?മയൂരി? [The Conclusion][ഖല്‍ബിന്‍റെ പോരാളി ?] 1361

ഏക മകന്റെ കല്യാണം ഗോവ മുഴുവൻ ആഘോഷമാക്കി നടത്താനായിരുന്നു സെബാസ്റ്റ്യന്‍ അങ്കിളിന്റെ പ്ലാൻ…

എന്നാല്‍ ഒഴിവ് കിട്ടിയപ്പോ മേഘയും ജെബിനും ഫോണിൽ കിന്നരിക്കാൻ തുടങ്ങി. ഹോംസ്റ്റേയുടെ പൂന്തോട്ടത്തിലും വരാന്തകളിലും ഫോണിൽ സംസാരിച്ച് നടക്കുന്നത് കണ്ടു കാളിയും പീലിയാശനും സ്ഥിരം അവളെ കളിയാക്കാൻ തുടങ്ങി. എന്നാലും അതിലൊന്നും തോറ്റു കൊടുക്കാൻ അവൾ തയ്യാറായിരുന്നില്ല. അവൾ ഭാവി വരനുമായി ഫോണില്‍ സമയം കളഞ്ഞുകൊണ്ടിരുന്നു.

കാളി ദിവസവും നാട്ടിലേക്ക് വിളിക്കുന്നത് തുടർന്നു. മായുവുമായി വീഡിയോ കോളായിരിന്നു ഇപ്പൊ പതിവ്. മനസിലെ സങ്കടവും ദേഷ്യവും പതിയെ മാറിയതിനാൽ മായു അവനിലേക്ക് അടുത്തു. അവന്റെ പ്രണയം അവൾ അറിഞ്ഞ് തുടങ്ങിരുന്നു. ചെറിയച്ഛന്റെയും അമ്മയുടെയും പ്രണയ നിമിഷത്തില്‍ എപ്പോഴും കുഞ്ചുസുമുണ്ടായിരുന്നു. അവന്റെ ഭാവി ആണ്‌ പലപ്പോഴും കാളിയുടെയും മായുവിന്റെയും ചർച്ചകളിൽ വന്നിരുന്നത്.

കാളിയും പീലിയാശനും ജെബിനുമൊക്കെയായി മേഘ സന്തോഷത്തിലായിരുന്നു എങ്കിലും തന്റെ പപ്പയും മമ്മിയും ഇല്ലാത്തത് അവള്‍ക്ക് വിഷമം ഉണ്ടാക്കിയിരുന്നു അത് അവളുടെ ചില വാക്കുകളില്‍ നിന്ന് കാളിക്ക് മനസ്സിലാവുകയും ചെയ്തു. അങ്ങനെ അവളുടെ സന്തോഷത്തിന്‌ വേണ്ടി അവരെ കുടെ മിന്നുകെട്ടിന് വിളിക്കാൻ കാളി തിരുമാനിച്ചു. അവർ വരികയാണെങ്കിൽ മേഘയ്ക്ക് ഒരു സർപ്രൈസ് ആയിക്കോട്ടെ എന്നും  കരുതി കാളി ഈ കാര്യം അവളോട് പറയാന്‍ പോയില്ല.

എന്നാൽ അവളുടെ പപ്പയെ വിളിച്ച്  വീണ്ടും ഭരണിപാട്ട് കേൾക്കാൻ ത്രാണി ഇല്ലാത്തത് കൊണ്ട്‌ ഈ പ്രാവിശ്യം കാളി ജോര്‍ജിന്റെ വീട്ടിലെ നമ്പര്‍ സംഘടിപ്പിച്ചു. ഏകദേശം പതിനൊന്ന് മണി ആവുമ്പോ വിളിച്ചു. വിചാരിച്ച പോലെ മേഘയുടെ മമ്മി ട്രീസമ്മയാണ് ഫോൺ എടുത്തത്.

തുടക്കം ഇത്തിരി ബലം പിടിച്ചു എങ്കിലും മകളുടെ കല്യാണ കാര്യവും ഭാവി മരുമകന്റെ കാര്യങ്ങളും ഒക്കെ കേട്ടപ്പോ ആ അമ്മ മനസ്സ് ഉരുകി തുടങ്ങി. കല്യാണത്തിന് കുടുംബസമേതം വന്ന് അവളെ അനുഗ്രഹിക്കണം എന്ന് പറഞ്ഞപ്പോള്‍ പൊട്ടി കരഞ്ഞ് കൊണ്ട്‌ ശ്രമിക്കാം എന്ന് പറഞ്ഞു. അവസാനം കാളിയുടെ നമ്പറും ഹോംസ്റ്റേ അഡ്രസ്സും കല്യാണത്തിന്റെ ദിവസവും എല്ലാം അവര്‍ക്ക് നല്‍കി ഫോൺ വിളി അവസാനിപ്പിച്ചു.

അങ്ങനെ ദിവസങ്ങള്‍ ഓരോന്നും കഴിഞ്ഞ് പോയി. കല്യാണത്തിന് ഒരു ആഴ്‌ച മുമ്പ് മേഘയുടെ പപ്പയും മമ്മിയും മിറർ വ്യുയിലെത്തി. അപ്രതീക്ഷിതമായി പപ്പയെയും മമ്മിയെയും കണ്ടപ്പോള്‍ മേഘയുടെ മുഖമൊന്ന് കാണണമായിരുന്നു. പപ്പയോടുള്ള പേടിയും സ്നേഹവും എല്ലാം നിറഞ്ഞ മുഖം. കുറച്ച് നേരത്തേക്ക് ഷോക്കടിച്ച പോലെ അവൾ അവിടെ തന്നെ നിന്നു. ജോർജും അവളോട് മിണ്ടാതെ നിന്നു. രണ്ടു പേരും കുറെ നേരമായിട്ടും പരസ്പരം സംസാരിക്കാൻ തയ്യാറായില്ല.

അവസാനം ട്രീസമ്മ തന്നെ രണ്ടിനെയും അടുപ്പിക്കാന്‍ ഇടനിലക്കാരിയായി നിന്നു. പിന്നെ കരച്ചിലുകളും, പരിഭവങ്ങളും, സ്നേഹപ്രകടനമായി ഒരുപാട്‌ നേരം നീണ്ടുപോയി. മൂന്നും കുടെ ഒരു റൂമിലേക്ക് പോയി. ആ സമയം കൊണ്ട്‌ മേഘ അവരുടെ പഴയ കുട്ടിക്കുറുമ്പിയായി മാറുകയായിരുന്നു. പപ്പയും മമ്മിയും പിണക്കം മാറി വന്നത്തോടെ മേഘ കൂടുതൽ സന്തുഷ്ടയായി.