ഹായ് എൻ്റെ പേര് വിഷ്ണു നിങ്ങളിൽ ചിലർക്ക് ഒക്കെ എന്നെ അറിയാം.. ഞാൻ ആദ്യമായി ആണ് ഒരു കഥ എഴുതുന്നത് ഇവിടെയും അപ്പുറത്തും ആയിട്ട് ധാരാളം കഥ വായിക്കാറുണ്ട്.പണ്ട് തുടങ്ങി വച്ച ഒരു കഥ കൂട്ടുകാരുടെ നിർബന്ധത്തിന് വഴങ്ങിയാണ് പൂർത്തിയാക്കാം എന്ന് തീരുമാനിച്ചത്.കഥ എഴുതുന്നു എന്ന് പറഞ്ഞപ്പോ കൂടെ നിന്ന എൻ്റെ കൂട്ടുകാർക്കും ചേട്ടന്മാർക്കും നന്ദി.നമ്മൾ മിക്കവാറും കേൾക്കുന്ന ചില വാർത്തകൾ ഒക്കെ ഈ കഥയിൽ .അപ്പോ കൂടെ ഉണ്ടാവും എന്ന വിശ്വാസത്തിൽ…

ഇന്ന് സമൂഹത്തിൽ നാം കണ്ടിട്ടുള്ളതും കേട്ടിട്ടുള്ളതും ആയ ചില വാർത്തകൾ ഈ കഥ എഴുതുവാൻ എന്നെ സ്വാധീനിച്ചിട്ടുണ്ട്.,.,

ഹൃദയത്തിൽ സൂക്ഷിക്കാൻ💝

ഇന്ന് എന്തൊരു ദിവസമായിരുന്നു….
രാവിലെ മുതലേ മടുപ്പ്,പിന്നെ ഒരുതരം പിരിമുറുക്കം….ഫോട്ടോ എടുക്കാൻ പോലും വിളിച്ചിട്ട് എനിക്ക് പറ്റിയില്ല…എല്ലാവരോടും സംസാരിച്ച് ഒന്നും കഴിക്കാനും പറ്റിയില്ല…ഇതൊക്കെ അറിഞ്ഞത്കൊണ്ട് ആണെന്ന് തോന്നുന്നു, മനു രണ്ട് ആൽഫാം മേടിച്ച് വച്ചിട്ടുണ്ട്…ഇവന്റെ ഒരു കാര്യം.
പണ്ട് ജിമ്മിൽ പോക്ക് ഉണ്ടായിരുന്ന സമയത്ത് തൊട്ടേ ഉള്ള ശീലം ആണ്.വർക്കൗട്ട് കഴിഞ്ഞ് വരുന്ന വഴി വൈകിട്ട് ഈ അൽഫാം തീറ്റ😋

എന്തായാലും വിശപ്പ് അല്ലേ പ്രധാനം..ഒന്നും നോക്കിയില്ല അത് എടുത്ത് അങ്ങ് കഴിക്കാൻ തുടങ്ങി….ഇന്ന് ഇനി വൈകിട്ട് എന്താണോ എന്തോ…ഇട്ടിരുന്ന ഷർട്ട് ഒക്കെ ആകെ വിയർത്തു മുഷിഞ്ഞു…
ഒന്ന് പോയി കുളിച്ചേക്കാം എന്ന് വച്ചു…
അങ്ങനെ നേരെ പോയി കുളിച്ചു,ഒരു T- ഷർട്ടും,ട്രാക്സൂട്ട് എടുത്തിട്ടു….

വല്ലാത്ത ക്ഷീണം ഉണ്ട്…എന്നാലും കിടക്കാൻ ഒന്നും തോന്നുന്നില്ല… ജനലിന്റെ അടുത്തേക്ക് പോയി നിന്നു…ചന്ദ്രേട്ടൻ ഇപ്പൊ നല്ല ഫോം ആണെന്ന് തോന്നുന്നു..നല്ല നിലാവിൽ മുറ്റം ഒക്കെ കാണാൻ സാധിക്കുന്നുണ്ട്..അവിടിവിടെ ഒക്കെ ഇടകൾ വീണു കിടക്കുന്നു..എന്തെന്നില്ലാത്ത ഒരു സൗന്ദര്യം രാത്രിക്ക്..
വെറുതെ ആകാശത്തേക്ക് നോക്കിനിന്നു..
ഇനി എന്തെങ്കിലും നിയോഗം ഉണ്ടെങ്കിലോ…? ഏത്??😜

വെറുതെ അങ്ങനെ നിന്നപ്പോ പഴയ കാര്യങ്ങൾ ഒക്കെ എവിടെ നിന്നോ മനസ്സിലേക്ക് വന്നു…
.
.
എനിക്ക് സ്വന്തം എന്ന് പറയാൻ ഉള്ളത് അമ്മയും,ഒരു പെങ്ങളും ആണ്…അച്ഛൻ എന്റെ പ്ലസ്2 പഠിത്തം കഴിഞ്ഞ ആ സമയത്ത് മരിച്ചു.എന്തായാലും അതോടെ എന്‍റെ ഉപരിപഠനം എന്നത് വെറും സ്വപ്നം മാത്രമായി.

പിന്നെ അമ്മയുടെ കഷ്ടപ്പാട് ഒക്കെ കണ്ട് വെറുതെ നടക്കാൻ ഒന്നും തോന്നിയില്ല..എന്തേലും ജോലി വേണം..അമ്മയെയും,പെങ്ങളെയും നോക്കണം എന്നുള്ള ചിന്ത മനസ്സിലേക്ക് കേറി.
പണ്ട് ഒരുപാട് തവണ എന്റെ ഉത്തരവാദിത്വത്തെ കുറിച്ച് അച്ഛൻ ഉപദേശിക്കുകയും,വഴക്ക് പറയുകയും ഒക്കെ ചെയ്തിട്ടും നന്നവാത്ത ഞാൻ, ഇപ്പൊ അതിന്റെ ഒന്നും ആവശ്യം ഇല്ലാതെ തന്നെ നന്നായി എന്ന് പറയുന്നത് ആവും ശെരി.