ഹൃദയത്തിൽ സൂക്ഷിക്കാൻ 3 [വിഷ്ണു?] 304

ചിന്നുവിൻ്റെ വിളിയാണ് ഇപ്പൊ വന്നത്…”

ഞാൻ ആ ചായ കുടിച്ച് ഗ്ലാസ്സ് കൊടുത്തു എണീറ്റു.ചേട്ടത്തി അപ്പോഴും ശോകം ആണ്..

“അവരെ കൂട്ടി ഞാൻ ഒരിസം ഇങ്ങ് ഇറങ്ങാം പൊന്നമ്മെ..നമ്മുക്ക് അങ്ങ് തകർക്കാം..പിന്നെ എനിക്ക് അന്ന് നിങ്ങളുടെ സ്പെഷ്യൽ ബീഫ് കറി റെഡി ആയിരിക്കണം.. ഇല്ലെങ്കില് ഞാൻ ഈ പരിസരത്ത് പോലും വരില്ല കേട്ടല്ലോ…”

ഇറങ്ങാൻ നേരം അടുത്ത ഒരു നമ്പറിൽ പൊന്നമ്മ ഫ്ലാറ്റ്…
അപ്പോഴാണ് ചെട്ടത്തിക്കും മുഖം ഒക്കെ ഒന്ന് തെളിഞ്ഞത്.അങ്ങനെ അവരോട് യാത്രയോക്കെ പറഞ്ഞു വണ്ടി എടുത്തു.അപ്പോഴേക്കും വർഗ്ഗീസ് ചേട്ടൻ വണ്ടിയുടെ അടുത്തേക്ക് ഇറങ്ങി വന്നു..

“വിച്ചുവേ നീ ഇങ്ങനെ നടന്നാ മതിയോ.
..നിനക്ക് ഒരു കല്യാണം ഒക്കെ കഴിക്കേണ്ടെ..?”

എല്ലാം കഴിഞ്ഞുള്ള ആ വരവ് കണ്ടപ്പോഴേ എന്നെ കൊട്ടാൻ ആണെന്ന് എനിക്ക് തോന്നിയിരുന്നു…അല്ലെങ്കിലും എന്നെ കൊട്ടുന്ന കാര്യത്തിൽ ഇങ്ങേരുടെ തട്ട് താണ് തന്നെ നിക്കും…

“എടോ കള്ള കിളവ..ആകെ ഉള്ള ഒരു പണി പോയി ഇപ്പൊ എട്ടിൻ്റെ പണി ആവാൻ പോകുവാ എന്ന് നിങൾ തന്നെയല്ലേ ഇപ്പൊ പറഞ്ഞെ.. അപ്പോഴാ ഒരു കല്യാണം…”

എൻ്റെ മറുപടി കെട്ട് അയാള് ചിരി തുടങ്ങി..
അതും പറഞ്ഞു ഞാൻ വണ്ട് എടുത്തു.
അവരോട് ഒന്നൂടെ യാത്രയും പറഞ്ഞ്  വീട്ടിലേക്ക് പോന്നു…

മുറ്റത്ത് വണ്ടി എത്തിയതും തിണ്ണയിൽ ചിന്നു ഇരിപ്പുണ്ട്…ഒരു പച്ച ചുരിദാർ ഒക്കെ ഇട്ട് മുടി ഒക്കെ കെട്ടി സുന്ദരി ആയിട്ടുണ്ട്..എന്നെ കണ്ടപ്പോഴേ അമ്മയോട് എന്തോ വിളിച്ച് പറഞ്ഞിട്ട് മുറ്റത്തേക്ക് ഇറങ്ങി ചെരുപ്പ് ഒക്കെ ഇടുന്നത് കണ്ടൂ..

“ചേട്ടായി…നമ്മക്ക് പോവാം..”

വണ്ടിയുടെ കണ്ണാടിയിൽ പിടിച്ചൊണ്ട് അവൾ ചോദിച്ചു.

“വഴി ഒക്കെ ശേരിയല്ലെ…ഇനി തെറ്റി വല്ലോം പോവോ..?”
ഞാൻ എൻ്റെ സംശയം ചോദിച്ചു.

“ഇല്ല…പിവി അയച്ച ലൊക്കേഷൻ വെച്ച് നമ്മുക്ക് പോവാം…”
ഒരു കൈയിൽ ഫോൺ ഉയർത്തി പിടിച്ചു അവള് പറഞ്ഞു…

“എന്നാ കേറിക്കോ…അമ്മയോട് പറഞ്ഞോ..?”

“അതൊക്കെ പറഞ്ഞു…നമ്മുക്ക് പെട്ടെന്ന് പോവാം ചേട്ടായി….”
അവൾക് എത്രയും പെട്ടെന്ന് അങ്ങ് എത്തിയാൽ മതിയെന്ന മട്ടാണ്..

അങ്ങനെ അവളുടെ വണ്ടി എടുത്തു..വീട്ടിൽ നിന്ന് ആദ്യത്തെ വളവ് വളഞ്ഞത് മുതൽ ഓരോ വളവ് എത്തുന്നതിനു മുമ്പേ എന്നെക്കൊണ്ട് വണ്ടി വളപ്പിക്കും.. സത്യത്തിൽ വണ്ടി ഓടിച്ചത് പുറകിൽ നിന്ന് ചിന്നു ആണെന്ന് പറയാം…

“എന്നെ പറ്റിക്കാൻ നോക്കിയതാ..ഞാൻ വിളിച്ചിട്ടും ഫോൺ എടുത്തില്ല.ചേച്ചി ആണെന്ന് ഒക്കെ പറഞ്ഞിട്ട്..ചെന്നിട്ട് വേണം കാണിച്ച് കൊടുക്കാൻ… ചിന്നുനോടാ കളി… ഹൂ…”

എൻ്റെ പുറകിൽ ഇരുന്നു ഫോൺ നോക്കി വളവ് പറഞ്ഞു തരുന്നതിനിടെ അവള് അങ്ങനെ പലതും പറയുന്നുണ്ട്…

അങിനെ ചിന്നു പറഞ്ഞത് അനുസരിച്ച് ഒരു ഇടവഴി കയറി കുറച്ച് ചുറ്റി കറങ്ങി ഞങൾ ചെന്നു നിന്നത് ഒരു പഴയ നാലുകെട്ട് വീടിൻ്റെ പടിപ്പുരയുടെ മുന്നിൽ ആണ്.അതിൻ്റെ വാതിൽ രണ്ടും തുറന്നാണ് കിടന്നത്..വീടിൻ്റെ പുറത്തെ പേര് വായിച്ചപ്പോൾ ചിന്നു പറഞ്ഞ വീട് ഇതാവും എന്ന് ഞാൻ ഊഹിച്ചു..

“ഐകരത്ത് മന”