?കൂടെ 5 [ഖുറേഷി അബ്രഹാം] 167

ഞാൻ നിലത്തും എന്റെ മേലിൽ വേറെ ആരോ ആണ് കിടന്നിരുന്നത്. അയാൾ പെട്ടെന്ന് എന്റെ ശരീരത്തിൽ നിന്നും എണീറ്റ വിട്ട് മാറി.
അയാൾ എന്റെ മേലിൽ നിന്നും മാറിയതും ഞാനും എണീറ്റ്‌ ഇരുന്നു.

ഞാൻ എഴുനേറ്റ്‌ നിന്നപ്പോളാണ് എന്നേ വീയ്തിയ ആളെ ഞാൻ ശ്രെദ്ധിക്കുന്നത്. അതൊരു പെണ്ണായിരുന്നു.

ഞാൻ അവളെ നോക്കുമ്പോൾ അവൾ അവിടെ തല തയോട്ടായി കുമ്പിട്ട് ഇരിക്കുക ആയിരുന്നു.

“ ഹേയ് സോറിട്ടോ, ഞാൻ കണ്ടില്ല അറിയാതെ പറ്റിയതാണ് “. തെറ്റ്‌ അവരുടേതാണെങ്കിലും ഒരു സ്ത്രീ ആയ സ്ഥിതിക്ക് നമ്മൾ തായ്‌ന്ന് കൊടുക്കുന്നതാണ് നല്ലത് എന്നെനിക് തോന്നി.

ഞാൻ സോറി പറഞ്ഞിട്ടും ആ കുട്ടി അതേ പോലെ ഇരിക്കുകയാണ്. ആ ഇരിപ്പ് കണ്ടപ്പോൾ എന്റെ ഉള്ളിൽ എന്തോ ഒരു പന്തികേട് തോന്നി.

“ കുട്ടി വല്ല പ്രെഷനവും ഉണ്ടോ “. ഞാൻ അവളുടെ തോളിൽ ഒന്ന് തട്ടിയിട്ട്‌ ചോദിച്ചു.

ഞാൻ അവളുടെ തോളിൽ തട്ടിയതും പെട്ടെന്ന് എന്നെ നോക്കി ഒരു പേടിയോടെ ബാക്കിലേക് നീങ്ങി ഇരുന്നു. അവളുടെ പെട്ടെന്നുള്ള ഈ പ്രതികരണത്തിൽ ഞാനൊന്ന് പകച്ചു പോയി.

ഞാൻ പിന്നെ നോക്കുമ്പോളാണ് അവൾ കരയുക ആണെന്ന് എനിക് മനസിലായത്. അതെ പോലെ ടോപ്പിന്റെ മുകൾ ഭാഗവും അവൾ കൈ കൊണ്ട് മറച്ചു പിടിച്ചിരുന്നു.

“ കുട്ടിക്ക് എന്തെങ്കിലും പറ്റിയോ, എന്തിനാ കരയുന്നെ “. ഞാൻ പേടിയോടെ ചോദിച്ചു.

“ വേണ്ട പ്ലീസ് എന്റെ അടുത്തേക് വരരുത് “. ഞാൻ ചോദിച്ചത് ഒന്ന് അവൾ പറയുന്നത് മറ്റൊന്ന് ഇതെന്ത് മറിമായം, എനിക് വട്ടായതോ അതോ അവൾക് വട്ടായതോ.

അവൾ അങ്ങനെ പറഞ്ഞപ്പോ ഞാൻ എന്റെ ചുറ്റിലും നോക്കി. എന്റെ അരികിൽ ആരും ഇല്ലന്ന് കണ്ടപ്പോ അവൾ എന്നോട് തന്നെയാണ് അത് പറഞ്ഞെന്ന് മനസിലായി. പക്ഷെ എന്തിന്.

“ എന്താ കുട്ടി പറയുന്നേ “. ഒരു ചെറു പേടിയോടെ ഞാൻ ചോദിച്ചു.

“ പ്ലീസ് എന്നെ ഒന്നും ചെയ്യരുത്, എന്നെ ഒന്നും ചെയ്യല്ലേ പ്ലീസ്, എന്നെ ഉപദ്രവിക്കല്ലേ “. അവളെ ഞാൻ റേപ്പ്‌ ചെയ്യാൻ പോകുന്നത് പോലെയാണ് അവളുടെ കാട്ടി കൂട്ടൽ. ഞാനവിടെ ആകെ സ്തംഭിച്ചു നിന്ന് പോയി കണ്ണൊക്കെ പുറത്തേക്ക് തള്ളി വന്നു.

സത്യം പറഞ്ഞ ഞാനാകെ നെട്ടി തരിച്ചു നിൽക്കുക ആണ് അവളുടെ ഈ മാറ്റം കണ്ടിട്ട്. എന്ത് ചെയ്യണം എന്നറിയാത്ത അവസ്ഥ. സംസാരിക്കാൻ പോലും നാവ് ചലിക്കുന്നില്ല.

“ ഞ.. ഞ ഞാൻ അതിന് ഒന്നും ചെയ്തില്ലല്ലോ, താൻ അല്ലേ എന്റെ മേലിൽ വീണേ “. ഞാൻ ഭയപാടോടെ ചോദിച്ചു. പേടി കാരണം കയ്യും കാലും വിറക്കാൻ തുടങ്ങി, ഇപ്പൊ അങ്ങനെ ഉള്ള സാഹജര്യം ആണല്ലോ. അതോടൊപ്പം അറിയാതെ ഞാൻ രണ്ടടി പിറകിലോട്ട് വച്ചു

“ എന്ത് ചെയ്തിട്ടാ എന്നോട് ഇങ്ങനെ ഒക്കെ പറയുന്നേ, എന്ത് മഹാപാഭമാ ഞാൻ നിങ്ങളോട് ചെയ്തേ “. അവൾ അവിടെന്ന് എണീറ്റ് നിന്നുകൊണ്ട് പറഞ്ഞു. പിന്നെ ബാക്കിലേക് നടക്കാൻ തുടങ്ങി.

ഇവളീ പറഞ്ഞ കാര്യം ഞാനല്ലേ അവളോട് ചോതിക്കണ്ടേ. എന്താണിവിടെ സംഭവിക്കുന്നത് എന്നെനിക് ഒരെത്തും പിടിയും കിട്ടുന്നില്ല.

അവൾ ബാക്കിലേക് നടന്ന് പിന്നെ പെട്ടെന്ന് തിരിഞ്ഞ് മുന്നോട്ട് ഓടാൻ തുടങ്ങി.

അവൾ ഓടാൻ തുടങ്ങിയപ്പോളാണ് അവളുടെ ടോപ്പിന്റെ ബാകിൽ കീറിയതായി ഞാൻ കാണുന്നത്.