ഒരു പൊതീം പിടിച്ചോണ്ട് വരണ് …
ആട്ടിറച്ചിയാണ് … വേഗം ശരിയാക്ക് സൈനു…
അവളുടെ അപ്പോഴത്തെ ഭാവത്തില്‍ പൊതി പൊറത്തെറിയാനുള്ള കലി മോന്തയിലുണ്ടായി …
പിന്നെ ഉപ്പ ആയോണ്ട് ചെയ്തില്ല…
പിന്നെ കണ്ടത് എടി പിടീന്ന് അവളുടെ ഒരു വെപ്രാളായിരുന്നു …
കറി അടുപ്പില്‍ കേറ്റണം .. സിനിമ കാണണം …
സിനിമ തുടങ്ങുമ്പോഴേക്കും പെണ്ണ് എല്ലാം റെഡിയാക്കി ടിവീടെ മുന്നില്‍ സത്യാഗ്രഹം തൊടങ്ങി ..
കൂട്ടത്തില്‍ കഴിഞ്ഞ പതിനഞ്ചു വർഷത്തെ ദാമ്പത്യത്തിൽ പിറന്ന രണ്ടു സന്തതികളുമുണ്ട് …
ഉമ്മേടെ പിരാന്ത് അവർക്കും അറിയാം ..
സിനിമ കൊടുമ്പിരി കൊണ്ട് നടക്കുന്നു പെട്ടെന്ന് എന്തോ കരിഞ്ഞ മണം ..
“ഉമ്മാ എന്തോ കരിയണ് ..”
മോന്‍ വിളിച്ച് പറഞ്ഞു
അവളോടി … കയറു പൊട്ടിച്ചോടണ പയ്യ് കണക്കേ…
ടൈലേൽ മറിഞ്ഞു വീഴാഞ്ഞതു ഭാഗ്യം …
“എന്താടി കരിഞ്ഞേ….”
“അരി അടുപ്പില്‍ തിളച്ചു പോയതാ ..”മറുപടി കിട്ടി …
പിന്നെ ഒരു അഞ്ച് മിനിറ്റ് അനക്കമില്ല
അതും കഴിഞ്ഞു പെട്ടെന്ന് ഒരു അലർച്ച “എന്റെ പടച്ചോനേ…”
ആ വിളി കേട്ടപ്പോള്‍ ഉറപ്പിച്ചു
കൈ പൊള്ളിച്ചു ….
എല്ലാവരും കൂടി ഓടിചെന്നൂ അടുക്കളയില്‍ …
ചെന്നപ്പോഴുണ്ട് ….
കൈയില്‍ കൈലോട്ട പിടിച്ചു കൊണ്ട് അനങ്ങാതെ നിപ്പുണ്ട് ….
“എന്താടി കാര്യം ?”
മിണ്ടാട്ടമില്ല
വീണ്ടും ചോദിച്ചു .. “എന്താടീ …”
ഒന്നും മിണ്ടാതെ അവള്‍ തിരിഞ്ഞു നിന്നും അടുപ്പിലോട്ട് കാണിച്ചു ….
ഒരടപ്പിൽ കറിച്ചട്ടി ഇരുപ്ലുണ്ട് ആട്ടിറച്ചീടെ കൂട്ടത്തില്‍ ചോറു കിടന്നു വെട്ടി തിളക്കുന്നു…
സംഭവം നിസ്സാരം …
ഒരടുപ്പിൽ കറി ….മറ്റൊരു അടുപ്പില്‍ കഞ്ഞികലം …ഇറക്കി വെച്ച് ചോറൂറ്റി വലതു വശത്തെ ഓട്ടപാത്രത്തിലിടുന്നു …
ടിവിയില്‍ നടക്കുന്ന സിനിമയില്‍ ഇടയ്ക്ക് ചെവി വട്ടം പിടിക്കുന്നു
രണ്ട് കൈയിലോട്ട ചോറൂറ്റി ഇടതു വശത്തെ കറിച്ചട്ടിയിലേയക്ക് …
വേറൊന്നും സംഭവിച്ചില്ല ….