ഹൃദയത്തിൽ സൂക്ഷിക്കാൻ 3 [വിഷ്ണു?] 304

തലേന്ന് കണ്ട ആ പാട് മുഖത്ത് നിന്ന് മാറിയിട്ടുണ്ട്.അതാണ് ഞാൻ ആദ്യം ശ്രദ്ധിച്ചത്.വന്നപാടെ അടുക്കളയിലേക്ക് ഒന്ന് പാളി നോക്കി എന്നിട്ട് അമ്മ കാണാതെ പെട്ടെന്ന് തന്നെ നേരെ അപ്പുറത്തെ റൂമിലേക്ക് ഓടുന്നത് കണ്ടൂ..

അവധി ദിവസം ആയതുകൊണ്ട് അവൾ താമസിച്ച് എണീറ്റാലും കുഴപ്പമൊന്നും ഇല്ല..പക്ഷേ അവളോട് രാവിലെ തന്നെ എണീറ്റ് അടുക്കളയിൽ സഹായിക്കണം എന്നൊക്കെ ദേവികുട്ടിയുടെ ഉത്തരവ് ഉള്ളതാണ്..അതാണ് അമ്മ കാണാതെ മുങ്ങിയത്…

കഴിച്ചു കഴിഞ്ഞ് ഞാൻ പതിയെ പുറത്തേക്ക് ഇറങ്ങാൻ ആയി വണ്ടി എടുത്തു.എടുത്ത പാടെ ചെക്കനെ ഒന്ന് കുലുക്കി നോക്കി.പെട്രോൾ കുറവാണ്..അടിക്കണം എന്ന് വിചാരിച്ചു വണ്ടി എടുത്തപ്പോ ആണ് ചിന്നു ഓടി വന്നത്..

“ചേട്ടായി…”

അതിന് ഞാൻ മറുപടിയായി ഒന്ന് മൂളി..

“ഇന്നലെ പറഞ്ഞില്ലേ ആരാധ്യ ചേച്ചി… എനിക്ക് ചേച്ചിയെ കാണണം…എന്നെ കൊണ്ടോവോ ചേച്ചിടെ വീട്ടിൽ..”

അവളുടെ ഉള്ളിലെ എല്ലാ ആകുലതകളും മുഖത്ത് വ്യക്തമായിരുന്നു.അതിൻ്റെ കൂടെ കൊണ്ടുപോവോ..? ഇല്ലെ..? എന്നുള്ള ആകാംഷയും.ഇങ്ങനെ ഓരോന്ന് പറയുമ്പോൾ ചിന്നുവിൻ്റെ മുഖം ഒരു പ്രത്യേക രീതിയിൽ ആവും..അത് കണ്ടാൽ നമ്മുക്ക് എതിർത്ത് ഒന്നും പറയാനും തോന്നില്ല..

“കൊണ്ടോവാം…ചിന്നുന് ആ ചേച്ചിയുടെ വീട് അറിയുവോ..?”

“അത്… എനിക്ക്…. അറിയില്ല…”

പെട്ടെന്ന് ഫ്യൂസ് പോയ പോലെ ആയി ആള്..പിന്നെ പെട്ടെന്ന് എന്തോ ഓർത്തേന്ന പോലെ പറഞ്ഞു

“പിവി ക്ക് അറിയാം…ഞാൻ പിവി യേ വിളിച്ച് ചോദിക്കാം…”

“പിവിയോ.. ??അതാരാ ചിന്നു ഈ പിവി??”

പേരിൽ ഒരു കൗതുകം തോന്നിയത് കൊണ്ട് ഞാൻ ചോദിച്ചു..

“അത് ചിന്നുൻ്റെ കൂടെ പടിക്കുന്നതാ…അവന് എല്ലാവരുടെയും വീടും സ്ഥലവും ഒക്കെ അറിയാം.വല്യ പുള്ളിയാ..”

എന്തോ വല്യ കാര്യം പറയുന്നത് പോലെയാണ് ചിന്നു അത് പറഞ്ഞത്.

“എങ്കിൽ ചിന്നു അവനെ വിളിച്ച് ചോദിച്ച് വെക്ക് നമ്മുക്ക് ഉച്ച കഴിഞ്ഞ് പോയേക്കാം…”

അതും പറഞ്ഞു ഞാൻ വണ്ടി എടുത്ത് പുറത്തേക്ക് ഒക്കെ ഒന്ന് ഇറങ്ങി..
ആദ്യം വർഗ്ഗീസ് ഏട്ടനെ കാണാൻ പോയി..ഈ നേരം ആയത് കൊണ്ട് ആളുടെ ഡ്യൂട്ടി കഴിഞ്ഞ് ഇപ്പൊ വീട്ടിൽ കാണും..അതുകൊണ്ട് ഞാൻ നേരെ ചേട്ടൻ്റെ വീട്ടിലേക്ക് ആണ് പോയത്…

അവിടെ ചെന്നപ്പോ അന്നമ്മ ചേട്ടത്തി പുറത്ത് നിൽപ്പുണ്ട്.എന്തോ പാത്രം ഒക്കെ കഴുകി ആണ് നിൽപ്പ്.വർഗീസെട്ടൻ്റെ ഭാര്യയാണ് അന്നമ്മ ചേട്ടത്തി.എന്നെ കണ്ടതും ആള് ഒന്ന് ചിരിച്ചു.

“സാറപ്പോ.. ഇങ്ങോട്ടോള്ള വഴി ഒന്നും മറന്നില്ല അല്ലെയോ..?”

ഈയിടെ എൻ്റെ തിരക്ക് ഒക്കെ കാരണം ഞാൻ അങ്ങോട്ടേക്ക് ഒന്നും അങ്ങനെ ചെല്ലാതത്തിൽ ചേട്ടത്തി ഇത്തിരി കലിപ്പ് ഇട്ടാണ് ചോദിച്ചത്..

“അന്നമ്മ രാവിലെ തന്നെ ഫോമിൽ ആണല്ലോ..എൻ്റെ കാര്യം പൊന്നമ്മക്ക് അറിയാവുന്നതല്ലെ..ഈ ഓട്ടം എല്ലാം കഴിഞ്ഞ് വീട്ടിൽ വന്നു കേറുന്നത് ഒരു സമയത്താണ്..”

ഞാൻ പറയുന്നത് കേട്ട് നിന്ന് പാത്രം കഴുകുകയാണ്.അന്നമ്മയെ ഇടയ്ക്ക് പൊന്നമ്മ എന്നൊക്കെ ഞാൻ വിളിക്കാറുണ്ട്….പാത്രം കഴുകുകയും അതിൻ്റെ ഇടയ്ക്ക് എൻ്റെ സംസാരവും എല്ലാം ശ്രേദിക്കുന്നും ഉണ്ട്.