നിഷ്കളങ്കതയുടെ കൂക്കിവിളികൾ [Pk] 284

അവൻ ചിലപ്പോൾ സ്വപ്നം കണ്ടു ….ഒരു സിനിമാനടനായി വിലസുന്നത്!. പ്രേമവും കാമവുമെല്ലാം മൊട്ടിട്ട കൗമാര കാലത്തെ

സ്ഥിരതയില്ലാത്ത സ്വപ്നങ്ങളിൽ അവൻ

പല പല ജീവിതരഥങ്ങളും ഓടിച്ചു നടന്നു.

……….ഒരു വശത്ത് ശാസ്ത്ര കൗതുകവും

മറുവശത്ത് സൗന്ദര്യബോധവും അവന്റെ

സ്വപ്നങ്ങളിൽ പലതരം കവിതകൾ നിറച്ചു.

 

……കുഴപ്പമില്ലാത്ത മാർക്കോടെ ദൂരെ എൻജിനിയറിങ്ങിന് ചേർന്നപ്പോഴാണ്

അര മുറുക്കിയുടുത്ത് പഠിപ്പിക്കുന്ന

അച്ചന്റെ ദൈന്യത അവന് മനസിലായത്.

….എങ്ങനെയെങ്കിലും എൻജിനിയറിങ്ങ് എഴുതിയെടുത്ത് ഒരു ജോലി നേടണം…,

എന്ന സ്വപ്നം മാത്രമുള്ള ഒരു ഇരുപത്

വയസുകാരനായി മാറിപ്പോയിരുന്നു പിന്നെ പൊടിക്കുട്ടനെ കാണുമ്പോൾ………!

 

കണ്ടം ക്രിക്കറ്റിന്റെ മായാലോകത്ത്

ചിരിച്ച് കളിച്ച് നടന്ന് ഞാനും ഒരു ജോലി തെണ്ടിയായി വൈകാതെ മാറിയിരുന്നു…..!

കായിക മികവിന്റെ കൂടെ കുറച്ച് സ്വാധീനവുമായി ഞാനങ്ങനെ വടക്കെ അതിർത്തിയിലെ സൈനിക നിരയുടെ

ഏറ്റവും അടിസ്ഥാന വിഭാഗത്തിലേക്ക് തിരഞ്ഞെടുക്കപ്പെട്ട് നാടിനെ സേവിക്കാൻ

പോയി………..

അവധിക്ക് നാട്ടിലേക്ക് വരുമ്പോൾ

വല്ലപ്പോഴും മിന്നായം പോലെ കണ്ട

അവന്റെ ചിരി എനിക്കൊരു നോവായി.

പഠിച്ച ഡിഗ്രിയും കക്ഷത്തിൽ വെച്ച്

അഞ്ചാറു വർഷങ്ങൾ കയറിയിറങ്ങി

ജീവിതത്തിന്റെ പടികളുടെ ചൂടിന്റെ രുചിയറിഞ്ഞ് അദ്ധ്വാനിച്ച് …. അവസാനം കഷ്ടപ്പെട്ട് അവനൊരു ഗൾഫൻ എൻജിനിയറായി മാറി……തന്റെ മുപ്പതാം വയസിൽ……!

 

പിന്നീട്നേരിട്ട് കണ്ടപ്പോൾ ഒരു രക്ഷപ്പെടലിന്റെ

ആശ്വാസച്ചിരിയോടെ അവൻ പലതും

പറഞ്ഞു.പക്ഷെ…, സ്വപ്നങ്ങൾ ‘തിരിച്ച് പറക്കുന്ന നൊമ്പരങ്ങളായി’ മാറിയത്…

രണ്ടാൾക്കും ഒരുപോലെ തന്നെയായിരുന്നു!

 

……….ആശ്വാസജോലിയുടെ സുഖമുള്ള ബുദ്ധിമുട്ടുകളോടെ പുതിയൊരു

ജീവിതം തുടങ്ങിയ രാത്രി മുതൽ അവനും സ്വപ്നം കണ്ടു മോഹിച്ചു തുടങ്ങിയിരുന്നു;