ആമുഖം,

പ്രിയരേ … ഈ കഥ വായിച്ച് സപ്പോര്‍ട്ട് നല്‍കുന്ന എല്ലാവര്‍ക്കും എന്‍റെ വീനീതമായ നന്ദി അറിയിക്കുന്നു. തുടര്‍ന്നും നിങ്ങളുടെ ഏവരുടെയും സപ്പോര്‍ട്ട് പ്രതീക്ഷിക്കുന്നു. കഥ വായിച്ച് ഇഷ്ടം ആയാല്‍ ഹൃദ്യം ചുവപ്പിക്കാന്‍ മറക്കരുത് , അതേ പോലെ കമെന്‍റ് നല്കാനും … ഇഷ്ടമായില്ല എങ്കിലും അത് കമെന്‍റ് ഇട്ടു അറിയിക്കണം … നിങ്ങളുടെ ലൈക് , കമെന്‍റ് , ഇതിലൂടെയുള്ള സപ്പോര്‍ട്ട് ആണ് തുടര്‍ന്നു എഴുതുവാനുള്ള ഊര്‍ജം. 

****************

ലവ് ആക്ഷന്‍ ഡ്രാമ-4

Love Action Drama-4 | Author : Jeevan | Previous Parts

അവളുടെ മുഖത്തുള്ള ഭാവം കണ്ട് കിളിപോയ ഞാൻ ഒന്നുമറിയാത്ത മട്ടിൽ ഒരു ചൂളവുമടിച്ചു നോട്ടം മാറ്റി, പതുക്കെ അവളുടെ കയ്യുടെ പുറത്ത് നിന്നും എന്‍റെ കൈയ്യെടുത്തു…

ശേഷം നൈസ് ആയി പിരുകം ഒന്ന് ചൊറിഞ്ഞു കൊണ്ട് അവളിരുന്ന വശത്തേക്ക് തല അല്പം ചരിച്ചു ഏറുകണ്ണിട്ട് നോക്കി…

ഭദ്രകാളിയെ പോലെ എന്നെ തന്നെ അവൾ അപ്പോളും നോക്കിയിരിപ്പുണ്ട്…അത് കണ്ട് എന്റെ ഉള്ള ഗ്യാസ് കൂടി പോയി…

അല്പ നേരം കൂടെ അങ്ങനെ തന്നെ നോക്കിയിരുന്നു ദേഷ്യത്തിൽ മുഖം വെട്ടിച്ചു അവൾ കാറിന്റെ ജനാല വഴി പുറത്തേക്ക് നോക്കി ഇരുന്നു…

ഞാൻ എന്താണ് സംഭവിച്ചത് എന്നറിയാതെ അണ്ടിപോയ അണ്ണാൻ കണക്കിന് കണ്ണും മിഴിച്ചു ഇരുപ്പുമായി…

എന്തായാലും കുറച്ച് സമയത്തിനുള്ളിൽ വീട് എത്തി… അവൾ വീണ്ടും എന്നെ കലിപ്പിച്ചു ഒന്ന് നോക്കി കാറിൽ നിന്നും ചാടി തുള്ളി ഇറങ്ങി…

ഞാൻ ആണേൽ അല്പം പേടിയോടെ അവളുടെ പിന്നാലെ ഇറങ്ങി…

വീട്ടിൽ പന്തല് പണിയൊക്കെ തകൃതിയായി നടക്കുന്നുണ്ട്…റീസെപ്ഷന് ഫുഡ്‌ എന്താകും എന്ന് ആലോചിച്ചു നടന്ന ഞാൻ അത് എന്റെ വീട്ടിലാകും എന്ന് സ്വപ്നത്തിൽ പോലും ചിന്തിച്ചിരുന്നില്ല… “ബൈ ദുബൈ റീസെപ്ഷന് എന്താവോ ഫുഡ്‌ ??…”

അങ്ങനെ നിന്നപ്പോളേക്കും

നിലവിളക്കും കാൽ കഴുകാൻ കിണ്ടിയിൽ വെള്ളവുമായി അമ്മയും അമ്മായിയും പരിവാരങ്ങളും പൂമുഖത്തു തന്നെ നില്പുണ്ട്…

ആഹാ… എന്താ കാഴ്ച… ഇത് വരെ എന്നെ കാണുമ്പോൾ പുച്ഛിച്ചു നടന്ന ടീം എല്ലാം എല്ലാം ചിരിച്ചു കളിച്ചു നിപ്പുണ്ട്…