?കൂടെ 3 [ഖുറേഷി അബ്രഹാം] 108

അവർ എന്നെ സ്നേഹിക്കുന്നതിനോക്കെ ഞാൻ എങ്ങനെ പകരമായി നൽകും.മാറണം എന്ന് ആതിര നീ പറയുമ്പോ എനിക് മാറണം എന്ന് ആഗ്രഹമുണ്ട്. പക്ഷെ ഓരോ മിനിറ്റും അവന്റെ ഓർമ്മകൾ എന്നെ വേട്ടയാടുകയാണ് ആ എനിക് എങ്ങനെ പാഴായത് പോലെ മാറാനാകും. എനിക് എന്റെ മുഖം തന്നെ ഇപ്പോൾ കാണുന്നത് പേടിയാണ്. ആ ഞാൻ എങ്ങനെ നിങ്ങടെ ഒക്കെ പഴയ ആരു ആക്കും. എനിക്കതിനാവുന്നില്ല പൊന്നു. നിങ്ങടെ വിഷമങ്ങൾ ഒക്കെ എന്നോട് പറയാനും കാണിക്കാനും പറ്റും. പക്ഷെ ഞാൻ എന്റെ വിഷമോം സങ്കടവും ആരോട് പറയും.

ഇതിനൊക്കെ പുറമെ ജോൺ അവൻ ഞാൻ കാരണമല്ലേ മരിച്ചേ. മരിച്ചതല്ല കൊന്നതാണ് ഈ ഞാൻ തന്നെ അവനെ കൊന്നതാണ്. ആ ആക്സിഡന്റിൽ എന്നേം കൂടെ കൊണ്ടു പോകാമായിരുന്നില്ലേ ഭഗവാനെ. എങ്കിൽ എനിക്കിത്രയും അനുഭവിക്കേണ്ടി വരേണ്ടിയിരുന്നല്ലലോ അവരുടെ ഒക്കെ സങ്കടം ഞാൻ കാണാതിരികുമായിരുന്നല്ലോ. നീ ക്രൂരനാണ് ഇവരുടെ ഒക്കെ സങ്കടങ്ങൾ കാണാനും ഇതൊക്കെ അനുഭവിക്കാനുമായി എന്നെ മാത്രം ബാക്കി വച്ചാലോ.

ഓരോന്ന് മനസ്സിൽ ആലോചിച്ചു കൂട്ടുമ്പോളാണ് എന്റെ ബാക്കിലായി ബെഡിൽ തന്നെ ആരോ ഉള്ളതായി തോന്നിയത്. എന്നിൽ ചെറിയ പേടി വന്നു ഉണർന്നു. ഉള്ള ധൈര്യം വച്ചു വെല്ലേ ഞാൻ ബാക്കിലേക് തിരിഞ്ഞു നോക്കി. ഹാവു ഭാഗ്യം ആരും ഇല്ല. എനിക് തോന്നിയതാകും

ഞാൻ പഴയ പടി നേരെ തിരിഞ്ഞു ഇരുന്നു.

“ ആരവെ,, നീ ആരെയാ ബാക്കിലൊക്കെ തിരിഞ്ഞു നോക്കുന്നെ “. ഞാൻ തിരിഞ്ഞു ഇരുന്നതും കാണുന്നത് ജോണിന്റെ ചിരിച്ചു കൊണ്ടുള്ള മുഖം തൊട്ടു മുമ്പിൽ. കൂടെ ഡയലോഗും

എന്റെ ശോശഛോസം എല്ലാം നിലച്ചു. തൊണ്ടയിലെ വെള്ളം വറ്റി രക്തയോട്ടം നിലച്ചു ഒരു നിമിഷത്തേക്ക് ഹൃദയ മിടിപ്പ് വരെ നിന്നു. തൊണ്ടയിൽ ഉണ്ടായിരുന്ന അവസാന ഉമിനീരും അറിയാതെ ഇറങ്ങി പോയി.

“ ന്.. ന്… ആ… ആ… “. ശബ്ദത്തൊക്കെ തൊണ്ടയിൽ തന്നെ കുടുങ്ങി നിന്നു.

“ നീ ആരാണ് എന്നാണോ ചോദിച്ചേ “.
ഞാൻ വായും തുറന്ന് ആന്നും അല്ലെന്നും തലയാട്ടി.

“ ഡാ നിനക്‌ എന്നെ കണ്ടിട്ടും മനസിലായില്ലേ ഇത് ഞാനാടാ ജോൺ “.
“ ജോ.. ജോ.. ജോ… ജോണോ “. എങ്ങനെ ഒക്കെയോ ഞാൻ അവന്റെ പേര് ഫുള്ളായി പറഞ്ഞു.
“ ജോ ജോ ജോ ജോണല്ല, വെറും ജോൺ, എന്നെ കണ്ടിട്ട് നീ എന്താ ഇങ്ങനെ വിറങ്ങലിച്ചു ഇരിക്കുന്നെ ഇതിനു മുമ്പ് നീ എന്നെ കണ്ടിട്ടില്ലേ, എന്താടാ എന്ത് പറ്റി “.

“ നീ… മ.. മരിച്ചു “. വാക്കുകൾ ഒന്നും ഫുല്ലകുന്നില്ല.

“ ആ ഞാൻ മരിച്ചു അതിൽ എന്താ നിനക്‌ ഇത്ര സംശയം, മരിച്ചിട്ട് ഇപ്പോ ഒരു വര്ഷം കഴിഞ്ഞു “.

“ അപ്പൊ…. ന്ന്.. നീ “.

“ ഡാ പൊട്ടാ നിനക്‌ ഇപ്പോളും മനസിലായില്ലേ ഞാനാ ആത്മാവ് ആട, ഐ മീൻ പ്രേതം “.