👬കൂടെ 3 [ഖുറേഷി അബ്രഹാം] 108

“ വേണ്ട പൊന്നു, എനിക്കിപ്പോ ഒന്നും വേണ്ട, ഞാൻ കുറച്ചു നേരം ഒറ്റക്കിരുന്നോട്ടെ “.

“ ഏട്ടാ കുറച്ചെങ്കിലും “. അവൾ നിർബന്ധിച്ചു.

“ വേണ്ട പൊന്നു നീ പൊക്കോ, ഏട്ടൻ ഇപ്പൊ വിശപ്പില്ലാത്തത് കൊണ്ടാണ് “. ഞാനങ്ങനെ പറഞ്ഞപ്പോൾ അവൾ അതെല്ലാം യെടുത്ത് റൂമിൽ നിന്നും പോയി.

“ അപ്പൊ നിന്നെ വേറെ ആർക്കും കാണാൻ കഴിയില്ലേ “. ആരതി പോയതും ഞാൻ ജോണിനോട് ചോദിച്ചു.

“ എനിക് നിന്നെ മാത്രമേ കാണാനും കേൾക്കാനും സാധിക്കു, മറ്റാർക്കും നിന്നെ കാണാൻ സാധിക്കില്ല “.

“ എങ്ങനെ, എനിക്കൊന്നും മനസിലായില്ല നിനക്‌ എന്നെ മാത്രമേ കാണാൻ പറ്റുള്ളൂ എന്നോ “.
“ ച്ചെ മാറി പോയി അങ്ങനെ അല്ല നിനക്‌ മാത്രമേ എന്നെ കാണാനും എന്റെ ശബ്‌ദം നേരാവണ്ണം കേൾക്കാനും പറ്റു, പിന്നെ ഞാൻ വിചാരിച്ച വേറെ പല കാര്യങ്ങളും നടക്കും അതൊക്കെ വഴിയേ അറിയാം, അതിനു മുൻപ് നിന്നോടൊരു കാര്യം പറയണം “.

“ എന്ത് കാര്യം ആണ് പറയേണ്ടേ “.
“ അത് വേറെ ഒന്നുമല്ല നീ ആ പഴയ ആരാവായി തന്നെ മാറണം “
“ ഞാൻ പഴയ ആരവ് തന്നെ അല്ലെ എനിക് ഇപ്പൊ എന്ത് മാറ്റമാണുള്ളത് “.

“ മരതലയ, ഞാൻ പറഞ്ഞത് എന്റെ മുമ്പിൽ നടക്കുന്ന കാര്യമല്ല, നിന്റെയും എന്റെയും അച്ഛന്റെയും അമ്മയുടെയും പിന്നെ പൊന്നുവിന്റെയും ഒക്കെ മുമ്പിൽ ആ പഴയ ആരവ് ആയി മാറണം എന്ന് “.

“ ഓ അങ്ങനെ, അത് ഞാൻ മാറികൊളാം “.

“ എങ്ങനെ മാറുമെന്ന നീ പറയണേ “.
“ പഴയ ആരവ് ആയി മാറാൻ അല്ലെ, അതു ഞാനേറ്റു “.

“ ഞാൻ എന്താണ് പറഞ്ഞതെന്ന് നിനക്‌ ശെരിക് മനസിലായിട്ടില്ല.
പൊന്നു ഇപ്പൊ ഒന്നും കഴിക്കാതെ അവളുടെ റൂമിൽ ഇരിക്കുക ആകും, അത് എന്ത്കൊണ്ടാണ് എന്നറിയോ നീ ഒന്നും കഴിക്കാതെ ഇരിക്കുക അല്ലെ, നീ പോയി അവളെയും വിളിച്ചു കൊണ്ട് ചെന്ന് കഴിക്ക്. അതവൾക്കും നിന്റെ അമ്മക്കും ഒരു സന്തോഷം ആകും, അതാണ് ഞാൻ പറഞ്ഞെ “. അവൻ പറഞ്ഞതിലും കാര്യമുണ്ട്.

“ എന്ന ഞാൻ അവളുടെ അടുത്തേക്ക് ചെന്നവളെയും വിളിച്ചോണ്ട് പോയി വല്ലതും കഴിക്കട്ടെ “. ഞാൻ പറഞ്ഞു കൊണ്ട് ബെഡിൽ നിന്ന് എണീറ്റ്‌ ആരതിയുടെ റൂമിലേക്കു പോകാൻ നിന്നു.

“ ആ വേറെ ഒരു കാര്യം, നീ പെട്ടെന്ന് പഴയ സ്വഭാവം എടുക്കരുത്. പതിയെ പതിയെ മാറിയാൽ മതി. ഇപ്പൊ തന്നെ പോയി അവളോട് കളിച്ചു ചിരിച്ചു സംസാരിക്കാൻ നിക്കണ്ട. ചിലപ്പോ അതവൾക് അക്സെപ്റ്റ്‌ ചെയ്യാൻ പറ്റിയെന്ന് വരില്ല. ഓരോ ദിവസവും കഴിയും തോറും അവരോട് അടുത്ത് ആ പഴയ ആരവ് ആയാൽ മതി “.

“ ഓ അതൊക്കെ എനിക്കറിയാം നീ എന്നെ പഠിപ്പിക്കണ്ട “.