ആമുഖം,

പ്രിയരേ … ഈ കഥ വായിച്ച് സപ്പോര്‍ട്ട് നല്‍കുന്ന എല്ലാവര്‍ക്കും എന്‍റെ വീനീതമായ നന്ദി അറിയിക്കുന്നു. തുടര്‍ന്നും നിങ്ങളുടെ ഏവരുടെയും സപ്പോര്‍ട്ട് പ്രതീക്ഷിക്കുന്നു. കഥ വായിച്ച് ഇഷ്ടം ആയാല്‍ ഹൃദ്യം ചുവപ്പിക്കാന്‍ മറക്കരുത് , അതേ പോലെ കമെന്‍റ് നല്കാനും … ഇഷ്ടമായില്ല എങ്കിലും അത് കമെന്‍റ് ഇട്ടു അറിയിക്കണം … നിങ്ങളുടെ ലൈക് , കമെന്‍റ് , ഇതിലൂടെയുള്ള സപ്പോര്‍ട്ട് ആണ് തുടര്‍ന്നു എഴുതുവാനുള്ള ഊര്‍ജം, അതേ പോലെ അത് കഥ കൂടുതല്‍ ആളുകളിലേക്ക് എത്തിക്കാനും സഹായിക്കും …

****************

ലവ് ആക്ഷന്‍ ഡ്രാമ-5

Love Action Drama-5 | Author : Jeevan | Previous Parts

ഞാൻ കണ്ണുകൾ ഇറുക്കി അടച്ചു കിടന്നുറങ്ങാൻ ശ്രമിച്ചു… എവിടെ ഉറക്കം  വരാൻ… ഈ അലവലാതി അടുത്ത് കിടന്ന് ചൂട് പിടിപ്പിച്ചത് കൊണ്ട് മറ്റോ പേടിച്ചാണെന്ന് തോന്നുന്നു നിദ്രാ ദേവി പോലും തിരിഞ്ഞു നോക്കുന്നില്ല…

 

കുറച്ച് നേരം തിരിഞ്ഞും മറിഞ്ഞും കിടന്ന് നോക്കി… രക്ഷയില്ല… കൂടെ ഒരു മൂത്ര ശങ്കയും… ഉറക്കം വരാതെ ഇങ്ങനെ കിടന്നാൽ ഇങ്ങനെ വരും… എണിറ്റു പോകാൻ ആണേൽ മടി…

 

അവൾ ഫാൻ സ്പീഡ് കുറച്ച് ഇട്ടതും ഉറക്കം വരാതെ ഇരിക്കാനുള്ള കാരണമായി…

 

ഫുൾ സ്പീഡിൽ കറങ്ങുന്ന ഫാനിന്റെ ഒച്ച കേട്ട് ഉറങ്ങുന്ന സുഖം…

 

 “എന്റെ സാറേ 😍…”

 

ഇനിയും കിടന്നിട്ട് കാര്യമില്ല എന്ന് കണ്ട ഞാൻ പതുകെ എണീറ്റു… കർട്ടനിൽ നിന്നും അരിച്ചിറങ്ങുന്ന ചന്ദ്രന്റെ നിലാ വെളിച്ചമുണ്ട് റൂമിൽ…

 

അത് കൊണ്ട് വലിയ ബുദ്ധിമുട്ടില്ലാതെ എണിറ്റു ചെന്ന് ബാത്‌റൂമിലെ ലൈറ്റ് ഇട്ടു… അകത്തു കയറി കാര്യം സാധിച്ചു വന്നു…

 

പുറത്ത് ഇറങ്ങി ഫാൻ സ്പീഡ് കൂട്ടിയിട്ടു കിടക്കാൻ തീരുമാനിച്ചു…

 

റെഗുലേറ്റർ തപ്പി കണ്ട് പിടിക്കാൻ നോക്കിയിട്ട് നടക്കാത്തത് കൊണ്ട് ഞാൻ പോയി ജനാലയുടെ കർട്ടൻ നീക്കിയിട്ട് ജനൽ തുറന്ന് വച്ചു…

 

നല്ല പൂർണ ചന്ദ്രൻ ആയിരുന്നത് കൊണ്ട് റൂമിൽ നല്ല വെട്ടമായി…

 

ഫാനിന്റെ സ്പീഡ് കൂട്ടിയിട്ടു കട്ടിലിന്റെ ഭാഗത്തേക്ക്‌ തിരിഞ്ഞപ്പോളാണ് ഉള്ള ഉറക്കം കൂടി കളയുന്ന കാഴ്ച…

 

അവൾ കട്ടിലിൽ കുഞ്ഞുങ്ങളെ പോലെ ചരിഞ്ഞു, കാൽ അല്പം മടക്കി നെഞ്ചിന്റെ ഭാഗത്തേക്ക്‌ അടുപ്പിച്ചു വച്ച് കിടക്കുന്നു… കൈ രണ്ടും ചേർത്ത് വച്ച്, അതിന് മുകളിലായി തല വച്ചാണ് കിടപ്പ്… മുടി കുറച്ച് മുന്നിലേക്ക് വീണു കിടക്കുന്നു…

 

നേരെവണ്ണം അടുത്ത കാലത്തേക്ക് കാണൽ നടക്കില്ല എന്ന് നല്ല ഉറപ്പുള്ളത് കൊണ്ട് മനസ്സിൽ ലവൻ ഇരുന്നു പറയുന്നുണ്ട് ഇങ്ങനെ നോക്കി കാണാൻ…

 

ആസ് യുഷ്വൽ ഞാൻ അവന്റെ വാക്കും കേട്ട് ഞാൻ കെട്ടിയ ഉറങ്ങികിടക്കുന്ന മുതലിനെ നോക്കി വെള്ളം ഇറക്കാൻ തുടങ്ങി…(ലോകത്ത് എന്നെ പോലെ ഗതി കെട്ടവൻ വേറെ ഉണ്ടോ കർത്താവേ 😭…)

 

നിലാ വെളിച്ചതിൽ പെണ്ണിന്റെ മുഖത്തു ഒരു പ്രതേക തിളക്കമാണ്…

 

“എന്റെ ദൈവമേ എന്തൊരു നിറമാ ഇവൾക്ക്…എന്തൊരു ചന്തമാ…”

 

(ചന്തമൊക്കെ ആണേലും ചന്തയാ😑…)

 

റോസ് നിറത്തിലുള്ള തുടുത്ത ചുണ്ടുകൾ, ലിപ്സ്റ്റിക്കിന്റെ കാശ് ലാഭിക്കാം…താഴെത്തെച്ചുണ്ട് ഒരല്പം തടിച്ചു മലർന്നിട്ടുണ്ട്… കടിച്ചു പൊട്ടിക്കാൻ തോന്നിപ്പോയി കണ്ടപ്പോൾ…