ഹരിചരിതം 4 [Aadhi] [Climax] 1145

ട്രെയിൻ എടുക്കാൻ ഇനി ഒരഞ്ചു മിനിറ്റ് കൂടിയേ ഉള്ളൂ.. ഗൗരി ഒന്നും പറയുന്നില്ലല്ലോ.. ഒടുക്കത്തെ സസ്‌പെൻസ്.. ‘ ഒരു യെസ് അങ്ങോട്ട് പറയെടീ…’, ഞാൻ മനസ്സിൽ പറഞ്ഞു.

” എനിക്ക് മിക്കവാറും ഡൽഹി ഐഐടി യിൽ JRF കിട്ടും ” ഗൗരി പറഞ്ഞു..

” ആണോ.. കൺഗ്രാറ്റ്സ്.. നമ്മുടെ അഭി അവിടെ ഉണ്ട് AIIMS ഇൽ.. ”

” മ്.. പിന്നെ, അന്ന് ചോദിച്ച ചോദ്യമില്ലേ?? അതിന്റെ ഉത്തരം വേണ്ടേ.. ?? ”

ഞാൻ ആകാംഷയോടെ ഗൗരിയുടെ മുഖത്തേക്ക് നോക്കി ഇരുന്നു..

” ഞാൻ അന്ന് പറഞ്ഞില്ലേ എനിക്ക് വേറൊരു റിലേഷൻ ഉണ്ടായിരുന്നു, ബ്രെക് അപ്പ് ആയി എന്നൊക്കെ.. കുറേ കാലം ആയല്ലോ, എന്നിട്ടും എനിക്കെന്തോ വീണ്ടും അതിനെക്കുറിച്ചു ചിന്തിക്കാൻ പറ്റുന്നില്ലായിരുന്നു .. ഒരു ഫ്രെണ്ട്ഷിപ്പിന്റെ അപ്പുറം എനിക്ക് പോവാൻ പറ്റുമെന്ന് ഉറപ്പില്ലായിരുന്നു…. ” ഒന്ന് നിർത്തി അവളെന്റെ മുഖത്തേക്ക് നോക്കി..

ഞാൻ അവളുടെ പറച്ചിൽ ഒരു നോ യിലേക്കാണോ പോവുന്നത് എന്ന ടെൻഷനിൽ ഗൗരിയുടെ മുഖത്തേക്ക് ഉറ്റുനോക്കി ഇരിക്കുകയാണ്..

” ഹരി എന്റെ നല്ലൊരു ഫ്രണ്ട് ആണ്.. അല്ല, എന്റെ ബെസ്റ്റ് ഫ്രണ്ട് ആണ്.. ഞാൻ ഹരിയോട് സംസാരിച്ച അത്രക്ക് ഓപ്പൺ ആയിട്ട് ആരോടും സംസാരിച്ചിട്ടില്ല, കൂടെ ഉള്ള ഗേൾസിനോട് പോലും.. ഞാനന്ന് സങ്കടപ്പെട്ട് ഇരുന്നപ്പോൾ എന്റെ സങ്കടം മുഖത്തു നോക്കി വായിച്ചെടുത്ത ആളാണ്.. എന്നെ ആ സങ്കടത്തിൽ നിന്നും രക്ഷപ്പെടാൻ സഹായിച്ച ആളാണ്.. എന്നെ നന്നായിട്ട് മനസിലാക്കിയ ഒരാൾ.. അന്ന് ഹരി എന്നോട് ഇഷ്ടം പറഞ്ഞപ്പോൾ എനിക്ക് പേടിയും ദേഷ്യവും ഒന്നുമല്ല തോന്നിയത്.. സന്തോഷം ആണ്.. വേറെ പലരും ഇതിനിടക്ക് പ്രൊപ്പോസ് ചെയ്തപ്പോഴും ഞാൻ അപ്പോൾ തന്നെ നോ പറഞ്ഞിട്ടുള്ളൂ.. പക്ഷെ എന്തോ..ഹരിയോട് എനിക്കത് പറയാൻ പറ്റാത്ത പോലെ ആയിരുന്നു…

പക്ഷെ ഇന്നത്തെ ഈ ദിവസം വരുമെന്ന് എനിക്ക് അറിയാമായിരിന്നു.. ഇന്നിതിന്റെ ഒരു ഉത്തരം പറയാൻ വേണ്ടിത്തന്നെയാ ഞാൻ ഇവിടെ എക്‌സാം സെന്റർ കൊടുത്തു ഇങ്ങോട്ട് വന്നത്… ഞാൻ ഒരുപാട് ദിവസം ആലോചിച്ചു, കുറെ അധികം ചിന്തിച്ചെടുത്ത ഉത്തരം ആണ്.. എന്റെ ഉത്തരമെന്തായാലും അത് നമ്മുടെ ഫ്രെണ്ട്ഷിപ്പിനെ ബാധിക്കരുത്… “, അവൾ എന്റെ നേരെ കൈനീട്ടി പ്രോമിസ് ചെയ്യാൻ ആയി.. ആദ്യമായാണ് ഗൗരി, ഹരി എന്ന് വിളിക്കുന്നത്..ഇന്ന് വരെ എന്റെ പേര് വിളിച്ചിട്ടില്ല..

പറയാതെ തന്നെ അവൾ പറയാൻ പോവുന്ന മറുപടി എനിക്ക് മനസ്സിലായി.. യാന്ത്രികമായി ഞാനും കൈ അവളുടെ നേരെ നീട്ടി..കൈയെല്ലാം തണുത്തിട്ടുണ്ട്…

” എനിക്ക് പറയാനുള്ളത് ഒരു NO ആണ്.. ഹരി നല്ല ആളാ..എനിക്ക് ഭയങ്കര ഇഷ്ടവും ആണ്, പക്ഷെ… എനിക്ക് ഹരിയെ അങ്ങനെ കാണാൻ പറ്റില്ല.. സോറി.. ” അവൾ എണീറ്റ് ബാഗ് എടുത്ത് ട്രെയിനിലേക്ക് കേറി..

ട്രെയിൻ മുന്നോട്ട് പോയതൊന്നും ഞാൻ അറിഞ്ഞില്ല.. ഞാൻ അവിടെ തന്നെ കുറച്ചുനേരം ഇരുന്നു.. ശ്രീയുടെ ഫോൺ ആണ് ഉണർത്തിയത്…

” ചേച്ചി പോയില്ലേ.. വേഗം വാ ഇങ്ങോട്ട്, എനിക്ക് ബോറടിക്കുന്നു.. ”

വരുന്നെന്നു പറഞ്ഞു ഫോൺ കട്ട് ചെയ്തു..

ശ്രീയുടെ റൂമിലെത്തി. ഞാൻ ഐസ് ക്രീം കൊണ്ടുവരുമെന്ന് പ്രതീക്ഷിച്ചാവും അകത്തേക്ക് കേറിയ പാടെ എന്നെ പ്രതീക്ഷയോടെ നോക്കി.. എന്നാൽ എന്റെ മുഖം കണ്ടാവും, എന്താ എന്ന് ചോദിച്ചു..

അടുത്തുള്ള ചെയറിൽ ഇരുന്നുകൊണ്ട് അവളുടെ മടിയിലേക്ക് മുഖം പൂഴ്ത്തി