ഹൃദയത്തിൽ സൂക്ഷിക്കാൻ 3 [വിഷ്ണു?] 304

വീട്ടിൽ വണ്ടി നിർത്തിയതും ചിന്നു അകത്തേക്ക് ഒരോട്ടം ആയിരുന്നു..എന്താണ് എന്ന് അമ്മ എന്നോട് ചോദിച്ചു.നടന്നത് എല്ലാം ഞാൻ പറഞ്ഞു.അപ്പോ അമ്മയും ചിന്നുവിൻ്റെ അടുത്ത് പോയിരുന്നു.ഞാൻ വീട്ടിലേക്ക് കയറിയില്ല..നേരെ പുറത്തേക്ക് പോന്നു.കറക്കം എല്ലാം കഴിഞ്ഞ് ഞങ്ങളുടെ സ്ഥിരം സ്ഥലത്ത് ഒത്തുകൂടി.

രാഹുലും,മനുവും,അനുവും എല്ലാം കൂടി ഓരോന്ന് പറഞ്ഞു സമയം പോയത് അറിഞ്ഞില്ല..എന്തായാലും അന്ന് വെള്ളമടി ഇല്ലായിരുന്നു..വെറുതെ ഓരോന്ന് പറഞ്ഞിരിക്കാനും ഒരു രസം ആയത്കൊണ്ട് എല്ലാവരും കൂടി..ചർച്ചകൾ അങ്ങനെ നീണ്ടു പോയ്കൊണ്ടെ ഇരുന്നു..അങ്ങനെ ഓരോ കാര്യങ്ങൽ പറയുന്ന കൂട്ടത്തിൽ എൻ്റെ പണി അതായത് ഡ്രൈവിംഗ് പണി പാളിയ കാര്യവും ഒരു തമാശ പോലെ ഞാൻ പറഞ്ഞു..അത് കേട്ട അവന്മാര് ആദ്യം ഒന്നും പറഞ്ഞില്ല..വീട്ടിലെ സ്ഥിതി ആരെക്കാളും നന്നായി ഇവർക്ക് അറിയാവുന്നത് ആണല്ലോ…

കൂട്ടത്തിൽ രാഹുലിന് ഇനി എന്നാണ് പോവേണ്ടത് എന്നൊക്കെ തിരക്കി..അവന് ഇനി ഇൻ്റർവ്യൂ ഒക്കെ ഓൺലൈൻ ആണ് എന്ന് പറഞ്ഞു..അപ്പോ അവൻ്റെ വീട്ടിൽ ഇരുന്ന് അത് ചെയ്താൽ മതിയാവും..മാത്രമല്ല നാട്ടിൽ തന്നെ പോസ്റ്റിംഗ് എന്ന കാര്യത്തിൽ അവർ ഒരു ഉറപ്പ് പറഞ്ഞിട്ടുണ്ട്..അപ്പോ അവൻ്റെ കാര്യം ഒന്നും തന്നെ മുടങ്ങിയില്ല..അത് അറിഞ്ഞപ്പോ തന്നെ എനിക്ക് കുറച്ച് ആശ്വാസം തോന്നി..

പി എസ് സി പഠിക്കാൻ ഉള്ള ആലോചനയിൽ ആണ് എന്ന് പറഞ്ഞപ്പോൾ തന്നെ അനു അവൻ്റെ കൈയിൽ പുസ്തകം ഉണ്ട് അത് തരാം എന്നും പറഞ്ഞു..അങ്ങനെ ബുക്കിൻ്റെ കാര്യം ഏകദേശം തീരുമാനം ആയി..ഇനി അത് ഒക്കെ പഠിക്കാൻ തുടങ്ങണം..മാത്രമല്ല നാളെ തന്നെ വല്ല ഒഴിവും ഉണ്ടെങ്കിൽ പരീക്ഷക്ക് അപ്ലെ ചെയ്യണം എന്ന് മനസ്സിൽ ഉറപ്പിച്ചു..

