ഓർമയിൽ ഒരു ഓണം [AJ] 180

ഡാ.. ദേ അവിടെ ഇരിക്കുന്ന ഒരു സീനിയര്‍ ചേട്ടന്‍ നിന്നെ ആണ് ഇടക്ക് നോക്കുന്നത് എന്നു പറഞ്ഞു കണ്ണു കാണിച്ചു. അതും കേട്ടു ഞാന്‍ നോക്കിയതും അയാള്‍ തിരികെ നോക്കിയതും ഒരേ സമയം ആയിരുന്നു. അത് കണ്ടു ഞാന്‍ ഒന്നും അറിയാഞ്ഞത് പോലെ  തിരിഞ്ഞു ഇരുന്നു കഴിച്ചു. പിന്നെ ഞാന്‍ ഇടക്ക് ഒന്നു രണ്ടു വട്ടം നോക്കിയപ്പോള്‍ അയാളുടെ മുഖത്ത് ഒരു ഭാവ വ്യത്യാസവും ഇല്ലാണ്ട് ഇരുന്നു കഴിക്കുന്നു. ഞാനും ഗൌതമിയും അയാള്‍ നോക്കുന്നത് കണ്ടു എന്നു മനസ്സിലായത് കൊണ്ട് ആകണം അങ്ങനെ. എന്തൊക്കെ ആയാലും സദ്യ ഒക്കെ ഗംഭീരം ആയിരുന്നു. പായസം ഉള്‍പ്പെടെ എല്ലാം ഉണ്ടായിരുന്നു. കഴിച്ചു കഴിഞ്ഞു കൈ ഒക്കെ കഴുകി ഞങ്ങള്‍ ഹാളില്‍ നിന്നും ഇറങ്ങി നടന്നു. അപ്പോ പിന്നില്‍ നിന്നു ഒരു വിളി..

ഗൌതമി…..

ഞങ്ങള്‍ രണ്ടു പേരും തിരിഞ്ഞു നോക്കി. കഴിക്കുമ്പോള്‍ എന്നെ നോക്കുന്നുണ്ട് എന്നു അവള്‍ പറഞ്ഞ ആ ചേട്ടന്‍ ആയിരുന്നു അത്. സാധാരണ ആയി ഇഷ്ടം പറയാന്‍ വരുമ്പോള്‍ ആരോട് ആണോ സംസാരിക്കേണ്ടത്  അവളെ ആണല്ലോ വിളിക്കേണ്ടത്. അപ്പോ എന്നെ അല്ലാരുന്നോ നോക്കിയത്. ഇവളെ ആയിരുന്നോ എന്നു ഞാന്‍ മനസ്സില്‍ ഓര്‍ത്തു. അവള്‍ക്കും മനസ്സില്‍ ഒരു ചോദ്യം ഉണ്ടായിരുന്നു. കഴിക്കുമ്പോള്‍ കീര്‍ത്തനയെ നോക്കി ഇരിക്കുന്നത് ആണല്ലോ കണ്ടേ, പിന്നെ ഇപ്പോ എന്നെ വിളിക്കുന്നത് എന്തിനാ എന്നു.  ഞാനും അവളും എന്തിനാ വിളിച്ചത് എന്ന ഭാവത്തില്‍ അയാളെ നോക്കി.

അയാള്‍ : ഗൌതമി.. ഇയാള്‍ക്കു വിരോധം ഇല്ല എങ്കില്‍ ഞാന്‍ കീര്‍ത്തനയോട്  ഒന്നു ഒറ്റയ്ക്ക് സംസാരിച്ചോട്ടെ..

ഗൌതമി  : ( സീനിയര്‍ ആയത് കൊണ്ട് തന്നെ അവള്‍ എതിര്‍ത്തു ഒന്നും പറഞ്ഞില്ല. ) അതിനു എന്താ സംസാരിച്ചോളൂ.. അതിനു എന്നോടു എന്തിനാ ചോദിക്കുന്നെ.. എന്നു പറഞ്ഞു അവള്‍ മുന്നോട്ട് നടക്കാന്‍ തുടങ്ങി.

അയാള്‍  : എപ്പോ നോക്കിയാലും ഇയാളുടെ കൂടെ അല്ലാണ്ട് തന്നെ കണ്ടിട്ടില്ല. അത് കൊണ്ടാ എന്നു മറുപടി പറഞ്ഞു .