ഹരിചരിതം 4 [Aadhi] [Climax] 1145

” എന്നിട്ട് എന്താടീ നീ എന്നോട് പറയാതിരുന്നത് ?? “, ഞാൻ അവളെ കെട്ടിപ്പിടിച്ചു എന്റെ നെഞ്ചോട് ചേർത്തുകൊണ്ട് ചോദിച്ചു…

” അത്..എനിക്ക് പേടി ആയിരുന്നു.. എന്നെ എങ്ങനെയാ കാണുന്നത് എന്നറിയില്ലല്ലോ.. അപ്പൊ, ഞാൻ ഇത് പറഞ്ഞാൽ… എന്നോടുള്ള ഇഷ്ടം പോയാലോ ?? ” നെഞ്ചിൽ അമർത്തിയിരുന്ന മുഖം തെല്ലൊന്നു പൊക്കി എന്റെ കണ്ണിൽ നോക്കിക്കൊണ്ട് അവൾ പറഞ്ഞു..

” എടീ.. നീയല്ലേ എനിക്കെല്ലാം..നീ കഴിഞ്ഞല്ലേ എനിക്കെല്ലാം ഉള്ളൂ… ”

” അപ്പൊ ഗൗരി ചേച്ചിയോ?? ”

” അത്…അവൾ നോ പറഞ്ഞല്ലോ.. എല്ലാം നല്ലതിനായല്ലോ… ”

ശരിയാണ്… ഗൗരി അന്നൊരു യെസ് പറഞ്ഞിരുന്നെങ്കിൽ ശ്രീയെ എനിക്ക് കിട്ടില്ലായിരുന്നു.. എന്നോടുള്ള ഇഷ്ടം മനസ്സിൽ വെച്ച് അവൾ വേറെ ആരുടെ എങ്കിലും കൂടെ ജീവിച്ചേനെ.

” നിനക്കെന്നു മുതലാടീ എന്നോട് ഇഷ്ടം ഒക്കെ തോന്നിയത്?? അതും എന്ത് കണ്ടിട്ടാണെന്നാ.. ”

” എന്നാ എന്നൊന്നും അറിയില്ല.. ഞാൻ എന്തൊക്കെ ചെയ്തു എന്റെ ഇഷ്ടം കാണിക്കാൻ… ?? ”

” എന്ത്.. ?? ”

” ഞാൻ കുറെ കാര്യങ്ങൾ ചെയ്തു..എന്തിനു, ജോലിക്ക് വരെ ഞാൻ പോവാണ്ടിരുന്നില്ലേ?? അതെങ്ങനെ. ഫുൾ ടൈം ആ ചേച്ചീടെ പേരും പറഞ്ഞല്ലായിരുന്നോ നടപ്പ്… എങ്ങനെ മനസ്സിലാവാനാ..”

ഞാനൊന്നു ചമ്മി… ശരിയാണല്ലേ?

” എന്നാലും എന്ത് കണ്ടിട്ടാ.. ?? ”

” ഉദാത്തമായ പ്രണയത്തിനു പറയുവാൻ കാരണങ്ങൾ ഇല്ല എന്നല്ലേ… ?? ”

” എന്ത്… ?? ”

” ഞാൻ കാലൊടിഞ്ഞു കിടന്നപ്പോൾ ഓരോ മലയാളം ബുക്ക് കൊണ്ടുവന്നു തരുമ്പോൾ ആലോചിക്കണമായിരുന്നു.. കാരണം ഒന്നും ഇല്ല…എനിക്കിഷ്ടമായി..എന്താ അത് പോരെ?? ” അവൾ ഒരു ചിരിയോടെ എന്റെ താടി പിടിച്ചു കുലുക്കി.

” എന്നാലും ആ ഗൗരിചേച്ചി എന്ത് കണ്ടാണാവോ എന്റെ ശങ്കൂനെ വേണ്ടാന്നു പറഞ്ഞത്… ”

” കഴിഞ്ഞത് കഴിഞ്ഞു.. ഇനി നമ്മൾ അതൊന്നും ആലോചിക്കേണ്ട… നീ എന്റെ ആണ്… എനിക്ക് നീയും നിനക്ക് ഞാനും.. ” അവളെ ഒന്നുകൂടി മുറുകെ പുണർന്നു നെറ്റിയിൽ ഒരുമ്മ കൊടുത്തു..

>>>>>>>> കോഫി ഷോപ് <<<<<<<<<<<<<

ഞാൻ പറഞ്ഞതെല്ലാം ശ്രദ്ധയോടെ കേട്ട് എന്റെ മുഖത്തേക്ക് തന്നെ ഉറ്റുനോക്കി ഇരിക്കുകയാണ് ഗൗരി.. എന്താണ് അവളുടെ മുഖത്തുള്ള ഭാവം?? പണ്ടത്തെ പോലെ അല്ല, അവളുടെ ഭാവം എന്താണെന്നു വായിക്കാൻ എനിക്ക് പറ്റുന്നില്ല…

” എന്താ ഇങ്ങനെ നോക്കുന്നത്?? ”

” ഏയ്.. ഒന്നുമില്ല.. അല്ലെങ്കിലും എനിക്കറിയാമായിരുന്നു ഹരിക്ക് അവളോടുള്ള ഇഷ്ടം പറയാൻ കഴിയില്ലെന്ന്… ”

” അതെന്താ…?? “