👬കൂടെ 5 [ഖുറേഷി അബ്രഹാം] 167

ഞാൻ പൊന്നുവിനെയും കൊണ്ട് പൂളിന് അടുക്കലേക് നടന്നു. അവിടെ ഞാൻ ആത്യം ഇരിന്നിടത്ത് അവളെ ഇരുത്തി ഒപ്പം ഞാനും ഇരുന്നു.

അവളെ അവിടെ ഇരുത്തിയിട്ടും പൊന്നുവിന്റെ ദേഷ്യം മുഴുവനായും മാറിയിട്ടില്ലെന്ന് അവളുടെ ഇരിപ്പ് കണ്ടപ്പോൾ എനിക് മനസിലായി.

“ പൊന്നു നീ എന്താ അവിടെ കാണിച്ചു കുട്ടിയെ, അവളോട് എന്തിനാ വയക്ക് ഉണ്ടാക്കാൻ നിന്നേ “. പൊന്നു ഒന്ന് റിലാക്സ് ആയപ്പോൾ ഞാൻ ചോദിച്ചു.

“ പിന്നെ ഞാനെന്താ ചെയ്യേണ്ടേ, ഒരാവശ്യവും ഇല്ലാണ്ട് എന്റെ ഏട്ടനെ ഒരു പെണ്ണ് ആളുകളുടെ ഇടയിൽ വച്ചു തല്ലുമ്പോൾ ഞാൻ കണ്ടില്ലെന്ന് നടിച്ചു കയ്യും കെട്ടി നോക്കി നിൽക്കണോ, പറ വേണോന്ന് “. ഞാൻ പറഞ്ഞത് പൊന്നുവിന് ഇഷ്ടമായില്ലെന് അവളുടെ ദേഷ്യത്തോടെയുള്ള മറുപടിയിൽ നിന്ന് മനസിലായി.

“ അതല്ല പൊന്നു ഞാൻ പറഞ്ഞേ. ആളുകളുടെ മുന്നിൽ വച്ചു എന്നെ അവൾ തല്ലി എന്നുള്ളത് നേരാ, ഞാറിയാതെ ആണെങ്കിലും അവളുടെ ശരീരത്തിൽ തൊട്ടത് കൊണ്ടല്ലേ അവൾ എന്നെ തല്ലിയത് അതാരായാലും അങ്ങനെ അല്ലെ ചെയ്യൂ. പിന്നെ പൊന്നു അവളുമായി പ്രശ്നം ഉണ്ടാക്കി എന്ന് വച്ച്‌ എന്നെ തല്ലിയതിന് ഒരു പരിഹാരം ആകുമോ, അത് കൂടുതൽ പ്രശ്നത്തിലേക് അല്ലേ വഴി തിരിക്കാ, അതാ ഞാൻ പറഞ്ഞെ “.

“ എനിക് അപ്പൊ അങ്ങനെ ഒന്നും ചിന്തിച്ചു നിൽക്കാൻ പറ്റിയില്ല. പെട്ടെന്ന് ഒരു പെണ്ണ് ചേട്ടനെ തല്ലുന്നത്‌ കണ്ടപ്പോൾ ആ ദേഷ്യത്തിൽ ഞാൻ ചെയ്ത് പോയതാ. ചേട്ടൻ അത് ഇഷ്ട്ടായില്ലെങ്കി സോറി “. അവൾ മുഖം കൊറുവിച്ചു കൊണ്ട് പറഞ്ഞു.

“ എന്റെ പൊന്നു ഞാൻ നിന്നെ വിഷമിപ്പിക്കാൻ വേണ്ടി പറഞ്ഞത് അല്ല. നിനക്‌ എന്നോടുള്ള ഇഷ്ട്ട കൂടുതലോണ്ട് ചെയ്‍തത് ആണെന്ന് അറിയാം. പക്ഷെ പൊന്നു അവിടെ കിടന്ന് അവളോട് വഴക്കിടുന്നത് എല്ലാവരും സ്രെധിച്ചപ്പോ ഞാൻ അങ്ങനെ പറഞ്ഞു പോയതാ “.

“ ശെരി, ശെരി. ആ വിഷയം നമുക് വിടാം, എന്തായാലും അത് കഴിഞ്ഞില്ലേ “.

ഞങ്ങൾ സംസാരിച്ചിരിക്കുമ്പോളാണ് ജോയ്ൻ അങ്ങോട്ട് വന്നത് ഒപ്പം അച്ഛനും ജോർജച്ചനും കൂടെ ഉണ്ടായിരുന്നു.

“ എന്താ മക്കളെ, എന്തിനാ അവിടെ തല്ല് ഉണ്ടാക്കിയെ “. വന്നപാടെ ജോർജച്ചൻ ചോദിച്ചു.

“ അവിടെ നടന്ന പ്രശ്നത്തിന് ഒക്കെ കാരണം ആ പെണ്ണാ അങ്കിളേ, അവളൊരാവശ്യവും ഇല്ലാതെ ചേട്ടനെ തല്ലി അത് കണ്ടപ്പോ എനിക് സഹിച്ചില്ല അപ്പൊ ഞാനും രണ്ടെണ്ണം അവളെ പൊട്ടിച്ചു അതാ അവിടെ ഉണ്ടായത് “. പെട്ടെന്ന് തന്നെ പൊന്നു മറുപടി കൊടുത്തു.

അവരോട് സംസാരിക്കുമ്പോളാണ് അമ്മയും മേരിയമ്മയും കൂടെ അവിടേക്‌ വന്നത്. അവരുടെ രണ്ടു പേരുടെയും മുഖത്ത് ഒരു തരം ആശങ്ക കെട്ടി നിന്നിരുന്നു.

“ നിങ്ങൾ രണ്ടാളും അവിടെ എന്താ കാണിച്ചു കൂട്ടിയത്. ആരാ ആ പെണ്ണ് എന്തിനാ നിങ്ങളുമായി അവൾ വയകുണ്ടായെ “. വന്ന പാടെ അമ്മയുടെ ചോത്യം.

“ അതൊന്നുല്ല അമ്മേ, ഏട്ടൻ അറിയാതെ എന്തിലോ തട്ടി അവളുടെ മേളിലേക് വീണു അതിന് ചേട്ടനെ അവൾ തല്ലി. അത് ഞാൻ കണ്ടപ്പോ ഞാനും അവളെ തല്ലി അത്രേ ഉള്ളു “. പൊന്നു ഒരു കൂസലും ഇല്ലാതെ അമ്മയോട് പറഞ്ഞു.