👬കൂടെ 5 [ഖുറേഷി അബ്രഹാം] 167

“ ആണോടാ, അങ്ങനെ ആണോ ഉണ്ടായേ “. അമ്മ എന്നോട് ചോദിച്ചു.

അമ്മയുടെ ചോത്യം കേട്ടതും ആത്യം ഞാൻ പൊന്നുവിനെ നോക്കി അവൾ ഞാൻ എന്താണ് പറയാൻ പോകുന്നതെന്നറിയാൻ നിൽക്കുന്ന പോലെയാണ് ഭാവം.

“ അതേ അമ്മേ “.

“ നിന്റെ കവിൾ കാണിച്ചേടാ “. അമ്മ പറഞ്ഞപ്പോ അടി കിട്ടിയ കവിൾ ഞാൻ അമ്മക്‌ കാണിച്ചു കൊടുത്തു.

“ നല്ല അടിയാണല്ലോടാ അടിച്ചേ, അഞ്ചു വിരലിന്റെയും പാട് മുഖത്ത് കിടപ്പുണ്ട് “. അമ്മ പറഞ്ഞു കൊണ്ട് എന്റെ കവിളിൽ തലോടി.

“ അവ്‌ “. അമ്മ കവിളിൽ തലോടിയപ്പോ ചെറിയ ഒരു നീറ്റൽ.

“ എന്താടാ വേതന ഉണ്ടോ “.
“ ചെറുങ്ങനെ “.
“ അത് കാണുന്നും ഉണ്ട് “.

“ നമുക് ഇനിയെന്തായാലും ഇനി ഇവിടെ നിക്കണ്ട, വീട്ടിലോട്ട് പോകാം “. അമ്മ അച്ഛനെ നോക്കി പറഞ്ഞു.

“ ഇപ്പോൾ തന്നെ പോണോ “.

“ ജയേട്ട നമുക് ഇപ്പൊ ഇവിടുന്ന് പോകുന്നതാകും നല്ലത്, അവിടെ ആളുകൾ എല്ലാം സ്രെധിച്ചു കാണും വെറുതെ ആളുകളുടെ മുന്നിൽ നാണം കെടേണ്ട “.

“ അതേ ജയാ ഇപ്പൊ ഇവിടുന്ന് പോകുന്നതാണ് നല്ലത് “. ജോർജച്ചനും അമ്മയെ പിന്താങ്ങി.

“ എന്നാ അങ്ങനെ ആകട്ടെ “.

പിന്നെ അവിടെ നിന്നില്ല കല്യാണ പെണ്ണിന്റെ അച്ഛനോട് പറഞ്ഞു ഞങ്ങൾ അവിടെന്ന് ഇറങ്ങി. ഇതിനിടയിൽ അവിടെ റിസെപ്ഷൻ വന്ന ആളുകൾ ഒക്കെ എന്നെയും പൊന്നുവിനെയും ഒക്കെ കാണുമ്പോ ഒരു ആക്കിയ നോട്ടവും ചിരിയും ഉണ്ടായിരുന്നു.

ഞാനും അച്ഛനും അമ്മയും പൊന്നുവും അച്ഛന്റെ കാറിൽ കയറി. ജോർജച്ചനും മേരിയമ്മയും ജോയനും അവരുടെ കാറിലും കയറി വീട്ടിലേക് പുറപ്പെട്ടു.

പോകുന്ന വഴിയിൽ എല്ലാവരും നിശബ്തരായിരുന്നു. ആരും ഒന്നും മിണ്ടാതെ ഒരു മരണ വീട്ടിൽ ചെന്ന പ്രേതീതി ആയിരുന്നു കാറിൽ. അച്ഛൻ ഡ്രൈവിങ്ങിൽ മാത്രം ശ്രെദ്ധ തിരിച്ചിരുന്നു.

“ നിങ്ങൾ വല്ലതും കഴിച്ചായിരുന്നോ അവിടെന്ന് “. മൗനം വെടിഞ്ഞ് അച്ഛൻ ഞങ്ങളോട് ചോദിച്ചു.

“ ഇല്ല അച്ഛാ. ഞാൻ ഫുഡ് കഴിക്കാൻ വേണ്ടി പോകാൻ നിന്നപ്പോളാണ് ആ പ്രെശ്നം ഉണ്ടായേ അതോണ്ട് ഞാൻ ഒന്നും കഴിച്ചില്ല “. പൊന്നു അച്ഛൻ ചോദിച്ചേകേ മറുപടി പറഞ്ഞു.

“ ഞാനും ഒന്നും കഴിച്ചില്ല. എന്തായാലും നമുക് ഒരു ഹോട്ടലിലോ, റെസ്റ്റോറെന്റിലോ കയറി കഴിച്ചിട്ട് പോകാം “. അച്ഛൻ

“ എങ്കി അച്ഛാ മേരിയമ്മയോടും വിളിച്ചു പറയാം, അവരും ഒന്നും കഴിച്ചു കാണില്ല “.

പൊന്നു പറഞ്ഞു കൊണ്ട് മേരിയമ്മക് ഫോൺ ചെയ്ത് ഒരു റെസ്റ്റോറെന്റിന്റെ പേര് പറഞ്ഞു അവിടെക്‌ വണ്ടി എടുക്കാൻ പറഞ്ഞു.

ഈ സമയം ഒക്കെയും എന്റെ ചിന്ത അവിടെ കണ്ട ആ കുട്ടിയെ കുറിച്ചായിരുന്നു. അവളുടെ ആ മുഖം ഇപ്പോഴും മനസ്സിൽ നിന്നും പോണില്ല. അതവിടെ അങ്ങനെ തന്നെ പതിഞ്ഞ്‌ കിടപ്പുണ്ട്. കാര്യം അവളുമായുള്ള ആത്യ കൂടി കാഴ്ച അടിയിൽ ആണെങ്കിലും ഇനി ഒരിക്കലും മറകില്ലെന്ന് എനിക്കുറപ്പായി. അത്രത്തോളം അവൾ എന്റെ മനസിനെ ഒറ്റ കാഴ്ചയിലെ കൊണ്ടു പോയിരുന്നു. എനിക്കവളോട് പ്രേമം തന്നെയാണോ.