Oh My Kadavule – part 13[Ann_azaad] 275

” അക്കിയേട്ടാ ….. ആ തേങ്ങ ഒന്ന് അരച്ചേക്ക് ….ട്ടോ …..”

വെറുതെ  ബാക്കി ബോയ്സിനോട്‌ തള്ളും വിട്ട് നിക്കുന്ന അക്കിമോന്റെ കൈയ്യിൽ തേങ്ങ വെച്ച് കൊടുത്തോണ്ട് ഗോപു പറഞ്ഞത് കേട്ടപ്പോ മോന്തേം ചുളുക്കി ചെക്കൻ അത് വാങ്ങിച്ചു .

“ഗോപൂ ….. ഇത് അമ്മീൽ അരക്കണോ …
അതോ …..മിക്സീൽ അരക്കണോ ……?”

“ആ …. ഇപ്പഴാ ഓർമ്മ വന്നേ ..
അമ്മീൽ അരച്ചാ കറി കുറച്ചൂടെ അടിപൊളി ആവും .
അതോണ്ട് ആമ്മീൽ അരച്ചോ …..”

”  പറ്റിക്കാനാണേലും ഇങ്ങനൊന്നും ആരോടും പറയല്ലെന്നു പറ …….”

“ന്ത്‌ ……..?”

” ഞാൻ ചുമ്മാ ചോദിച്ചതല്ലേ ……ഇത് മിക്സീൽ അരച്ചോളാം ഗോപുവേ  ….”

“വേണ്ടാ ഗോപൂ സമ്മതിക്കല്ലേ ….
അവൻ ചുമ്മാ പറയുവാ …..
ആ അച്ഛമ്മക്ക് ആമ്മീൽ അരച്ച് വെക്കുന്ന കറി പണ്ടേ ഒരു വീക്നെസ്സാ ……”

“ആണോ ….ആയുഷേട്ടാ …….” ?

“അഡീ …….”

“എന്നാ അക്കിഏട്ടൻ പോ പോയി ആമ്മീൽ അരച്ചോ …..”

പുരികം പൊക്കി ആക്കിയോട് ഇളിച്ച ആയുഷിന്റെ കാലിനിട്ടൊരു ചവിട്ടും കൊടുത്ത് അക്കി നേരെ പോറത്തോട്ട് തിരിഞ്ഞു,
പക്ഷേ എന്തോ ഓർത്തെന്ന പോലെ പെട്ടന്നൊന്നു നിന്നു .

“ഗോപൂ ….. നീയും പോരുന്നോ ….
നമ്മക്ക് രണ്ട് പേർക്കും കൂടി ഒരുമിച്ച് …….”

“ന്ത്‌ ….ഒരുമിച്ച് …..
ഒന്ന് പോ മനുഷ്യാ …
ഞാൻ വന്നാ പിന്നെ നിങ്ങൾ ചെയ്യുവോ ഇവിടുള്ള ബാക്കി പണിയൊക്കെ .?”

“ഓ ….. അപ്പോ ബാക്കി ഉള്ളോരൊക്കെ പിന്നെ ചുമ്മാ ഇരിക്കുവാണല്ലോ ….
അതൊക്കെ ദേ ക്യാൻ ……..
നീ പോരെടീ ……”

“ദേ …… കത്തിയാ ന്റെ കൈയ്യിലുള്ളെ ….
ഒരു കുത്തങ് വെച്ച് തരും പോയി തേങ്ങ അരക്ക് കെളവാ …..”