ഹരിചരിതം 4 [Aadhi] [Climax] 1145

വീട്ടിലെത്തി ശ്രീയോട് കാര്യങ്ങൾ ഒക്കെ പറഞ്ഞു ബെഡിലേക്ക് വീണു.. അവൾ എന്റെ തല മടിയിൽ എടുത്തു വെച്ച് പുറത്തു തട്ടിക്കൊണ്ടിരുന്നു…

* * * * * * * *

രണ്ടു ദിവസം കൊണ്ട് ടോപ്പിക്ക് എല്ലാം ശരിയാക്കി അപ്പ്രൂവൽ വാങ്ങിച്ചു പ്രോജക്റ്റ് ചെയ്യാൻ തുടങ്ങി.. ശ്രീ വീട്ടിൽ തന്നെ ഉള്ളത് ഒരു ഹെല്പ് ആയി, എനിക്ക് വേണ്ട കാര്യങ്ങൾ ഒക്കെ അവൾ ഇരുന്നു ചെയ്തു കോളേജിൽ പോവാൻ ആവുമ്പോഴേക്കും എനിക്ക് പഠിപ്പിച്ചു തരും.. പക്ഷെ അതും അധികം കാലം നീണ്ടില്ല, അവൾ ഗേറ്റ് കോച്ചിങ്ങിനു വേണ്ടി സിറ്റിയിൽ തന്നെ ജോയിൻ ചെയ്‌തു.. അതിന്റെ കൂടെ ഒന്നിടവിട്ട ദിവസങ്ങളിൽ വേറൊരു ഇന്സ്റ്റിട്യൂട്ടിൽ പഠിപ്പിക്കാൻ പോവാനും തുടങ്ങി, വൈകുന്നേരങ്ങളിൽ… അതോടെ അവളെ അധികം ബുദ്ധിമുട്ടിക്കാതെ എന്റെ കാര്യങ്ങൾ മാക്സിമം ഞാൻ തന്നെ ചെയ്തു തീർക്കാൻ തുടങ്ങി..

വിചാരിക്കുന്നത് പോലെ അല്ല, ഒറ്റക്ക് ഒരു ടോപ്പിക്ക് ചെയ്യുക എന്ന് പറഞ്ഞാൽ കഷ്ടപ്പാട് തന്നെ ആണ്.. കുറെ ബുക്കും ഇന്റർനെറ്റും ഒക്കെ റെഫർ ചെയ്തു ഓരോ ദിവസവും കാര്യങ്ങൾ ചെയ്തുകൊണ്ടിരുന്നു. അതിനിടയിൽ മറ്റുള്ള വർക്കുകളും ചെയ്തുപോന്നു…

ഒരു ദിവസം കോളജിൽ നിന്നും വീട്ടിലെത്തിയപ്പോൾ ആണ് മുറ്റത്തു ഒരു കാർ കിടക്കുന്നത് കണ്ടത്.. വരുണിന്റെ കാർ ആണ്. ട്രീറ്റ്മെന്റ് കഴിഞ്ഞു തിരിച്ചു വരുന്നു എന്ന് അഭി പറഞ്ഞിരുന്നു.. ഹാളിലേക്ക് കേറിയപ്പോൾ ആന്റിയും വരുണിന്റെ അച്ഛനും അമ്മയും ഇരുന്നു ചായ കുടിക്കുന്നു..സംസാരിക്കുന്നു. ഞാനും കൂടെ ഇരുന്നു ഒന്ന് പരിചയപ്പെട്ടു.. അവരോട് ബൈ പറഞ്ഞു റൂമിലേക്ക് കേറി, ബാൽക്കണി തുറന്നിട്ടിരിക്കുകയാണ്.. അഭിയും വരുണും സംസാരിക്കുന്നത് കാണാം.. ഒന്ന് മുരടനക്കിക്കൊണ്ട് അങ്ങോട്ട് ചെന്നു.. സ്‌കൈപ്പിലൂടെ കണ്ടിട്ടുള്ളത് കൊണ്ട് അധികം മുഖവുരയുടെ ആവശ്യം ഒന്നുമില്ലായിരുന്നു..വരുണിന്റെ മുടി അന്ന് കണ്ടതിനേക്കാൾ കൂടുതൽ വന്നിട്ടുണ്ട്.. ശരീരം മെലിഞ്ഞെങ്കിലും മുഖത്ത് നല്ല തെളിച്ചമുണ്ട്.. ഓരോ കാര്യങ്ങൾ സംസാരിച്ചു നിന്നു. അതിനിടയിൽ അഭി ഇപ്പൊ വരാം എന്നും പറഞ്ഞു താഴേക്ക് പോയി.

” ശങ്കൂന്നല്ലേ ഇവരൊക്കെ വിളിക്കാറ്?? ” വരുൺ ചോദിച്ചു.

” മ്.. അതെ, പണ്ട് മുതലേ ഇവരെന്നെ ഇങ്ങനെയാ വിളിച്ചിരുന്നത്.. ”

” ഇനി മുതൽ ഞാനും അങ്ങനെയേ വിളിക്കൂ… പിന്നെ, എനിക്ക് ശങ്കുവിനോട് ഒരു ക്ഷമ പറയാനുണ്ട്…”

” ക്ഷമയോ എന്തിനു.. ? ”

” അഭി എന്നോടെല്ലാം പറഞ്ഞിരുന്നു.. അന്നത്തെ ആ സംഭവം… ”

” ഏയ്.. വേണ്ട..അതിനെ കുറിച്ച് ഒന്നും പറയണ്ട.. അതിൽ നിങ്ങൾ തന്നെ ആയിരുന്നു ശരി.. എനിക്കൊന്നും അതിൽ അഭിപ്രായം പറയാൻ തന്നെ വോയ്‌സില്ല.. ”

അഭി ബെഡ് റൂമിലേക്ക് കേറി വരുന്നത് കണ്ടു ഞങ്ങൾ ആ സംസാരം അവിടെ നിർത്തി.. വരുണിന്റെ കാര്യം വീട്ടിൽ സൂചിപ്പിക്കാനാണ് അവർ വന്നത്.. അങ്കിളിനും ആന്റിക്കും എതിരഭിപ്രായം ഒന്നുമില്ല.. വര്ഷങ്ങളായി