അങ്ങനെ എല്ലാത്തിനും ഉറക്കം വന്നപ്പോ ആണ് അന്ന് കളം പിരിഞ്ഞത്..ഓരോരുത്തരും വീട് പിടിക്കാൻ എണീറ്റു.. അനു എന്നെ കൂട്ടി ബുക്ക് എൻ്റെ കൈയിൽ തന്നുവിട്ടു..മനുവിനെ ആയിട്ട് നേരെ വീട്ടിലേക്ക്  ഉള്ള വഴിയേ വണ്ടി വിട്ടു..വരുന്ന വഴി മനുവിനെ വീട്ടിൽ ആക്കി..അപ്പോഴേക്കും ചാരു ചാടി ഇറങ്ങി അടുത്തേക്ക് വന്നു..

“വിച്ചുവെട്ടാ..ഇന്ന് ആരാധ്യ ചേച്ചിടെ വീട്ടിൽ പോയെന്ന് ഒക്കെ കേട്ടല്ലോ..?കണ്ടോ ചേച്ചിയെ..?”

വന്നപാടെ അവൾക്ക് അറിയേണ്ടത് അതായിരുന്നു..

“പോയി..പക്ഷേ അയാൾക്ക് വയ്യ എന്ന് പറഞ്ഞു..അതുകൊണ്ട് പെട്ടെന്ന് തന്നെ പോരേണ്ടി വന്നു..പിന്നെ അവളും കണ്ടില്ല..അതിൻ്റെ സങ്കടത്തിൽ ആണ്..”

ഇന്ന് രാവിലത്തെ കാര്യങ്ങൽ ഒക്കെ ഞാൻ പറഞ്ഞു.

“അയ്യോ അത് കഷ്ടായല്ലോ..വിച്ചുവെട്ടൻ ഒന്ന് കാണേണ്ടത് ആയിരുന്നു ചേച്ചിയെ..കണ്ടൂ ഇഷ്ടപെട്ടാൽ നമ്മുക്ക് ആ ചേച്ചിയെ തന്നെ കല്യാണം അങ്ങ് ആലോചിക്കാം..അങ്ങനെ ആണെങ്കിൽ അവൾക്ക് എപ്പോഴും ചേച്ചിയെ കണ്ടുകൊണ്ട് ഇരിക്കേം ചെയ്യാം…”

പറഞ്ഞതിൻ്റെ ഒപ്പം അവള് ഒരു കള്ളച്ചിരി ചിരിക്കുന്നതും കണ്ടൂ..എൻ്റെ അടുത്ത് മാത്രേ ഇവളുടെ ഈ കളി ഒക്കെ നടക്കുകയുള്ളൂ..മനു ആണെങ്കിൽ പെട്ടെന്ന് ദേഷ്യം വരുന്ന ടൈപ്പ് ആണ്.. അവന് ഇഷ്ടപ്പെടാത്ത വല്ലതും പറഞ്ഞാല് അപ്പോ കവിൾ അടിച്ച് പൊളിച്ചു എന്നൊക്കെ വരാം…അതൊക്കെ ഓർത്തു ഞാൻ അവള് പറയുന്നത് ഒക്കെ കേട്ട് ചിരിച്ചു നിന്നു.

“ഒന്ന് പോയെടി ഞാൻ എങ്ങും ആരെയും കണ്ടില്ല…അവള് ഓരോന്ന് പറഞ്ഞു വന്നോളും..പിന്നെ നീ പറഞ്ഞത് ഒന്നും നടക്കാൻ പോണില്ല പെണ്ണേ..അവരുടെ വീട് ഒക്കെ കണ്ടിട്ടുണ്ടോ നീ..?എന്തോ പഴയ കൊട്ടാരം പോലെയാണ്..നമ്മൾ ഓക്കേ എവിടേ കിടക്കുന്നു അവരൊക്കെ എവിടേ കിടക്കുന്നു…”
ഒരു നെടുവീർപ്പോടെ ഞാൻ പറഞ്ഞു നിർത്തി.