ഓർമയിൽ ഒരു ഓണം [AJ] 180

അതുകൊണ്ടു അമ്മ ആ സമയം കൂടുതല്‍ സ്ട്രിക്റ്റ് ആകാറില്ല. കൂടുതല്‍ സമയവും ഞങ്ങള്‍ അച്ഛന്‍റെ കൂടെയാ. അച്ഛനോട് ഒപ്പം ഒരുപാട് ഒന്നു ജീവിതം ചിലവഴിക്കാന്‍ കഴിഞ്ഞില്ല എങ്കിലും അത് ഇന്നും ഓര്‍ക്കുമ്പോള്‍ മനസ്സിന് ഒരു കുളിര് ഏകുന്ന നിമിഷങ്ങള്‍ ആണ്.  അങ്ങനെ എന്‍റെ ജീവിതത്തിലെ ഒരു പ്രധാന വഴിതിരുവു വന്നെത്തി. എന്‍റെ പ്ലസ് ടൂ എക്സാം കഴിഞ്ഞു. 2014 മാര്‍ച്ചില്‍ ആ കര്‍മ്മം ഞാന്‍ പൂര്‍ത്തിയാക്കി. ആകെ ഒരു ആശ്വാസം. വല്യ കുഴപ്പം ഇല്ലാണ്ട് എക്സാം എഴുതിയിട്ടുണ്ട്. പഠനം അതോട് കൂടെ തീരുന്നില്ല. എങ്കിലും മനസ്സില്‍ ഒരു സന്തോഷം തോന്നിയിരുന്നു. പിന്നെ മനസ്സില്‍ ഒരു വിഷമം ഉണ്ടായിരുന്നത് ഫ്രെണ്ട്സിനെ ഓര്‍ത്ത് മാത്രം ആയിരുന്നു. പിന്നെ സ്കൂളിൽ  ബോയ്സ് ഒന്നും ഇഷ്ടം ആണെന്ന് പറഞ്ഞു വന്നിട്ടില്ല എന്നത് കൊണ്ട് അങ്ങനെയുള്ള വിഷമങ്ങള്‍ ഒന്നും എന്നെ അലട്ടിയിരുന്നുമില്ല.. മാത്രം അല്ല അമ്മയെ പേടിച്ചോ എന്തോ.. അതിനു താല്പര്യവും ഇല്ലായിരുന്നു.

 

