ഹൃദയത്തിൽ സൂക്ഷിക്കാൻ 3 [വിഷ്ണു?] 304

തിരിച്ചു വരുന്ന വഴി ചോദിച്ചത് ഇതാണ്..

ഇതിപ്പോ ചോദിക്കേണ്ട ആവശ്യം എന്താണ് എന്ന് ഞാൻ ഓർത്തു..

“അതേ…”

ഞാൻ ഒരു ഒഴുക്കൻ മട്ടിൽ പറഞ്ഞു

“എടാ ഞാൻ വെറുതെ അല്ല ചോദിച്ചത്..ഒരു പ്രശ്നം ഉണ്ട്…”
ഇതും പറഞ്ഞു കട്ടിലിൽ വന്നിരുന്നു…

ആളുടെ പറച്ചിലും അതിലെ പതിവില്ലാത്ത ഗൗരവവും ഒക്കെ കണ്ടപ്പോ ഒരു തരം പേടി എനിക്ക് അനുഭവപ്പെട്ടു.

“എന്താ ചേട്ടാ..?എന്താ പ്രശ്നം..?”
അത് ഞാൻ പോലും അറിയാതെ ചോദിച്ചതാണ്.

“എടാ അതിപ്പോ…വളച്ച് കെട്ടാതെ ഞാൻ കാര്യം അങ്ങ് പറയാം…
നിനക്ക് നമ്മുടെ കമ്പനിയിൽ ഉള്ള ഇപ്പോഴത്തെ ഡ്രൈവിംഗ് പണി പോവാൻ ചാൻസ് ഉണ്ട്..നിനക്ക് മാത്രമല്ല എല്ലാവർക്കും..നമ്മുടെ കമ്പനി പൂട്ടാൻ പോവുന്നു..”

അത് കേട്ടപ്പോ എനിക്ക് ഒരു ചെറിയ പേടി തോന്നി എങ്കിലും ഞാൻ ഞെട്ടിയില്ല.കാര്യം ഇപ്പൊ അത്യാവശ്യം നല്ല രീതിയിൽ വീട്ടുകാര്യങ്ങൾ എല്ലാം ഓടി പോവുന്നുണ്ട്..എന്നാലും ഈ പണി പോയാൽ പിന്നെ വേറെ പണി ശേരിയവുന്നത് വരെ വീട്ടിലെ കാര്യം എല്ലാം കലങ്ങി മറിയാൻ സാധ്യതയുണ്ട്..

“എടാ  വിച്ചുവേ…നീ എന്താ ഈ ആലോചിക്കുന്നത്..?”

വർഗീസെട്ടൻ വിളിച്ചപ്പോൾ ആണ് ഞാൻ എൻ്റെ ചിന്തകളിൽ നിന്ന് തിരികെ വരുന്നത്..എനിക്ക് അല്ലെങ്കിലും ഒരുറപ്പും ഈ പണിയിൽ ഇല്ലായിരുന്നു..എന്നെങ്കിലും ഇത് വിടേണ്ടി വരും എന്ന് എനിക്ക് പണ്ടെ ഉറപ്പുണ്ടായിരുന്നു….

“അത്… ഇനി എന്ത് ചെയ്യും എന്ന് ചിന്തിക്കായിരുന്നു..ഇതിന് അധിക കാലം ഉണ്ടാവില്ല എന്ന് എനിക്കും അറിയാമായിരുന്നു ചേട്ടാ…”

മനസ്സിൽ ഉള്ളത് അതേപോലെ ഞാൻ പറഞ്ഞു.

“ദേ ചായ കുടിക്കു മനുഷ്യാ..ഇന്നടാ കുടിക്കെടാ വിച്ചു… ”
ഇതും പറഞ്ഞാണ് ചേട്ടത്തി കയറി വന്നത്. എനിക്കും ചേട്ടനും ഓരോ ഗ്ലാസ് ചായ തന്നു..

ചേട്ടത്തി ചായ ഇടുന്നത് ഇഞ്ചിയും ഏലക്കയും ഒക്കെ ഇട്ട് കടുപ്പത്തിൽ ആണ്..ചേട്ടത്തിയുടെ വീട് ഇടുക്കിയിൽ ആയത്കൊണ്ട് അവിടെ പോയിട്ട് വരുമ്പോൾ നല്ല ഏലക്ക കൊണ്ടുവരും..അതൊക്കെ ഇട്ടു ഒരു അടാർ ചായയാണ് തന്നത്…അത് ഞാൻ ആസ്വദിച്ച് കുടിച്ചു..

“രണ്ടും… എന്താ രാവിലെ തന്നെ വല്യ ചർച്ച..?” ”
പതിവില്ലാതെ ചേട്ടൻ എന്നോട് ഗൗരവത്തിൽ സംസാരിക്കുന്നത് കേട്ടിട്ട് ആവണം ചേട്ടത്തി കാര്യം ചോദിച്ചു.

ചായ കുടിക്കുന്ന കൂട്ടത്തില്‍ ചേട്ടൻ ചേട്ടത്തിയോടും കാര്യം പറഞ്ഞു.

“അയ്യോ അത് കഷ്ടായല്ലോടാ..ഇനിപ്പോ എന്നാ ചെയ്യും..?”

ചേട്ടത്തി അത് കേട്ടപ്പോ തന്നെ ചോദിച്ചു.

“അറിയില്ല ചേട്ടത്തി..എനിക്ക് PSC പഠിച്ച് എഴുതിയാൽ കൊള്ളാം എന്നുണ്ട്..പക്ഷേ അതിന് മുന്നേ ഈ പണി പോയാൽ ഒന്നും നടക്കില്ല..”

“എടാ ഉവ്വേ നാളെ തന്നെ പണി പോവും നിന്നെ പിരിച്ചു വിടും എന്നല്ല ഞാൻ പറഞ്ഞത്..എന്നാലും നീ ഇതിൽ തന്നെ വിശ്വസിച്ച് നിൽക്കരുത്..എന്തേലും ഒക്കെ ആയിട്ട് വേറെ ഒരെണ്ണം നോക്കണം.നിനക്ക് psc പഠിച്ച് എഴുതാൻ ആണ് ആഗ്രഹം എങ്കിൽ അത് തന്നെ നോക്ക്.ഒരു ഗവന്മെൻ്റ് ജോലി അല്ലേ.അത് വരെ ഒക്കെ നിനക്ക് നിൻ്റെ ഡ്രൈവിംഗ് പണി ഉണ്ടാവും.. ഇതൊക്കെ പറയാൻ ആണ് ഇന്ന് വരാൻ പറഞ്ഞത്..പിന്നെ നീ ഇങ്ങോട്ട് വന്നിട്ടും കൊറേ ആയില്ലേ..”