പ്രിയരേ, ഒരു മല്‍സരത്തിന് ഉള്ള കഥ ആണെങ്കിലും ഈ കഥക്കു ഒരു ആമുഖം വെക്കുന്നു. ഈ കഥ തികച്ചും സാങ്കല്‍പ്പികം ആണ്. ഇതില്‍ ചില പ്രാദേശിക വിശ്വാസങ്ങളും, ഇന്ത്യന്‍ മിത്തോളോജിയും മറ്റും എന്‍റെ ചില സങ്കല്പങ്ങളിലൂടെ കാണാന്‍ ശ്രമിക്കുന്നുണ്ട്. അത് ആരുടേയും വിശ്വാസങ്ങളെ അപഹസിച്ചു കൊണ്ട് അല്ല. ഈ കഥയില്‍ പ്രതിപാദിക്കുന്ന സ്ഥലങ്ങളും, സ്ഥാപനങ്ങളും  എന്‍റെ  ചില ചെറിയ സങ്കല്പങ്ങള്‍ ( വട്ടുകള്‍), അത്ര മാത്രം. എല്ലാവര്‍ക്കും ഓണാശംസകള്‍ നേര്‍ന്ന് കൊണ്ട് തുടങ്ങുന്നു…

**************

സ്വീഡന്‍റെ തലസ്ഥാനവും, സ്വീടനിലേയും സ്കാന്ഡിനേവിയയിലേയും ഏറ്റവും അധികം ജനങ്ങള്‍ തിങ്ങിപ്പാര്‍ക്കുന്ന പട്ടണമായ സ്റ്റൊക്ഹോമില്‍, അതിസുന്ദരിയായ മാലേറെന്‍ തടാകത്തിന്‍റെ കരയില്‍ ഞാന്‍ എന്‍റെ പുണര്‍തയുടെ കൈ കോര്‍ത്ത് പിടിച്ച് നിന്നു, അവള്‍ എന്‍റെ തോളിലേക്ക്, അവളുടെ തല ചേര്‍ത്ത് എന്നോടു കൂടുതല്‍ ഒട്ടി നിന്നു. പ്രഭാത സൂര്യന്‍റെ കിരണങ്ങള്‍ അവളുടെ മുഖത്തിന്‍റെ ശോഭ കൂടുതല്‍ വര്‍ദ്ധിപ്പിച്ചു.

ഞാന്‍ അവളുടെ കൈ കോര്‍ത്ത് പിടിച്ച്, സ്റ്റൊക്ഹോം കണ്‍സെര്‍ട് ഹാളിലേക്ക് നടന്നു. ലോകത്തിന്‍റെ മുഴുവന്‍ കണ്ണുകളും, ഇന്ന് ഇവിടേക്ക് ആണ്. കണ്‍സെര്‍ട് ഹാളില്‍ ഞങ്ങള്‍ക്ക് ആയി ബുക്ക് ചെയ്തിരുന്ന ചെയറുകളിലായി അവളും ഞാനും കൈകള്‍ കോര്‍ത്ത്പിടിച്ച് ഇരുന്നു.

ഞാന്‍ അവളുടെ ഇടത്തെ കാതിലേക്ക് എന്‍റെ മുഖം ചേര്‍ത്ത് പറഞ്ഞു, ” നിന്നെ ഈ കറുത്ത ഗൌണില്‍ കാണാന്‍ അതിസുന്ദരി ആയിട്ടുണ്ട്, എല്ലാവന്‍മാരുടെയും നോട്ടം നിന്നിലേക്ക് തന്നെയാ…”

അവള്‍ അത് കേട്ടു ഒരു നാണത്താല്‍ മുങ്ങിയ പുഞ്ചിരി സമ്മാനിച്ച് എന്നോടു പറഞ്ഞു, ” ഈ സ്യൂട്ടില്‍ ഏട്ടനെ കാണാനും എത്ര സുന്ദരനാ … കണ്ടില്ലേ  ഇവിടെ ഉള്ള സകലമാന മദാമ്മമാരും ഏട്ടനെയാ നോകുന്നത്… ”

പുണര്‍തയുടെ മുഖത്തേക്ക് ഞാന്‍ നോക്കി നിന്നു, അപ്സര സുന്ദരികളുടെ സൌന്ദര്യവും, അംഗലാവണ്യവും ഒത്തിണങ്ങിയ പെണ്ണ്. ആ കറുത്ത ഇറുകിപ്പിടിച്ച സ്ലീവ്ലെസ്സ് ഗൌണ്‍ അവളുടെ ശരീര വടിവുകള്‍ എടുത്തു കാട്ടുന്നു. അവളുടെ മുഖത്തിന് ആയിരം പൂര്‍ണ ചന്ദ്രന്മാര്‍ ഒന്നിച്ചുദിച്ച പോലെ ഉള്ള ശോഭ, വില്ല് പോലെ വളഞ്ഞ പുരികവും, ഇടതൂര്‍ന്ന കണ്‍പീലികള്‍ ഉള്ള ആ വിടര്‍ന്ന മാനപേട മിഴികള്‍, വാലിട്ടെഴുതിയത് ആരെയും വശീകരിക്കാന്‍ കഴിവുള്ളതാണ്. അവളുടെ മൂക്കും, തുടുത്ത പനിനീര്‍ അധരങ്ങളും ഒന്ന് കവര്‍ന്നെടുക്കാന്‍ എന്നെ കൊതിപ്പിച്ചു. ആ വലിയ കാതും , അതില്‍ റിങ്ങ് പോലെ ഉള്ള കമ്മലും, ഇടതൂര്‍ന്ന കാര്‍കൂന്തല്‍ ചുരുളുകളും, അഞ്ചാരയടി പൊക്കമുള്ള അവളുടെ സൌന്ദര്യം കൂടുതല്‍ വര്‍ദ്ധിപ്പിച്ചു. അവളുടെ ഈ രൂപം, വായിച്ച് മനസ്സില്‍ പതിഞ്ഞ ഗ്രീക് ഗണിത ശാസ്ത്രജ്ഞയായിരുന്ന, അതീവ സുന്ദരിയായ ഹൈപെഷ്യയുടെ പുനര്‍ജന്‍മം ആണവള്‍ എന്നു തോന്നിപ്പോയി …