പിന്നെ  എല്ലാം പെട്ടന്നു ആയിരുന്നു. എക്സാം റിസല്‍റ്റ് വന്നു. പാസ്സായി.. നേരെ എന്നെ കൊണ്ട് പോയി എന്‍ട്രന്‍സ് കോച്ചിങ്ങിന് ചേർത്തു. അമ്മക്ക് ആയിരുന്നു അതില്‍ കൂടുതല്‍  താല്‍പര്യം. അമ്മയുടെ ഫ്രെണ്ട്സിന്‍റെ മക്കള്‍ ഒക്കെ ബി ടെകും, എം ബി ബി എസ് ഉം ഒക്കെ ആണെന്ന് പറഞ്ഞു എന്നെയും ആ നരഗത്തില്‍ കൊണ്ട് പോയി ഇട്ടു. അങ്ങനെ ആ എക്സാമും കഴിഞ്ഞു, റിസല്‍റ്റ് വന്നു. ഇതൊക്കെ അറിഞ്ഞു എന്‍റെ വല്യമ്മയുടെ മകള്‍ അനന്യ( അനു) എന്നെ വിളിച്ചിരുന്നു. അവള്‍ കൊച്ചിയില്‍ ആണ്. അതും എഞ്ചിനീറിങ് മൂന്നാം വര്‍ഷം ആണ് പഠിക്കുന്നെ. അങ്ങനെ  അവളും ഞാനും കൂടെ അച്ഛനെ വിളിച്ച് സോപ്പ് ഇട്ടിരുന്നു. മറ്റൊന്നിനും അല്ല കൊച്ചിയില്‍ ഒരു കോളേജില്‍ അഡ്മിഷനു വേണ്ടി ആയിരുന്നു. ആദ്യം അച്ഛന്‍ സമ്മതിച്ചില്ല എങ്കിലും അനു വിളിച്ച് പറഞ്ഞു ഒരു വിധം അച്ഛനെ കൊണ്ട് സമ്മതിപ്പിച്ചു. പിന്നെ ബാക്കി അമ്മയുടെ സമ്മതം വാങ്ങുന്നതു അച്ഛന്‍ ഏറ്റു. അത് അച്ഛന്‍ ഭംഗി ആയി ചെയ്യുകയും ചെയ്തു, എഞ്ചിനീറിങ്ങിന് അഡ്മിഷനും എടുത്തു. സിവില്‍ ആണ്.  അപ്പോളേക്കും ജൂലൈ ആയിരുന്നു. മനസ്സില്‍ ഒത്തിരി സന്തോഷം തോന്നിയിരുന്നു. ഇനി എങ്കിലും ജയില്‍ മോചനം കിട്ടുമല്ലോ എന്നു ഓര്‍ത്ത് ആയിരുന്നു അത്. അങ്ങനെ ഓഗസ്റ്റില്‍ ക്ലാസ് തുടങ്ങും. പുതിയ ലൈഫ്. ആദ്യം ആയാണ് വീട്ടില്‍ നിന്നു മാറി നില്‍ക്കാന്‍ പോകുന്നത്. അതിന്റെ വിഷമവും മനസ്സില്‍ ഉണ്ട്. എങ്കിലും കൂടുതലും സന്തോഷം ആയിരുന്നു. അപ്പുവിന്റെ കാര്യം ഓര്‍ത്ത് ചിരിയും. ഇനി ഇവന്‍ മാത്രം ആകുമല്ലോ ഈ ജയിലില്‍… അവനെ അതും പറഞ്ഞു, പോകുന്നതിനു മുന്‍പ് ഒത്തിരി കളിയാക്കുകയും ചെയ്തു. അങ്ങനെ എനിക്കു മോചനത്തിനുള്ള ദിവസം ആയി. ഓഗസ്റ്റ് 11 നു ക്ലാസ് തുടങ്ങും. എന്നെ അമ്മയും അനിയനും കൂടെ കോളേജില്‍ കൊണ്ട് പോയി. അന്ന് പിന്നെ ക്ലാസ് ഒന്നും ഇല്ലായിരുന്നു. ഫസ്റ്റ് ഡേ അല്ലേ. അത് കൊണ്ട് ഒന്നോ രണ്ടോ മണിക്കൂര്‍ കോളേജില്‍ നിന്നു എല്ലാവരെയും പരിചയപ്പെട്ടു നേരെ ഹോസ്റ്റലില്‍. അവിടെ എത്തി ഒരുപാട് സന്തോഷം തോന്നി. എങ്കിലും അമ്മയും അനുജനും തിരികെ ഇറങ്ങി നില്‍ക്കുന്നത് കണ്ടു ഹൃദയം ഒന്നു വിങ്ങിയോ..  അതേ.. എത്രയൊക്കെ വഴക്കു പറഞ്ഞാലും അമ്മ അല്ലേ.. എന്‍റെ നന്മയ്ക്ക് വേണ്ടിയല്ലേ അതൊക്കെയും പറയുന്നത് എന്നു ഒരു നിമിഷം ഓര്‍ത്തു ഞാന്‍ .

 

അങ്ങനെ അടുത്ത ദിവസം മുതല്‍ ക്ലാസ് തുടങ്ങി. ദിവസങ്ങള്‍ കഴുഞ്ഞു. അത്യാവശ്യം റാഗ്ഗിംഗ് ഒക്കെ ഉണ്ടായിരുന്നു. ഇടക്ക് ഇടക്ക് സീനീയേര്‍സ്  ക്ലാസ്സിലും ക്യാന്‍റീനിലും ഒക്കെ കയറി വന്നു ഓരോന്നു പറയുന്നതും, പാട്ട് പാടിപ്പിക്കുന്നതും ഒക്കെ തുടര്‍ന്നു. അതുകൊണ്ടു തന്നെ കുറച്ചു ദിവസങ്ങള്‍ കൊണ്ട് ഏകദേശം പേരെയും മനസ്സിലായി തുടങ്ങിയിരുന്നു.