ഹൃദയത്തിൽ സൂക്ഷിക്കാൻ 4

Hridayathil Sookshikkan Part 4 | Author : Vishnu🥰 | Previous Part

 

എല്ലാവരും കഥ മറന്നു കാണും അല്ലേ.???

 

പരീക്ഷയും തിരക്കും ഒക്കെ കാരണം കുറച്ച് അധികം താമസിച്ചാണ് ഈ ഭാഗം എന്ന് അറിയാം.അതിന് ആദ്യം ഒരു ക്ഷമ ചോദിക്കുന്നു.പിന്നെ മേനോൻ കുട്ടിയുടെ ആവശ്യപ്രകാരം കഴിഞ്ഞ ഭാഗങ്ങളുടെ ഒരു ചെറിയ ഓർമപ്പെടുത്തൽ കൊടുക്കുന്നുണ്ട്.എല്ലാവരും കഥ മറന്നുകാണും എന്ന് എനിക്കും തോന്നി..

 

 

കഥ ഇതുവരെ…

 

കഴിഞ്ഞ ഭാഗത്തിൽ ചിന്നു ആരാധ്യായെ കാണാൻ ആയി അവളുടെ വിഷ്ണു ഏട്ടനും ആയി പോവുന്നു.അവിടെ ചെന്നപ്പോൾ അവരുടെ ദേവ്യമ്മയുടെ പ്രായം ഉള്ള ഒരു അമ്മ വരുന്നു… ആരാദ്യയുടെ കാര്യം പറയുമ്പോൾ അവർ എന്തോ ഒളിക്കുന്നതായി വിഷ്ണുവിന് തോന്നുന്നു..

അകത്തേക്ക് പോയ ചിന്നു കരഞ്ഞുകൊണ്ട് തിരികെ വരുന്നു.വീട്ടിലേക്ക് പോരുന്നു.പിന്നീട് ഫോണിലൂടെ ആരാധ്യ ചിന്നുവിൻ്റെ പിണക്കം ഒക്കെ മാറ്റുന്നു..

വീട്ടിൽ തന്നെ ഇരുന്നാൽ ആരുവിൻ്റെ നില ഇനിയും വഷളാകും എന്ന് തോന്നിയത് കൊണ്ട് അവളെ കൂടെ സ്വന്തം വീട്ടിലേക്ക് കൊണ്ടുവരാൻ ചിന്നു അമ്മയോടും അവളുടെ എട്ടനോടും പറയുന്നു. അവർ അത് സമ്മതിക്കുന്നു..

കിടക്കാൻ നേരത്ത് അന്ന് അർജുൻ്റെ ഫോണിൽ കണ്ട അവൻ്റെ സ്വപ്നത്തിലൂടെ കിടന്നുവന്ന ആളെ ഒന്നൂടെ കാണാന് ആയി വിച്ചു അവൻ്റെ ഫോൺ എടുത്ത് നോക്കുന്നു.അതിലെ കാഴ്ചകൾ അവന് സഹിക്കാവുന്നതിലും അധികം ആയിരുന്നു..

 

തുടരുന്നു…

 

എപ്പോഴോ ഞാൻ ഉറക്കത്തിൻ്റെ ആഴങ്ങളിലേക്ക് വീണിരുന്നു.പക്ഷേ പതിവുപോലെ സുഖ നിദ്ര ആയിരുന്നില്ല. കരഞ്ഞ് കലങ്ങിയ അവളുടെ ആ കണ്ണുകൾ ഉറക്കത്തിൻ്റെ നിശ്ചിത ഇടവേളകളിൽ ദുസ്വപ്നമായി വന്നുകോണ്ടെ ഇരുന്നു…

 

 

പിറ്റേന്ന് രാവിലെ എൻ്റെ മുഖത്ത് എന്തോ ഇഴയുന്നത് പോലെ തോന്നിയാണ് ഞാൻ എനീകുന്നത്ത്.കണ്ണ് തുറന്നപ്പോൾ  കട്ടിലിൻ്റെ ഓരത്ത് ഇരുന്നു എൻ്റെ മുഖത്ത്  എന്തൊക്കെയോ ചിത്രപ്പണികൾ നടത്തുകയാണ് ചിന്നു.അവളുടെ മുഖത്ത് സാധാരണ കാണുന്ന ആ കള്ളച്ചിരി അപ്പോ ഇല്ലായിരുന്നു.ഞാൻ കണ്ണ് തുറന്നു നോക്കിയിട്ടും എൻ്റെ കവിളിൽ കൂടി വിരൽ ഓടിച്ചു നോക്കുകയാണ് കക്ഷി.

 

“ചേട്ടായി ഇന്നലെ കരഞ്ഞോ..?”

എൻ്റെ കണ്ണീര് ഒഴുകിയ പാട് മുഖത്ത് നിന്നും കണ്ടിട്ടുണ്ട് എന്നെനിക്ക് മനസ്സിലായി..