ഹൃദയത്തിൽ സൂക്ഷിക്കാൻ 3 [വിഷ്ണു?] 304

“ഇനി എപ്പോഴാ..?അമ്മ ഇങ്ങോട്ട് ഇരുന്നെ…”

ഞാൻ അമ്മയെ നിർബന്ധിച്ച് ഇരുത്തി..അമ്മ പതിയെ എടുത്ത് കഴിക്കാൻ തുടങ്ങി..ഞാൻ നോക്കിയപ്പോൾ എന്നും ഉള്ള ആ ഐശ്വര്യം ഇല്ല അമ്മയുടെ മുഖത്ത്.രാവിലെ കുറേ കരഞ്ഞത് കൊണ്ടാവണം…

“എന്ത് പറ്റി അമ്മെ..??എന്താ വല്ലാതെ ഇരിക്കുന്നത്…”

“അത് മോനെ… ചിന്നു പറഞ്ഞതൊക്കെ കേട്ടിട്ട് എനിക്ക് പേടി ആവുന്നു..അവൾക്ക് ഇനിയും പഠിക്കാൻ പോവേണ്ടതല്ലെ..ഇനിയും ആ ദുഷ്ടന്മാര് ഉപദ്രവിക്കാൻ വന്നാലോ..?”

അമ്മയുടെ ഉള്ളിൽ അത് തന്നെയാവും എന്ന് എനിക്കും തോന്നിയിരുന്നു…

“അമ്മേ..ഇനി ആരും അവളെ ഒന്നും ചെയ്യില്ല..അതൊക്കെ എല്ലാം തീരുമാനം ആക്കിയിട്ടാണ് ഞാൻ വന്നത്…മാത്രമല്ല ഇനി കുറച്ച് നാളേക്ക് അവൾക്ക് ക്ലാസ്സ് ഇല്ലല്ലോ..”

അമ്മയോട് അങ്ങനെ ഓരോന്ന് പറഞ്ഞു ഒരുവിധം സമാധാനിപ്പിച്ചു.

കഴിച്ചുകഴിഞ്ഞ് നേരെ എൻ്റെ റൂമിലേക്ക് കിടക്കാൻ ആയി പോന്നു.അങ്ങ് പോയപ്പോ എൻ്റെ കട്ടിലിൽ ഇട്ടിട്ട് പോയ സാധനം ഒരു അനക്കവും ഇല്ലാതെ അതേപടി തന്നെ കിടപ്പുണ്ട്.ഞാനും അതിൻ്റെ കൂടെ കേറി കിടന്നു.

ചിന്നു അപ്പോ തന്നെ എൻ്റെ അടുത്തേക്ക് ഒട്ടി കഴിഞ്ഞിരുന്നു.

“ചേട്ടായി…”

കണ്ണ് രണ്ടും അപ്പോഴും അടഞ്ഞു തന്നെയാണ് കിടക്കുന്നത്..

“നീ ഉറങ്ങിയില്ലേ ചിന്നു…”

ആ മുഖത്തേക്ക് നോക്കി ഞാൻ ചോദിച്ചു.

“ചുന്നുന് കോളേജില് പോവാൻ പേടിയാ…അവൻ ഇനിയും വരുല്ലെ..”

ഇപ്പോഴും പേടി ഉണ്ട് അവൾക്ക്..പക്ഷേ ഇനിയും എന്തെങ്കിലും അവന്മാര് ചെയ്യില്ല എന്ന് എനിക്ക് ഉറപ്പുണ്ടായിരുന്നു.അങ്ങനെ വിശ്വസിച്ചു എങ്കിലും എൻ്റെ ഉള്ളിൽ ഒരു ചെറിയ പേടിയും ഉണ്ടായിരുന്നു.അവളെ ഒന്ന് ശ്രദ്ധിക്കണം എന്ന് ഞാൻ മനസ്സിൽ ഉറപ്പിച്ചിരുന്നു.

“അതിന് അവൻ ഇപ്പോഴെല്ലെ അറിഞ്ഞത് എൻ്റെ ചിന്നുന് അഞ്ച് ചേട്ടന്മാരും  ഉണ്ടെന്ന്..അപ്പോ ഇനി അവൻ ഒന്നും ചെയ്യില്ലട്ടോ..”

അതിന് മറുപടി ഒന്നും വന്നില്ല..എന്നെ ഒന്നുകൂടി ചുറ്റിപിടിച്ചു കിടന്നു..ഞാൻ പതിയെ കൈ കൊണ്ട് പുറത്ത് പതിയെ തട്ടി ഉറക്കാൻ ശ്രമിച്ചു.ചിന്നു അപോഴേക്കും എൻ്റെ നെഞ്ചിലേക്ക് പറ്റി ചേർന്നിരുന്നു.പതിയെ ഞാനും ഉറങ്ങി…

******

പിറ്റേന്ന് രാവിലെ എണീറ്റു..ഓട്ടം ഒന്നും ഇല്ലായിരുന്നു..അതുകൊണ്ട് തന്നെ ചെറിയ വർക്കൗട്ട് ഒക്കെ ചെയ്തു.പണ്ട് സ്ഥിരം ഞങൾ എല്ലാവരും ജിമ്മിൽ പോയിരുന്നു.ഇപ്പൊൾ എല്ലാത്തിനും മടുപ്പാണ്.ഇനി അവന്മാരെ ഒക്കെ ഒന്നൂടെ മൂപ്പിച്ച് തുടങ്ങണം എന്നൊക്കെ മനസ്സിൽ തീരുമാനിച്ചു..

അതൊക്കെ കഴിഞ്ഞ് പല്ല്തേപ്പും, കുളിയും ഒക്കെ പാസാക്കി.അപ്പോഴേക്കും ദേവികുട്ടി നല്ല ചൂടൻ പുട്ടും കടലയും റെഡി ആക്കി മേശപ്പുറത്ത് വെച്ചിരുന്നു..അതിൻ്റെ കൂടെ ഒരു കടുപ്പത്തിലുള്ള ചായയും.. ഭക്ഷണം കഴിക്കുന്ന സമയത്താണ് ചിന്നു പതിയെ എണീറ്റ് വരുന്നത്..കണ്ണും തിരുമ്മി വരുന്നത് കണ്ടിട്ട് എനിക്ക് ചിരി വന്നു..