മൂന്ന് വർഷങ്ങൾക്കു മുൻപ് എഴുത്തിന്റെ ആദ്യ നാളുകളിൽ മനസ്സിൽ തോന്നിയ ആഗ്രഹത്തിന്റെ പൂർത്തീകരണമാണ് ഓർമ്മകൾ എന്ന കഥ.. പുതുമകൾ ഏതുമില്ലാതെ യുള്ള ഒരു ക്ലീഷേ പ്രണയകഥ..എങ്കിലും ആദ്യ കഥ എപ്പോഴും മനസ്സിന് പ്രിയപ്പെട്ടതാണ്..

ഓർമ്മകൾ
ഭാഗം ഒന്ന്

 

“എനിക്കവളെ മറക്കണം സുധി… ”

 

നീണ്ട നിശ്ശബ്ദതക്കു ശേഷമുള്ള എന്റെ വാക്കുകൾ കേട്ടു അത്ഭുദവും സന്തോഷവും കലർന്ന ഭാവമാണ് സുധികുണ്ടായത്. അത് അവന്റെ മുഖത്തു നിന്നും എനിക്ക് മനസിലാകാൻ കഴിഞ്ഞു..

 

“എടാ സച്ചു നീ സത്യമാണോ ഈ പറയുന്നേ…”

“അതേടാ ഞാൻ ആരോടു കള്ള പറഞ്ഞാലും നിന്നോട് പറയില്ലല്ലോടാ.. ”

 

“അറിയട എനിക്ക്…”

 

“അവളുടെ ഓർമകളിൽ നിന്നും എനിക്ക് മുക്തി നേടണം.. ഇനിയും ഞാൻ ഇങ്ങന ആയാൽ എനിക്ക് എന്റെ അമ്മയെ നഷ്ടപ്പെടും… പഴയ ആ സുഭദ്രാമ്മയെ എനിക്ക് വേണം.. അതിനു പഴയ അമ്മയുടെ സച്ചുവായി ഞാൻ മാറിയേ പറ്റു.. ”

 

“ഞങ്ങൾക്കും വേണമെടാ ആ സച്ചുനെ.. ”

 

“പക്ഷെ എങ്ങനെ ആണെടാ ഞാൻ മാറണ്ടേ.. അവളുടെ ഓർമ്മകൾ ഇപ്പോഴും എന്നെ വേട്ടയാടുന്നു… ”

 

“നീ ഒരു വിവാഹം കഴിക്കണം… ”

സുധിയുടെ പെട്ടെന്നുള്ള മറുപടി എന്നെ ഒരല്പം ഞെട്ടിച്ചു..

 

“വിവാഹമോ ?? എയ്  അതൊന്നും പെട്ടെന്നു പറ്റില്ല.. ഈ മാനസികാവസ്ഥയിൽ… എനിക്ക് അത് ഉൾകൊള്ളാൻ കഴിയില്ലടാ… ”

 

“ഇങ്ങനെ നീ പേടിച്ചോടിയത് കൊണ്ടല്ലേ നിന്റെ കുറച്ചു വർഷങ്ങൾ നിനക്ക് നഷ്ടപെട്ടത്.. നിന്റെ അമ്മയുടെ സന്തോഷം നഷ്ടപെട്ടത്.. അത് നിനക്ക് തിരിച്ചു വേണ്ടെടാ… “