One Side Love 5 (climax) [മിഥുൻ] 285

“ഞാൻ രണ്ട് വർഷം മറ്റൊരിടത്ത് പഠിച്ചിട്ട് മൂന്നാം വർഷം ഇവിടെ വന്നു ചേരണം എങ്കിൽ എന്തെകിലും കാരണം ഉണ്ടാകുമോ എന്ന് ചിന്തിച്ചിട്ടുണ്ടോ..?”

അനുവിനെ കണ്ടപ്പോൾ മുതൽ അവളെ പ്രണയിച്ചു തുടങ്ങിയ എനിക്ക് അവള് വന്നതിൻ്റെ കാരണം എന്താണെന്ന് ചിന്തിക്കാൻ ഒന്നും തോന്നിയിട്ടില്ല….

“ഇല്ല… അങ്ങനെ ട്രാൻസ്ഫർ വാങ്ങി വരുന്നത് സാധാരണം അല്ലേ…”

“അല്ല.. എൻ്റെ കാര്യത്തിൽ അല്ല… മലപ്പുറത്ത് പഠിച്ചു കൊണ്ടിരുന്ന ഞാൻ ഇവിടെ വരണം എങ്കിൽ അതിനു കാര്യമായ കാരണം ഉണ്ടായിരുന്നു..

എന്നോട് അന്ന് നീ ചോദിച്ചതോർമ ഉണ്ടോ?
അന്ന് നീ തന്ന ചെറിയ സർപ്രൈസ്സിനും കണ്ണ് നിറഞ്ഞതെന്താ എന്ന്… അതിനും ഉത്തരം പറയാൻ ഇന്നാണ് ഒരു അവസരം…”

ഇത്രയും ഇൻ്റ്റോ കൊടുക്കാതെ നീ കാര്യം പറ എന്ന് പറയണം എന്നുണ്ടായിരുന്നു… പക്ഷേ അവളുടെ മാനസികാവസ്ഥ എത്ര ശെരി ആയിരുന്നില്ല…

അവൾ തുടർന്നു….

“മലപ്പുറം കോളജിൽ എൻ്റെ ഒന്നാം വർഷം തുടങ്ങിയത് തീരെ താത്പര്യം ഇല്ലാതെ ആയിരുന്നു… അതിനു കോഴ്സ് ഇഷ്ടമല്ലാത്തത് തന്നെ ആയിരുന്നു കാരണം…

എന്നാലും ഞാൻ എൻ്റെ അച്ഛൻ്റെ ഇഷ്ടം മാനിച്ചാണ് പഠിക്കാൻ പോയത്…

അനു അനുവിൻ്റെ കഥ പറഞ്ഞു തുടങ്ങി..

***********