ഹൃദയത്തിൽ സൂക്ഷിക്കാൻ 3 [വിഷ്ണു?] 304

ചായയും കുടിച്ച്കൊണ്ട് വർഗ്ഗീസെട്ടൻ പറഞ്ഞു.

“വിച്ചു.. മോൾടെ കാര്യം ഇന്നലെ ഇങ്ങേരു പറഞ്ഞു..
കൊച്ചിന് ഇപ്പൊ എങ്ങനെ ഉണ്ട്..?പേടിച്ച് കാണും അല്ലേ അത്..എന്തിനാണോ ആ ദുഷ്ടന്മാർ എല്ലാം കൂടെ എൻ്റെ കുഞ്ഞിനെ കൊണ്ടുപോയത്…ഇന്നലെ ഇങ്ങേര് പറയുന്നത് എല്ലാം കേട്ടിട്ട് എൻ്റെ തല കെറങ്ങി പോയി…”

ചിന്നുവിൻ്റെ കാര്യം ഇന്നലെ വർഗ്ഗീസ് ചേട്ടൻ പറഞ്ഞത് കേട്ട പേടിയാണ് ചേട്ടത്തിക്ക്.

“അന്നത്തെ എൻ്റെ അവസ്ഥ എന്താവും എന്ന് ചേട്ടത്തിക്ക് ഊഹിക്കാമല്ലോ..എന്തായാലും ഒന്നും സംഭവിച്ചില്ലല്ലോ..”

അന്നത്തെ കാര്യം ഓർത്തെന്ന പോലെ ഞാനും പറഞ്ഞു..

“മോളെ കണ്ടിട്ട് ഇപ്പൊ കുറേ ആയി അല്ലേ ഇച്ചായാ…”
ഇത്ര വയസ്സായി എങ്കിലും അവൾക്ക് എവിടെ ചെന്നാലും ഒരു കുട്ടിയുടെ സ്ഥാനം ആണ് എല്ലാവരും കൊടുക്കുക..കുട്ടിത്തം മാറാത്ത അവളുടെ സ്വഭാവ എല്ലാവർക്കും ഇഷ്ടവും ആണ്..അതൊക്കെ മനസ്സിൽ ഓർത്തുകൊണ്ട് ചേട്ടത്തി പറഞ്ഞു..

“ശേരിയാ..അതിന് ഇവൻ പോലും ഇപ്പൊ കുറേ ആയില്ലേ ഇങ്ങോട്ട് വന്നിട്ട്… ”

ചേട്ടൻ അതിനിടെ എന്നെ ഒന്ന് താങ്ങി..

“വർഗീസെട്ടാ.. നിങ്ങൾക്ക് അറിയാവുന്നത് അല്ലേ എൻ്റെ കാര്യം..അമ്മയ്ക്ക് ഞായർ പോലും തയ്യലും ഒക്കെയായി വല്യ തിരക്കാണ്..ഞാൻ പിന്നെ രാത്രിയും പകലും ഇല്ലാതെ ഈ ഓട്ടം അല്ലേ..ഇതിനിടെ ഇപ്പൊ ഇങ്ങോട്ട് എന്നല്ല എവിടേയ്ക്കും തന്നെ പോവാറില്ല..
ദേ.. ഇനി ചെന്നിട്ട് ഒരുത്തിയെ എവിടെയോ കൊണ്ട് പോവണം എന്ന് പറഞ്ഞിട്ടാണ് എന്നെ വിട്ടിരിക്കുന്നത്…”

ഞാൻ എൻ്റെ അവസ്ഥ പറഞ്ഞു.പറഞ്ഞു കഴിഞ്ഞതും ചിന്നു ഇതുവരെ എന്നെ വിളിച്ചില്ലല്ലോ എന്നും ഓർത്തു.ഇനി പോവുനില്ലെ ആവോ??

“അറിയാം മോനെ..നീ ഒരു ദിവസം അവളെയും അമ്മയെയും ഒക്കെ ആയിട്ട് ഇങ്ങ് വാ..നമുക്ക് ഒന്ന് കൂടാം..ഇങ്ങോട്ട് വരാനും ഇപ്പൊ നിങൾ ഒക്കേയല്ലെ ഒള്ളു..”

ചേട്ടത്തി അതും പറഞ്ഞ് വീണ്ടും കണ്ണ് തുടച്ചു..മക്കളുടെ കാര്യം ഓർത്ത് അവർക്ക് നല്ല വിഷമം ഉണ്ട്..എന്തൊക്കെ പറഞ്ഞാലും അവരും ഒരു പെറ്റമ്മ ആണല്ലോ..

അപ്പോഴാണ് ഫോണിൽ ചിന്നുവിൻ്റെ കോൾ വരുന്നത്..ഞാൻ ഫോൺ എടുത്തു.

“ചേട്ടായി.. അവൻ ലോക്കേഷൻ അയച്ചു തന്നിട്ടുണ്ട്..പോവാം..”

എടുത്ത പാടെ അവൾ പറഞ്ഞു.പറയുന്നത് ഒക്കെ കേട്ടിട്ട് ആള് നല്ല സന്തോഷത്തിൽ ആണെന്ന് എനിക്ക് തോന്നി..
ഇവൾക്ക് ഇത്ര ഇഷ്ടമാണോ ഈ ആരാധ്യയെ..?ആരാധ്യ… പേര് ഒക്കെ കൊള്ളാം..എന്നാലും എൻ്റെ മനസ്സ് ആ അർജുൻ്റെ ഫോണിൽ കണ്ട അവൾ കീഴടക്കി എന്ന് തോന്നുന്നു..അവളുടെ പേര് എന്താണോ..?എന്നാലും എങ്ങനെ അവളെ ഞാൻ അന്ന് സ്വപ്നത്തില് കണ്ടൂ…ആർക്ക് അറിയാം….
ശ്ശേ..പ്ലസ്ടുവിന് ശേഷം ഇങ്ങനെ ഉള്ള ചിന്തകളിൽ ഒക്കെ ഇപ്പോഴാണ് വരുന്നത്
ഓരോന്ന് ഓർത്തു എനിക്ക് ചിരി വന്നു..

“ചേട്ടായി..എന്താ മിണ്ടാത്തത്..കൊണ്ടോവില്ലെ ചിന്നുനേ….?”

വിളിച്ചപ്പോ ഉള്ള ഉത്സാഹം ഒന്നും ഇപ്പൊ ഇല്ല.. ആ മുഖം ഇപ്പൊ എങ്ങനെ ആയിരിക്കും എന്ന് ഞാൻ മനസ്സിൽ കണ്ടൂ…

“നമ്മുക്ക് പോയേക്കാം..ദേവിയോട് പറഞ്ഞിട്ട് റെഡി ആയി നിന്നോ..”

“എങ്കി പെട്ടന്ന് വാ…”
വീണ്ടും അവള് പഴയ ചിന്നു ആയി.ഫോണും ആയി അകത്തേക്ക് ഓടുന്നത് ഞാൻ കേട്ടു..

“ചേട്ടത്തിയെ,വർഗീസെട്ട ഞാൻ അങ്ങ് ഇറങ്ങുവാ.. ചെല്ലാൻ പറഞ്ഞു