One Side Love 5 (climax) [മിഥുൻ] 285

അവസാനം ആനന്ദ് എനിക്കെന്തോ വലിയ സർപ്രൈസ് ഉണ്ടെന്ന് പറഞ്ഞു.. അത് എന്നോട് നേരത്തെ പറഞ്ഞാൽ ഞാൻ സമ്മതിക്കാൻ സാധ്യത ഇല്ലെന്ന് പറഞ്ഞു ആനന്ദ് അത് മാത്രം എന്നോട് നേരത്തെ പറഞ്ഞില്ല…

എൻ്റെ പിറന്നാൾ ദിവസമായി… എന്നെ കൂട്ടിക്കൊണ്ടു പോകാൻ കോളജിൽ എത്തുമെന്ന് പറഞ്ഞ ആനന്ദിന് വേണ്ടി ഞാൻ കാത്തിരുന്നു… പക്ഷേ ആനന്ദ് എത്തിയില്ല…

ഞാൻ ആനന്ദിനെയും ആതിരയേയും മാറിമാറി വിളിച്ചു… രണ്ടുപേരും ഫോൺ എടുക്കുന്നില്ല.. എനിക്കുള്ള സർപ്രൈസ് ആകുമെന്ന് കരുതി രണ്ടാൾക്കും വേണ്ടി ഞാൻ കാത്തു നിന്നു…

പക്ഷേ അവർ വന്നില്ല… എൻ്റെ ഉള്ളിൽ നിരാശ നിറഞ്ഞു… എന്നെ പറഞ്ഞു ആഗ്രഹിപ്പിച്ചിട്ട് രണ്ടാളും എത്താത്തത് എന്നെ വല്ലാതെ വിഷമപ്പെടുത്തി… അവസാന ശ്രമം പോലെ കോളജിൽ നിന്നും അവസാനത്തെ ആളും പോകുന്നു എന്ന് കണ്ടപ്പോൾ ഞാൻ ഒന്നുകൂടെ ആതിരയെ വിളിച്ചു…

പക്ഷേ ഫോൺ എടുത്തത് അവളുടെ ഒരു ബന്ധു ആയിരുന്നു.. അവരിൽ നിന്നാണ് ഞാൻ എല്ലാം അറിഞ്ഞത്…

എനിക്കുള്ള കേക്കും വാങ്ങി വരുന്ന വഴിക്ക് വെച്ച് നിയന്ത്രണം തെറ്റിയ കാർ ആനന്ദിൻ്റെ വണ്ടിയെ ഇടിച്ചു…

ആ ഇടിയിൽ എൻ്റെ ആനന്ദും ആതിരയും…..

അനുവിൻ്റെ കരച്ചിൽ ആ നിശബ്ദമായ സ്ഥലത്ത് പ്രതിഫലിച്ചുകൊണ്ടിരുന്നു…

എൻ്റെ ആനന്ദിൻ്റെയും ആതിരയുടെയും ഓർമകളിൽ നിന്ന് ഒളിച്ചോടി വന്നപ്പോൾ ഇവിടെ അവൻ ഏറ്റവും സ്നേഹിച്ച ബൈക്ക് തന്നെ ഇവിടെ ഇരിക്കുന്നു…

എൻ്റെ സമനില തെറ്റാൻ അത് തന്നെ ഒരു കാരണം ആയിരുന്നു.. അവൻ്റെ ഓർമകൾക്ക് ആയിരുന്നു ഞാൻ ബൈക്ക് ഓടിക്കാൻ വേണ്ടി ചോദിക്കാൻ നിർബന്ധിത ആക്കിയത്..